بالبدء شكراً على موضوعك الغاية بالاهمية ,ومثير للجدل

خيي عبد ...........بيشرفني كون اول حدا بيجاوب على أسئلتك



* لماذا يتباهى الشاب بتعداد علاقاتة العاطفية ؟

لأنو برأيو  بشوف هادا الشي مطلق الرجولة_وهو بعيد عنا سفر مئات السنين الضوئية_ ومن جهة تسليةومنشان يتباهى قدام رفيقاتو

* هل هي محاولة لاثبات الذات ؟
لربما اي بنظرون .......بس هو مع الاسف انسان مريض عم يعاني نقص ما
* أم أنها عادة تبدأ في سن المراهقة وتبقي ملتصقة بالشاب الى ما بعد المراهقة ؟

القصة مو عادة ........بس.هو دائماً  في شي اسمو حب اكتشاف والتعرف على  الجنس الاخر

واسفاً عند البعض باتت من نظام حياته_وعنجد متل مابيقولوا جيل اخر زمن_
* هل المجتمع هو المسؤول عن هذه المشكلة ؟


أكيد ما في شك انو المجتمع مسؤول بجانب من هالمعضلة بشمولية محيطه سواء الأسري والمؤسسات الاجتماعية الاخرى..........* هل التلاعب في مشاعر بنات الناس
أصبح منطقياً ؟

والعياذ بالله .....بالنسبة للبعض صار منطقي وشغلة عادي
كأنو نسيو انو في عندون أخوات بنات


وبالنهاية صرنا بواقع انقلبت في المعايير..........
بس ان خليت خربت

بس متل ما في هيك شكيلات .......... كمان في الشباب الواعي و المربى على الغالي مثل ما يقال منشان ما ينظلم حدا..........وهدوليك الشكيلات خرجون شي محرقة_انا مو دموية وأسفة على التعبير  بس عنجد هيك بيستاهلو_


سلام .................وانت يا عبد ملك هلموضوع الرائع

  السلام عليكم


أخي الكريم



بها الزمن  الشب  صاير من أول مايوعى  عندو مفهوم وهو غلط  انو لازم يكون عندو  (صاحبة )

طبعا مو  كل شب بس الأغلبية  نتيجة الرفقة السوء وهاد أعظمها  وبعدين التربية 

يعني متل مابتعرفو  اذا أصر الأهل شوي ضاع الشب  لانو بيصير  رفيقو يغير أخلاقو وييتفاخر ويصير يحدثو عن انجازاتو (عكم بنت لعب وضحك)وهيك نص شبابنا هل الأيام


الا اذا تعرف عصحاب فيهم تربية


تقبل مروري أخوك
                                                                                                   




                                                                                          ALZEER
                               

الشب يلي بيتباهى بتععد علاقاتو العاطفية هاد بيكون معقد نفسي و في شي بعقلو

يعني مالوا انسان طبيعي بنووووب

مع تحياتي

شكرا الك عبد على طرحك لهل الموضوع


صحيح انو هل الظاهرة انتشرت بالمجتمع بشكل كبير

بس اصابع الاتهام واللوم مالها موجهةللشباب وحدهم كمان البركة بالصبايا
((طبعا مو الكل))

هنن كمان ساهموا بانتشار هل الظاهرة

لما الوحدة بتوافق تكمل مع شخص وهي على علم انو قصتهم فيها كل الاحتمالات الا احتمال الزواج ملغي  ومستحيل يصير

وقصتهم بتكون تحت عنوان يلا مو مشكلة منعيش يومين حلوين مع بعضنا وبعدين كل واحد  بيروح بحال سبيلو
فشي طبيعي انو يصير هيك شي

لما الوحدة بتقبل تحب شخص كان حبيب صديقتها ويكون  رقمها التالتة بعد المليون
عندو

فشي طبيعي يصير هيك شي

ولما الوحدة بيكون الشباب عندها مرقمين فشي طبيعي يصير هيك

ولما تكون البنت مو سآلة عن حالها فشي طبيعي ماحدا لح يسأل عنها

طبيعي الشي يلي بتعرف انو ممكن يكمل معك لاخر العمر انك تحافظ عليه وما تبدلو
اما الشي يلي حيبقى معك اسبوع شهر سنة من الطبيعي انك ماتحافظ عليه ودائما لح تسعى لتبديلو وتغيرو


بالنسبة لاول تلت اسئلة انا ماعندي جواب الهم

لاني صبية
خلي الشباب هنن يجاوبوا عليهم

اقتباس

هل التلاعب في مشاعر بنات الناس أصبح منطقياً

؟

مااحيانا البنات عم يتلاعبوا بمشاعر الشباب وكانهم نسيانين انو عندهم اخوات شباب
                                   


بس لسى الدنيا بخير فيها شباب وصبايا كتير مناح


اسفة اذا طولت بالحكي

                                      سلاااااااااااااااااااااااااااام

التباهي بسبب عقد النقص الموجودة فيهن.........


شكرا على الفكرة


مع اطيب التحية.......ز

اشكرك اخي الحبيب عبد على الموضوع المهم والمميز متلك وحقيقة الموضوع له عدة امور وهي :
1- اولا هاي الامر حرام انوا الانسان بيتعرف على البنت ويصبح بينهم حب وهاي الامر موجود من خلق الله تعالى السموات والارض وبداءة الحياة عليها لابن ادم ولكن لابد للانسان ان يتقى الله تعالى قال تعالى ( ولا متخذين اخدان )
2- اما المجتمع مسؤال اقول لك المجتمع له دور ولكن دوره بعيد في الموضوع فدور الاهل وتربية البيت هي المسؤاله في الاول فانا في المجتمع نرى شباب لايتعرفون على بنات ولا يميلون لهيك تصرفات وهذا دليل على ان البيت هو الركيزة الاولى فاذا كان البيت مربي الشب منيح راح يبقى على ادبه واذا تربيته غير منيحة راح يعكس صورة عن تربية اهله .
تقبل مروري مع كل الحب والاحترام والتقدير
خالد111

السلام عليكم ورحمة الله وبركاته

اقتباس

* لماذا يتباهى الشاب بتعداد علاقاتة العاطفية ؟

لسببين : 1- للتباهي امام الاخير وتعويض نقص معين قد يكون اثبات الشصخية والذات وانه شخص مرغوب والكل يقع بغرامه
                2- لانه لم يفكر ولا للحظة واحدة ان اخته قد تقعد في مكان هذه الفتايات ز

اقتباس

* هل هي محاولة لاثبات الذات ؟

لا بل لاثبات غرور الذات

اقتباس

* أم أنها عادة تبدأ في سن المراهقة وتبقي ملتصقة بالشاب الى ما بعد المراهقة ؟

والله بهل الزمن عم تبدا من الطفولة وليس فقط المراهقة واذا رح تكمل معو لما بعد المراهق فهذه هي الطامة الكبرى 

اقتباس

* هل المجتمع هو المسؤول عن هذه المشكلة ؟

طبعا لانو هل الافكار والكلمات والمناظر الفاحشة يلي عم يشوفوها بالكليبات وعلى شاشات الفضائيات اكيد الها تأثير على وعي ونضج اطفالنا

اقتباس

* هل التلاعب في مشاعر بنات الناس أصبح منطقياً ؟

ليس منطقيا بل مباحا ومنتشرا

لانو وللاسف كلمة بحبك او الحب صارت عادية ومألوفة ويمكن بتسمعهااكتر من "السلام عليكم ورحمة والله وبركاته " وما عاد وقعها الو تاثير على قلوبنا



شكرا للموضوع الرائع

لكم تحياتي

lovelyface

عبد
كالعادة الواضيع الرائعة اوال حلوة من عندك
هلا هوي اغلب الشباب اللي بعرفون بيتباهو بهي القصة ومتل ما قالو عقدة نقص
لك حتى في شباب بعرفون بيتبارو ممين بجيب ارقام موبايلات اكتر و ع شرط انو اذا جاب رقم جديد بدق قدامن مشان يتاكدو انو ما عم يضحك عليهون..............
والله شي مسخرة
بس ما تنسى انو البنات بيتحملو 90% من المسؤولية عن هالشي
يعني ما ضروري البنت بس ييجي شب يقلا انا انعجبيت فيكي وما بعرف شو دغري انو ايه يلا تعي نحب بعض
وكمان ما بدنا ننسى انو الحب شي ضروري بس شرط يكون صادق
هادا رايي
وشكرا الك مرة تانية

وسام

أخوتي أخواتي طيب الله مسائكم بكل خير
عندما قرأت ردودكم المفعمة بالوعي المبشر بالخير ان شاء الله أحسست أني أحاور أناس خلوقين جداً
ووجب علي شكركم بالاسم : زينة , وزيرة الثقافة , خالد111, Alzeer  ; Yasmenalsham  ; Ayahhh ; Lovelyface ; Dr.Wesam وكل من يشارك في الردود لاحقاً
أتمنى لكم تحقيق أمانيكم وأن تكلل بالتوفيق والنجاح في حياتكم العلمية والعملية
شكراً لكم

عبد