إذا كنت شابا و تريد أن تتزوج  و لم يسبق لك الزواج هل تتزوج من مطلقة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرجاء من الجميع الإجابة
لأننا في مجتمعنا الذي نعيش به نظلم الكثير بدون أن نشعر
هل يحق للمرأة المطلقة أن تتزوج بشاب لم يسبق له الزواج أو أن تتزوج إذا أرادت الزواج برجل سبعيني عنده من الأولاد 8 و من النساء 3





لا أقصد المبالغة أبدا و لا أنوي التهويل ولكن هذا هو الواقع
أرجو من الجميع الرد و الإجابة

شكرا الك زميلة لبنى على طرحك هذا الموضوع المهم في مجتمعنا ، أنا برأيي انو ما فيها اي مشكلة انو الشخص يتزوج من امرأة مطلقة ، لأنو بالزواج اهم شي الأخلاق ومو مشكلة اذا كانت مطلقة واخلافها منبحة فلا بأس من ذلك ، بي أنا بحب قلك انو غالبية اهالي الشباب في مجتمعنا وللأسف وقت يريدوا انو يخطبو لأبنهم ما رح يخطبولوا وحدة مطلقة ويقولون للأسف ( دخيلك على شو انزوج ابنا لوحده مطلقة ) ، اما اذا كان الشي مطلق ايضا فأهله اكيد بيوافقو انو يتزوج وحده مطلقة ، للأسف عنا وفي مجتمعنا المرأة المطلقة بتنظلم كتير من الناس يلي حواليها وكل ما بدها تساوي فعل أو عمل ما بيقولوا اهلها لها ( شو نسيانه انك مطلقة ) تقول يا حرام المرأة ارتكبت ذنب لا يغتفر اذا طلقت ، مع خالص احترامي وتقديري للموضوع
الفتى الدمشقي

شكرا لبنى على موضوعك و سؤالك

يمكن لو قلبت السؤال .. يعني هل انا بقبل اني اتزوج من مطلق .. ممكن اقول نعم

بس نعم بحذر شديد ... يعني لاعرف شو سبب الطلاق .. لانه في رجال ما بيخافو

الله .. و لقب الزوجة الثانية لقب ما كتير بيعجبني

بس يلا راح استنى لاشوف الشباب شو راح يجاوبو .. و للحديث بقية

اعذريني لبنى على تطفلي

شكرا لبنى عالموضوع
صحيح أي أم بتحب أنه إبنها لما بدو يتزوج ياخد وحدة ما دخلتش دنيا (إستعارة من بنت مصر )
لكن مو شرط لأنه المطلقة لها كامل الحق أن تتزوج شاب لم يسبق له الزواج إذا وافقه ذلك و حصل بنهما تفاهم و ود
وخليني بصدد هالموضوع أذكر تجربة أحد معارفي و هو الشب اللي حب  بنت و خطبها لكن أهلها ما وافقوا عليه لأنه كان بعده طالب و البنت تزوجت و أنجبت بعدين تطلقت من زوجها و خطبها هو مرة ثانية لكن لاقى معارضة شديدة بالأخص من والدته الحاجة و صاحبة الدين فلما واجهها قال لها كلمة واحدة : إحسبيها بنتك مطلقة و إجاها شاب مو متزوج من قبل ما بتزوجيه ؟؟ ففكرت شوي وبعدين
أمه وافقت مباشرة و هم الآن من أسعد الناس اللي شفتهم في حياتهم الزوجية و الله رزقهم بنات و صبيان و عايشين أحلى عيشة
مشان هيك العبرة مو بالمطلقة و العازبة العبرة بالحب و التفاهم و العشرة و الأصل بيرجع للتربية
تقبلي مروري

إلى الأخت لبنى سأكلمك عن نفسي
أنا أهلي إذا بدون أتجوز لازم البنت تكون من عائلة محترمة معروفة هذه العائلة ومؤصلة
يعني بالعامية معروفة قرعة أبوها من وين يعني لازم البنت تكون من العائلات المحترمة في مدينة دوما يعني ماحيلة عيلة
اللي بيسمعني بيقول لح أتجوز جدها المناضل ضد فرنسا في الثورة
فبدك ياني أخذ  وحدة مطلقة أو أرملة  الله العليم أمي بتغضب علي وأبي بيتبرى مني
بتعرفي أهل الشام الأصليين وعاداتهم
لا تأخذوني بس اللي كتبتوا واقع المجتمع والعائلة
وشكرا حاكم فتحتيلي جروحاتي

 

  صراحة  لبنى  مواضيعك دائما ملفتة للنظر

  و الصراحة أكتر  أنا بالنسبة  لي  هيدا شي  كتير  عادي  .  و اللي  بيجي  من  الله  يا  محلاه

             

بالنسبة  ألي  يا  عيني  ......بدي  قول.....
لازم الكل  يتذكر زوجات  عظيم  الأمة  و قائدها عليه  الصلاة  والسلام  يا ترى  كانوا  كلون  عذراوات؟؟

و أنا  كشخص  أذا  عرفت  السبب  الحقيقي  للطلاق  ممكن  أعمل  يلي  بدي  يا  ساعتها  يعني  حسب  السبب يلي  طلقت  مشانو  المرأة

سلام

لبنى شكرا كتير الك
آسف بس تعليقي رح يكون مستوحى من تعليق موون لايت:

اقتباس

شكرا لبنى على موضوعك و سؤالك

يمكن لو قلبت السؤال .. يعني هل انا بقبل اني اتزوج من مطلق .. ممكن اقول نعم

بس نعم بحذر شديد ... يعني لاعرف شو سبب الطلاق .. لانه في رجال ما بيخافو

الله .. و لقب الزوجة الثانية لقب ما كتير بيعجبني

بس يلا راح استنى لاشوف الشباب شو راح يجاوبو .. و للحديث بقية

اعذريني لبنى على تطفلي

1-طيب اذا كانت البنت بدها تعرف شو سبب طلاق الرجل قبل ما تتزجو وبدها تقول نعم بحذر
فأن يفعل الرجل نفس الشيء فهو امر طبيعي جدا

2- واذا كان لقب الزوجه الثانيه مو حلو كتيلا او ما بيعجب البنات أوليس أحرى بالرجل ان يفكر ألف مره قبل ان يحصل على لقب الرجل الثاني مع العلم ان هذا اللقب اصعب بكثير على الرجل منه على الفتاة

بس........ بالنهايه حابب قلك انو كل شي قسمه ونصيب وبالاخص بالزواج

أعتذر عن الاطاله وكل الشكر لك على الموضوع الرائع

مشكووووووووووووووووووووره

يسلمو لبنى على هالموضوع الحلو
انا عن نفسي مع احترامي لآراء الجميع ارى انو المطلقة متلا متل اي بنت اخرى و قد تكون الحياة مع مطلقة اروع و اجمل من الحياة مع الكثير من العذارى ..... و بالنهاية الموضوع قسمة و نصيب و انا عن نفسي لو وجدت مواصفات فتاة أحلامي في مطلقة فلن اتردد لحظة و ما رح افكر ابدا بكونها مطلقة نهائيا
و لكل راي يحترم
تقبلي مني تحية رائعة بروعة موضوعك 

أود أن أشكر الجميع على ردودهم و آرائهم التي تدل فعلا على مدى وعيهم الاجتماعي


و أتمنى من الجميع تصفح موقعنا ليرى كم في جعبتنا من كنوز


بوركتم أصدقائي