بسمة الأمل سارا

يا روحي انتي ياسارا واضح انك حابة تتعرفي عليي لأنو اسئلتك

بتمس الشخصية فعلا .. وما حسيت حالي بمئلاية الا بعد ما قرات اسئلتك

أهلين سارا بشرفي نورتي

السلام عليكم..
كيفك هدولة خانم.. وكيف هالمقلاية معك.. إن شاء الله عم تدفي منيح؟..
لأ هيئتن الجماعةمقصرين بالواجب .. وأكيد مو حلوة نحنا كمان نقصر بواجب ضيافتك بمقلايتنا الكريمة..
طيب .. نسمي بالله ونبلش بالنقارش.. يليها الدسم والشقف والكباب ومن ثم الحلويات..
هالمجموعة عبارة عن إجابة بـ مع أو ضد.. (لا خيار ثالث.. حلوة الديمقراطية)..
أنتي مع أو ضد استقبالك بالمقلاية الكريمة؟
مع أو ضد فكرة الاختلاط وإقامة صداقات بين الشاب والفتاة؟
مع أو ضد الحياة عالنت تختلف عن الحياة الواقعية؟
مع أو ضد فكرة "الصاحب ساحب" ؟
مع أو ضد فكرة إنو البنت دائماً مطموع فيها والكل بيستناها عالنكشة ليقدروا يستغلوها؟
طيب حاجتو هالنمط.. ملينا من الأتمتة.. هلأ منرجع لنمط كنا نحبو كتير بأيام الابتدائي .. (املأ الفراغات)..
أنا بنت ----- و ------- ولكني بالمقابل ----------
لو رجع فيني الزمن لورا كنت بغير ---------- وبساويه -------------
أكتر شي بحبو بالمنتدى هو ---------- بس كتيير بكره فيه شغلة ------------
أكتر كلمة ندمت عليها بحياتي هيي __________
رفعت من موادي بالفصل الأول ---------- مواد, وحملت -------
golden rose إنسانة ------------
Syrian angel إنسانة ------------
Bouvardia إنسانة ----------------
عزوز إنسان _________
ماهر الزعبي إنسان -------------
جسد بلا روح إنسانة -------------
فهد إنسان --------------
د.ماجد  إنسان -------------
إنسانة فضولية إنسانة ----------------
ياسر نت إنسان ------------
(حاجتك هدول... بصراحة اخترتن لأنو حسيتن أكتر أشخاص مميزين وبتتعاملي معن بالمنتدى (أكيد في أشخاص غيرن مميزين.. بس اخترتلك هالأخوة الكرام)
وهلأ..... منجي لنمط الشرح والإسهاب (تبع تكسير العلامات)..
شو أحلى لحظة مريتي فيها بحياتك..
شو أكتر موقف محرج صار معك؟
احكيلنا باختصار عن لمحة بسيطةعن حياتك من الطفولة لهلأ.. أكيد في محطات معينة كانت حاسمة وصارت فيها نقلات نوعية.. حابين تشاركينا بعض هاللمحات.. إذا ما فيها سئلة..
شو موقفك من الحجاب ؟.. وياترى إذا محجبة بتحسي حالك عم تطبقيه قولاً وفعلاً.. ولااا؟؟؟
مقلب ظريف ساوته هدّول وما بينتسى.. شو هو؟
لو رجع فيكي الزمن لورا.. بترجعي بتسجلي بالمنتدى؟..وليش؟
وهيك منكون عملنا واجبنا وان شاء الله نكون عبرنا منيح عن حبنا لهالعضوة الخفيفة الدم هديل..
وإذا تقلنا عليكي فما تواخذينا آنستي.. بس حبينا نتوصى شويتين.

بونجوركن بالليل


dr.bashari

     

أهلا وسهلا أحمد للمرة التانية  

يا أخي ئلي .. اسمو ئلي مو تحئيئ .. مع انو ما حدى عم يطلعلو معي لأنو لهلأ

كل شي ماشي ع كيفي ومزاجي هاهاهاها   (( هي ضحكة غرور وعجرفة ))

ما كتير بيخطر ببالي هالتفكير بصراحة .. بس في حدى عايش بالشام وما بيحب

هوا الشام وتراب الشام وبيعشئ الشام   ؟؟

أكيد بحب الشام أكتر شي

ليك لئلك شغلة بتضحك  .. أنا كان اختصاصي كأس العالم وبس ما

كنت تابع شي غيرو

وبحب الفريق الالماني وبعشئ شي اسمو مايكل بالاك 

بس لما سجلت بالمنتدى وكل يوم عزوز يحطلي صورة لكاسياس بهالمنتدى خرطت مشطي

الئصة وصرت تابع دوري اسباني شوي مو كتير

وأبي الله يرحمو كان مدريدي وامكتر .. فأنا صرت مدريدية بالورااثة وبمعية عزوز كمان

البنفسج  ..

ولا يهمك انا هون شو شغلتي 

بتنور أحمد

بدي قول شغلة انو انا مالي زعلانة من سارا ..

بس معئول في حدى بالدنيا اسمو رايئ   ؟؟

يعني شلون خطرلك ياسارا انو انا عن جد بالحئيئة إم رايئ   ؟؟

إلي رجعة المسا  

نسيت سؤال من اسئلة أحمد

رح قلك لمين بسمع 

بسمع لعمرو دياب واليسا ورامي صبري عندي اياه عالم تاني  ..

وعندي ادمان عال back street boys وبحب أغاني ل shakira

بصراحة يمكن ما في غنية بالوطن العربي ما بعرفها   .. لأنو عندي ادمان عالاغاني

ايه وكمان بحب شيرين كتير .. وبسمع لتامر حسني ومين كمان ياهديل

وبحب أغاني لزياد الرحباني ..

يعني زوئي بالاغاني صعب عليي حتى انا اني اعرفو   لاني بسمع للكل

حتى موسيقى بسمع ..

بس بيضل عندي عمرو دياب ورامي صبري غير

اما بالنسبة لاسئلة نانون فأنا مضطرة أجلهن للسهرة لانو ما شالله اسئلتها

سهلة كتير يعني بجيب مية برياحة 

الاسئلة المكتوبة المفروض تكون من حدى بيعرف أدق التفاصيل عني

وبيني وبين نانون مافي كتير تواصل 

بس تكرمي   نانون  انا رح جاوبك خاصة انك متوصية فيني منيح  

رايحة جيب كمشة بزر وفستئ وشوية بسكوت وشيبس ونسكافيه

واصفن بأسئلتك  

مرحبا هلق رفيقتي هديل

رجعت ثاني

هلق عندي كم سؤال الك


هاد ياللي طلع معي هلق


بتعرفي مالي فاضية هاليومين هلق ,,,

وفي حساب رح يصير بعد أسبوع ,,,

لناس بتعرف حالها ,,


المهم هلق هديل

مارح طول عليكي هلق

أول سؤال

هلق شو بيعنيلك الوقت؟؟

ثاني سؤال

انتي بتحبي تنظمي وقتك هلق ؟؟ وكيف بتنظمي هلق

ثالث سؤال

هلق بتهمك الأمور المنزلية.,, مثل الطبخ ,الجلي , وغيرو,,

رابع سؤال

هلق بيهمك شكل الشخص ,, بعرف انو هلق الأخلاق فوق كل شي ,,
بس مجرد سؤال هلق

خامس سؤال

هلق لاي درجة بتثقي برفقاتك اللي تعرفتي عليهم هلق عالنت ,, خصوصي عصابة التخفيش

سادس سؤال

مارح بزعل منك هلق ,, بس هلق أنا حابة تقوليلي شو عرفتي عن سارا محمد هلق ,, وشو نظرتك الها ,,وبكل صراحة ,, ثقي هلق انو مارح ازعل منك هلق ,,

واذا ما بدك هلق تجاوبي عالسؤال ,,,فيكي

1- اتصال بصديق
2- مساعدة الجمهور
3- تغير السؤال
طبعا هلق عم بمزح

شلوني معك هلق ,, بالله بالله ,, مو خرج بكون جورج قرداحي هلق


بتمنى أنو أسئلتي ما بتضايق حدا هلق
وأمانة أي حدا هلق بيتضايق من أسئلتي
ببيعثلي رسالة مستعجلة هلق

هيك بيكفي هلق ,, واذا فضيت برجع ثاني

على فكرة هديل ,,أنا هلق مثلك بحب الرياضيات والعربي هلق أكثر شي



بااااااااي

سارا

مررررررحبن

بونسواااااااار عوش الصبح

صباح الخير للكل  (( وبلا لطش مصطلحات حدى   ))

nanon

   

بصراحة ما في تواصل بيني وبين نانون هاد الشي يلي خلاني استغرب

من أسئلتها لأنو متل ما قلت الاسئلة بتدل ع حدى بيعرفني منيح

ع كلن مو مشكلة رح جاوب

وأهلين نانون   أنا صح ما بعرفك منيح بس أكيد بعرف انك بنت محترمة وأكابر

ونورتي الموضوع

الحمد لله انا منيحة .. وعم ادفا لكان ما عم ادفا  ..

ولأنو الديمقراطية حلوة يمكن ما اكتفي بكلمة مع أو ضد وبس

ماحدى ممكن يجبرني على شي ما بدي اياه .. واذا شفت شي بالموضوع ما عجبني

أو سؤال غير لائق أو أي شي دايئني ساعتا حكي تاني

سؤالك بدو جريدة جواب

ليكي كلمة اختلاط كلمة كبيرة والها أكتر من ناحية للنقاش والها أكتر من منطق ليفسروها

وكلمة صداقة بين البنت والشب صعب تلائيها لانو يمكن فيها مخالفة لعاداتنا أو للشي

يلي ربينا عليه .. ومهما طلعنا ونزلنا نحنا ببيئة شرقية محافظة

هاد ما بيعني انو انا بنت منعزلة أو علاقاتي محدودة بالعكس

بس أنا بحافظ على شي اسمو وسطية بالحياة ..

الصاحب ساحب ما اختلفنا بس انا عندي عئل وتفكير واذا حدى قلي كبي حالك بالبحر

أكيد بكب حالي   .. لا عم امزح

بس طول ما انا عندي قناعات وأفكار عندي ايمان بإنها صحيحة ما لازم اسمح لحدى يغيرلي

اياها .. وما لازم اسمح لحدى يجبرني أو يأثر عليي بشي أنا برفضو

ما بيخلى الامر

بس طول ما انا عم اعمل شي يرضي ربي وأهلي ونفسي شو بدي بالناس ؟؟

بس ايام الابتدائي كانت الاسئلة اسهل من هيك

أكتر شي بحبو بالمنتدى الرفئات المحترمين والاكابر يلي اتعرفت فيه عليهن

وأكتر شغلة بكرها فيه مشاكلو التي لا تعد ولا تحصى ويلي رح تخليني انفر منو 

نور طيوبة واتشرفت اني اتعرفت عليها

سوسو ظريفة ومهضومة وذكية واجتماعية لأبعد حد وشخصيتها متميزة

ميمي بنت قوية وقد حالها وعندها ذكاء اجتماعي 

ماهر ذكي .. واعي .. ومتل ما بيئول الكل بالمنتدى صاحب القلم الجريء

ما بعرف عن مرام شي وما عندي أي تواصل ولا بأي طريئة معها

لذلك ما بئدر قول عنها شي بس واضح انها انسانة مثقفة وقوية الشخصية

ماجد أكابر ومرح وقلبو طيب 

فوفو أكتر حدى بالمنتدى اتعاملت معو بطريئة مختلفة .. ويمكن فوفو هي الوحيدة

يلي بعاملها بطريئة خاصة مستحيل تكون لحدى غيرها بالمنتدى

فوفو رفيئتي وبحترمها وأسلوبها بالمنتدى ناجح جداً وبيعجبني كتير

أنا متلي متل كل هالاعضاء بسمع عن ياسر كتير .. ما عندي تواصل معو ولا بعرفو

بس ياسر صبور وواعي ومثقف وأفكارو حلوة بس لو يلائي مين ينفذها صح

يعني فكرة منتدى طلاب جامعة حلوة بس هاتي طلاب جامعة عن جد

واختيارك كان ناجح كتير على فكرة

الحمد لله رب العالمين وبفضل الله في لحظات حلوة كتير بحياتي

ومارح قلك شو أحلى لحظة لأنو لسه ما عشتها بس متوقعة عيشها بعد فترة

وبتمنى تكون متل ما انا متوقعتها .. لانو انا متفائلة فيها كتير

لما كنت صف عاشر عملت مئلب بالصف مستحيل انساه لانو سبب كوارث بشرية

وكان المئلب بآنسة أنا بكرهها ولهلأ بكرهها .. يوميتها اتعاقب الصف كلو بسببي

لأني خليت حصتها متل سوء الهال 

رجعنا لكلمة لو  ..؟؟

بس رح جاوبك

لو رجع فيني الزمن بسجل بالمنتدى بتعرف عالناس الاكابر المحترمة يلي فيه

وما بتصرف أي تصرف من التصرفات يلي ندمت عليها هون

ولو صحلي اتعرف ع رفئاتي يلي اتعرفت عليهن هون بمكان تاني غير المنتدى

كنت أكيد ما سجلت فيه

وفكرة ترك المنتدى فكرة كتير شاغلتني وتنفيذها صار عندي

سهل كتير .. ومحبب .. ومقنع 

تسلمي يا نانون يمكن اسئلتك كانت لحد الان أكتر اسئلة مختلفة وبتكشف الشخصية

وتكرمي نحنا كم نانون عنا   ؟؟

أهلين حبيبتي وربي يوفئك بكل حياتك 

عودة سريعة...شو تتركو المنتدى.....
المنتدى ربي عايديكن....
ووقت صار بدو روضة وتعليم رح تتركو؟
بتمنى ما تأثر الخلافات أو الحساسيات....بالردود يبن الأعضاء....
ما ننسى انو في كتير جداد عل منتدى يومياً.....
وممكن من رد واحد ياخدو صورة عن المنتدى كلو....

تقبلو التحية....

مرحبا

بس من بعد إذنك آنسة هديل بدي اسألك سؤال صغير

أنا بحس إنو روحك المرحة وابتساماتك ومرحك وراهم مخبى حزن كبير

صحيح إحساسي ولا لأ

آسفة على الازعاج حبيبتي هديل

كنت بدي اسألك أسئلة أكتر بس لقيت إنو الأعضاء توصوا فيكي بالأسئلة
تقبلي مروري
     

أهلين بسارا .. والله منورة يا أم السوس بتعرفي سارا

أسلوبك عم يزكرني بوحدة بعرفها منيح .. ومنيح كتير .. يمكن في شوية اختلاف بطريئة

الحكي .. بس سبحان الله كأنكن واحد من كتر ما بتشبهو بعض بالتصرفات