ظهر الخير
شو أستاذ أيهم شو هااااد بس هدول أسئلتك
بس مع هيك أهلا و سهلا فيك نوّرت المقلاية
حتى بحسها نادراً ماتعصّب ع حدا
نادراً ما عصب مزبوط بس الله يستر وقت بعصّب يعني متل الهدوء قبل العاصفة
بسم الله لنبلش
مثلك الأعلى ؟
" سؤال روتيني "
مع إنه سؤال روتيني و لا مرة فكرت فيه .
بحس بابا هو مثلي الأعلى باجتهاده و إصراره و مبادئه .
هل دخلتي فرع الصيدلة عن حب أم لظرف ماا ؟
وهل طموح مابعد التخرج ..
هو تجاوز الماجستير بتفوق " ان شاءلله ".. ومن ثم العمل بصيدلية - مخبر .. أم ماذا ؟
فتت على الصيدلة عن سبق إصرار و ترصد .
هلء بالنسبة لبعد الماجستير ( إذا عشنا و الله يسرها) عندي طموح كمّل دكتوراة . إذا ما قدرت حقق هالشي و بحكم إنه اختصاصي بالماجستير بيتيح لي افتح مخبر فعندي خيار بين المخبر و الصيدلية. هلء ما بعرف شو ممكن اعمل بس اللي بعرفه انه ما عندي مشكلة بالاتنين بحب الصيدلية و بحب المخبر . فحسب الظروف و شو الله بيسر .
بعيداً عن الصيدلة .. أي فرع كان ممكن تدرسي ..؟ ولأي مهنة ممكن تميلي ؟
كنت حابة أدرس طب نفسي أو تربية يعني أي شي اله علاقة بتحليل النفسيات و دراستها . أما المهنة فمتل ما قلت طبيبة نفسية أو مرشدة اجتماعية ( مع إني عم مارس هالمهنة مع أصدقائي بس بدون مقابل
) .
كيف تعرفتي عالمنتدى .. ؟ تقييمك لصفحاته وأهله ؟
هل حققلك المنتدى الفائدة المرجوة منه ؟ وهل هناك أسماء أثرت فيكي ؟
تعرفت على المنتدى من خلال صديق . برأيي المنتدى من أفضل المنتديات الطلابية . و الأعضاء على قدر جيد من الوعي و الاحترام و الجدية ( مع بعض الاستثناءات ) . فيه مواضيع رائعة و تستحق القراءة كمان شهد انطلاق عدد من المشاريع و الانجازات الناجحة . بتمنى يستمر على النهج اللي رُسم له من البداية .
ما بعرف إذا حقق لي الفائدة المرجوة منه لأنه من الأساس ما كنت حاطة آمال أو توقعات . سجلت بالمنتدى بناء على نصيحة صديق و ما كنت متخيلة إنه يتحول بسرعة لجزء مهم من يومي و جولتي بالنت .
أكيد في أسماء كتير أثرت فيني لا مجال لذكرها لأنه كل اسم محترم و فكر واعي مثقف أثر فيني و أكيد عددهم كتير كبير بالمنتدى .
سبب ومعنى " طوق الياسمين " ؟
هاد السؤال بدك تسمح لي ما جاوب عليه
بتعرف ليش لأني جاوبت عليه بموضوع لك قبل هلء ( ماني متذكرة اسمه ) . فبعد إذنك بده ينتقل على المكررة
أوقات الفراغ .. بشو ممكن تقضيها ؟ وهل عندك حب للسفر والتنقل ؟
بأوقات الفراغ ممكن اعمل كتير شغلات . بحب اقرأ ، تابع تلفزيون أو نت ، اطلع مشاوير ، آكل ، ممكن اكتب ، العب على الكمبيوتر ...
بحكم الظروف اتعودت على السفر . بس بالإجمال بحب سافر و اتعرف على مناطق و ثقافات مختلفة بس كإجازة فقط .
بتحبي تشاهدي الأخبار السياسية والرياضية ؟ وهل عندك بعض الشخصيات المفضلة ؟
وبالمونديال أي فريق ناوية تشجعي ..؟ "لو تابعتي"
بالنسبة للأخبار السياسية ما بتابع بيوجعني راسي إلّا إذا كان في شي حدث مهم . أما الأخبار الرياضية فإجمالاً بتابعها بحب تابع أخبار التنس ، كرة القدم بالبطولات الكبرى
بالنسبة للشخصيات المفضلة أكيد في بس هيك السؤال عام كتير . حدد اللي المجالات لجاوب
أنا مشجعة للبرازيل ولوو بس بالدرجة التانية بشجع ألمانيا
الأزمة الإقتصادية ومرض إنفلونزا الخنازير .. هن مجرد كذبة مدبّرة من صنع غربي ..
شو رأيك بهالكلام ؟
مممم رح قلك شغلة برأيي الموضوع مو كذبة على قد ما هو مبالغة و تهويل للأمور . بالنسبة للأزمة الاقتصادية ما عندي كتير معلومات عن الموضوع بس من خلال اللي سمعناه عن انهيار بنوك و شركات عملاقة فما بتوقع القصة كذب. أما بالنسبة لانفلونزا الخنازير و قبلها أنفلونزا الطيور فصار كتير في تهويل و تكبير للوهم المتعلّق فيهم . مزبوط المرضيين ممكن يؤدوا للوفاة بس قابلين للعلاج . حتى إحصائيات الوفيات بتأكد إنه القصة مو مخيفة للدرجة اللي الإعلام عم يحاول يظهرها فيها .
هل عندك حب للطبخ ..؟ وهل تجيدينه ..؟ وشو أكتر أكلة بتفضلي ؟ "سؤال حساس
الطبخ حلو بيذكرني بالعملي بالكلية
. بعرف اطبخ بس أكيد مو كل شي . بحب أكلات كتير بمقدمتها الرز ببازلاء و بحب الدجاج مع مرقة و رز بالإجمال أنا بميل لأكل الدجاج أكثر من اللحمة فكل شي فيه دجاج بحبه .
موقف طـريـف حصل معك .. بتحبي تشاركينا فيه ؟
مرة رنّ التلفون و كنت ناطرة أخي يدق . المهم رديت و سمعت صوت بيشبه صوته و بلشت احكي و احكي و الزلمة اللي على الخط عم يرد بعد شوي خطر ببالي يالله هاد مو صوت أخي مين اللي عم احكي معه ؟؟
ما بعرف شلون سكرت السماعة يومها و كل اللي بالبيت فرطوا ضحك عليّ
. ( هاد اللي اتذكرته مع إنه المواقف كتيرة بس مدري وين اتبخرت)
ببضعة كلمات .. لو طلبنا تحكي عن طوق الياسمين .. شو بتقولي ؟
طيبة ، صادقة ، صريحة ، حساسة ، عنيدة كتييييير
طوق مرة وعدتيني بحسومات بالسعر عالأدوية يوم الإفتتاح
بس يوم الافتتاح مينح وفرت عليّ كنت ناوية اعمل لك حسم دائم
و أخيراً
ما رح قول غير الله يسامحك على هالتحقيق و شكراً على الأسئلة حلويين و دسميين شكلك رح تكون محامي ناجح
اسبوعا لكل عضو نعبر فيه عن حبنا....
) 
) .
) بس لا كتير تطولوا 
حبيت ذكرك لاتنسينا هاا ههه
