بعد ما حكيتلكن عن الطرق الطبيعية لتبييض الأسنان،
وازا لساتكن بترغبو ببياض اضافي  شبه طبيعي ، يعني مالو ظاهر انكن عملتو عملية تبييض 

او متلاً اذا بدكن شي عسريييع يعمل سنانكن بيض

تعو لئلكن   


هلأ الئسم التاني من طرئ التبييض وهو

" الطريقة الكيميائية لتبييض الأسنان"


بس لازم تعرفوا شي مهم جدا عن هالطريئه 


الطريقة الكيميائية ما بتناسب الكل   ففيه متلاً نوعية من الأسنان ما بتصلح للتبييض الكيميائي، وهي النئطه لح بينها بعدين


وتاني شي من الأفضل استخدام هي الطريئه تحت إشراف الطبيب،


فركمال هيك بننصح كل الي حابين يبضوا سنناتن  انن يستشيروا طبيبن الخاص


ويرجعوا بعد هيك للطريئه الطبيعيه تتحافظو على البياض الي منحكن اياه التبييض الكيميائي ، لانو ببساطه التبييض الكيميائي ما بستمر الا ازا تابعنا بالطبيعي   


ولوئت ما حضر البائي ونسئ أفكاري فيكن تتطلعو منيح بالمكتوب

سلام 

ايييه...عنجد الأسنان البيضا...بتحلي الضحكة أحلى وأحلى.,,,
وبتخلي الواحد قريب من الألب....


ما في أحلى من الطبيعي,.....
يسلمن دكتورة....


   

الســلام عليـــكم :

بعد الشكر مرة أخرى ... لتميز قلم الدكتورة أم تيـــم .. بحب ضيف التالي على الطريقة الطبيعية :

* اللب الأبيض ( الداخلي ) لثمرة البرتقال يساعد على تبييض الأسنان .. أما بالنسبة لطريقة الاستخدام ..

فهي نفسها طريقة تفريش الأسنان .. و التي ستذكرتها الدكتورة بالتفصيل .. لكن بلطف شديد .. القساوة ليست حل لتبييض الأسنان ..!!

أستودعكم الله

يسلمو دكتورتنا

وشكرا كتير على اجابتي رح اشتري الدواء وخبرك بالنتائج 

وشكرا كتير على معلومات التبيض الطبيعي بعتقد الكل رح يجربون ويدعيلك

أنا متابعة الموضوع وبانتظار التكملة

وشكرا لك وللدكتور أبي

   

هلا بدي احكي عن 3 خيارات مهمه للكل
معلوم بتفيد لاشراقة اكتر لاسنانك وللتبييض كمانه
وتحت اطار درهم وقايه خير من قنطار علاج


1.استخدم معجونًا مبيّضًا، وتعلم كيف تنظف أسنانك بالطريقة الصحيحة
باتباع الآتي:


احرص على أن تنظف أسنانك وتزيل عنها كل البقع
عن طريق غسلها بالفرشاة والمعجون مرتين في اليوم
بواسطة معجون مدعم بالبيروكسيد،


ومؤخرًا أصبح معظم أطباء الأسنان يصفون لمرضاهم فرشات أسنان كهربائية تضمن نظافة اللثة والأسنان لتتركها لامعة ونظيفة.


سواء كنت تستخدم فرشاة أسنان كهربائية   أو يدوية فإنه من المهم أن تمسكها بالطريقة الصحيحة وهي بزاوية 45 درجة بموازاة اللثة.


ابدأ التنظيف بحركات دائرية حتى يصل المعجون إلى اللثة كذلك، 
واستمر بالتنظيف لمدة دقيقتين على الأقل؛  وذلك حتى يؤدي المعجون مفعوله.


ومن غير المفيد الضغط على الأسنان أثناء تنظيفها  فذلك لن يزيد من بياضها،  بل على العكس قد يكون على المدى الطويل سببًا في أمراض اللثة والتهاباتها، لذا من الأفضل أن يكون الضغط خفيفاً.

2. استخدم القطع اللاصقة المبيّضة.


زد من بياض أسنانك باستخدام القطع اللاصقة المبيّضة
أو بيّض أسنانك عند أخصائي أسنان.


والقطع المبيضة التي تحتوي على البيروكسيد هي عبارة عن قطعٍ لاصقةٍ تبقى على الأسنان لمدة 30 دقيقة   (مدة أطول من المعجون المبيّض)؛ لتجعل أسنانك أكثر بياضًا بعدة درجات.


اتبع التعليمات المدونة على غلاف القطع اللاصقة أثناء وضعها
وتأكد من أنها تغطي منحنيات الأسنان  حتى تجعل اللون موحدًا.


وهذا ما ورد عن الدكتور (ستيفن فوكي) طبيب الأسنان المختص الذي يعمل في مدينة نيويورك،  حيث يقول: "حاذر من وضع القطع على اللثة؛ لأن البيروكسيد يسبب التهابًا للثة ويجعلها محمرة ومتورمة".


لا تشعر بالإغراء لترك القطع اللاصقة على أسنانك لمدة تزيد عن المدة المذكورة على الغلاف، فالتبييض يجعل الأسنان حساسة جدًا، خاصة فيما يتعلق بالحرارة أو البرودة. [/color]

3-استخدام الجل المبيّض


لزيادة بياض أسنانك بعدة درجات، وزع الجل المبيّض المدعم بالبيروكسيد على أسنانك باستخدام الفرشاة،  ويفضل مراجعة طبيب الأسنان ليقوم هو بذلك.


"فيما تبدو الجيلات المبيّضة أكثر سهولة في استخدامها من القطع اللاصقة،  فإنها مع ذلك يجب أن توضع بدقة أكثر".


قم بتفريش كل سن على حدة، وتجنب تمامًا خط اللثة؛ وذلك بسبب ما ذكرناه سابقاً بأن البيروكسيد يسبب التهاب اللثة، ثم أبقِ الفم مفتوحًا وساكنًا لمدة 30 ثانية بعد وضعه، وذلك لكي يجف الجل خلالها ويثبت في مكانه، وإلا فإنه من السهولة أن يزيل اللعاب الجل مما يؤدي أيضًا إلى التهاب الحلق

يسلمن دكتورة...

الله يديم الضحك والابتسام عندكن يا رب....

بس سؤال...شو رأيك بجلسات تبييض الأسنان اللي بيقومو فيها الأطباء والمخابر السنية؟؟؟

شكرا جزيلا دكتورة على هذه المعلومات

نور المنتدى فيكي

و بتمنى لا تحرمينا من معلوماتك القيمةو المفيدة

dr.bashari
وانسانه فضوليه
وللكل 

اقتباس

وهل هي عملية آمنة ليس لها مضاعفات على أسناني على المدى البعيد؟

اوك لح جاوب على هالاسئله هلأ ، لأنو بعدا بدي وئف اي اضافه علميه بهاد الموضوع ،
وببئى بس لأي استفسار عندكن ، فيكن تحطولنا اياه هون ،
وانا و بمعية دكاترة القسم  منجاوبكن 

مرحلة عملية تبييض الاسنان بالمخابر الطبيه او بالعياده ،

هي اخر مرحله
هاد ازا ما نجحت معكن الخطوات الي انزكرت بالموضوع،
وهي يا جماعه افضل الطرق " روحتكن للطبيب "
لانو بتتعدد عنده طرئ التبييض بأحدث الوسائل ، والطبيب بخبرته وبعلمه
بحدد الوسيله الي بده يستخدمها معك حسب طبيعة اسنانك
وطبعاً ولانو اسنانا بتختلف من واحد للتاني ،    فمعلوم ان النتايج بعد العمليه تختلف من واحد للتاني 



هلأ العوامل الي بتعتمد عليها درجة نجاح عملية التبييض :

_ طبيعة الأسنان .
_ وعلى نوع ودرجة اصفرار الأسنان
_ ونوع وتركيز المحلول المستخدم في التبييض، والوقت المستخدم.
_واتباع المريض التعليمات

واخر عامل يا حلوين هو اهما عامل بالنسبه الي 
لانو من بداية الموضوع ونحنا منحكي عنه  ،،، ما ؟



هل تبييض الأسنان مناسب للجميع؟
والإجابة إلى حدٍ ما إيه ، بس ياختياركن طبيب كفو 




متى لا يفضل تبييض الأسنان؟
فيه حالات ما بتفضل معها انكن تعملو عملية تبييض اسنان ، _

_من هم دون الخامسة عشرة من العمر؛لانو لسا ما اكتمل نمو اسنانن، وكمان في هي الحاله منخاف من " الحساسيه المفرطه" عند تبييض اسنان الاطفال والمراهقين.


_ مَن تكون أسنانهم حساسة للاشيا الباردة والحارة، والي عندن التهابات لثوية ، حتى ما تتفاقم معه مشاكل اللثه .


_ يمنع استخدامه أثناء الحمل.


_ وللي لون أسنانه داكن كتير  ، أو اذا كانت أسطح الأسنان مصابة بأمراض مثل التسوس أو التلون المصاحب لزيادة تركيز الفلوريد أو وجود حشوات تجميلية على الأسنان الأمامية.


_ المدخن ما اله نصيبٌ كبير في هي  الخاصية الجميلة لأسنانه إلا إذا أقلع عن التدخين  .

شوفو بالحالات الي فوق    ،،، فيه طرق بتبعها اطبا اختصاصين
بس بتلائي كتير من الصعوبه عند المريض .



واخر شي ، هل نتائج التبييض مرضية ومضمونة؟

بناءً على خبرة الأطباء ما بدوم التبييض؛ لأن ثبات اللون الجديد بعتمد على عدة عوامل،متلاً  تناول الحلويات أو المشروبات الملونة كالشاي والئهوة، أو التدخين أو عدم الاهتمام بتفريش الأسنان باستمرار  لح  يعيدلكن  لون الأسنان إلى سيرتها الأولى،   


بس طبعا اذا تقيدتو بتعليمات الطبيب ، الي عطول بتنتسى وبتهملوها 
لح يستمر التبييض لسنة كاملة 



في النهايي بدي ئلكن شي ، وحطوه حلئه بودانكن 


تبييض الأسنان سواء بطريقة طبيعية في بيتك، أو عند الطبيب هو مانو عصا سحرية بتحول أسنانك إلى لآلئ لامعة .او انه يخطر ببالك لا سمح الله  انو النتائج لح تم ثابتة مدى الحياة.


لأ 

لانو عليك تهتم بنظافة وصحة أسنانك باستمرار ببيتكن 
لأنو كمان إذا بدك تستمر بالتبييض بالطرق الكيميائيه ، فبهي الحاله  لح تضطر ترجع للطبيب كل 6 اشهر او سنه كامله ،طبعا حسب ما بشوفلك الطبيب .



سلام