لما بلشت البكلوريا حطينا رجلنا على اول طريق النحل وكتير ناس من اللي كان عندون تجربة سابقة قالولنا لا تخافو من البكلوريا هي سحابة صيف ورح تزول وقالولنا كمان يا صبايا لازم تدرسو منشان كلية الطب منشان ما تصيرو بقاع المدينة المهم بلشت السنة الدراسية وبلش الشتي اللي كان بالنسبة النا شتاء ساخن وخصوصا بعد ما نزلولنا مادة الفرنسي لانو طلاب الشام العدية لازم يتعلمو لغتين قرب الامتحان وهون بلش وقت الخوف والعزلة يعني ما كنا نطلع من بيت اهلنا حتى على بيت جدي ما رحت بلش الامتحان وهون فتنا بقلب الدوامة
خلص الفحص وتمضي الايام حتى اجا اليوم اللي رح تطلع فيه النتيجةوقبل خمس دقايق من النتيجة حسينا حالنا على حافة الهاوية
اخيرا طلعت النتيجة والغالبية العظمى من الطلاب كانو عم يفكرو انو الكاميرا الخفية عم تعمل معهم مقلب وأكيد مو هاد المجموع الزفت هوي اللي صرلو سنة ما رفع راسو عن الكتب منشانو
بعد اسبوع من الصدمة عرفو انو هاد المجموع ليس سرابا بل حقيقة مرة بعض الطلاب كان عصي الدمع والبعض الاخر انهمرت الدموع من عينيه بغزارة كيوم ممطر اخر
بعدين طلع الوزير عالتلفزيون لحتى يسلط بقعة ضوء على مجاميع هالسنة وعلى كيفية المفاضلة وقاللنا ان قلبي معكم ورح تنزل القبولات
الحمد الله نزلوها ومشي الحال ناس رضيت باللي طلعلها وناس عطت حالها فرصة تانية ونحن الان بانتظار مفاضلة الموازي
انا بالنسبة الي سجلت صيدلة بالموازي وبعد الصيدلة حطيت اسنان وبعدين هندسة معلوماتية

حلوة موووووووو

عنجد  كلامك بمحلووو وتمام ظابط

بس الدنيا ملانة بالمتعاب واذا ما تعبنا ما منحصلي عالي بدنا ياه

والله يعينا عا هالبكالوريا

عم نستنى كرم ربنا لنخلص منها عاخير وسلامة


ان شالله  بخلص منا وبخصل من همى

والله يوفئ الجميع


احتــــــــــــــــــــــــرامي

والله شي حلو عنجد الفكرة مهضومة...
               

ههههههههههههههههه مومعقول شو دمك خفيف والله حياتنا مسلسلات وخاصة مع البكالوريا المعفنة ااااخ لك بتدرسي بتدرسي ومافي نتيجة ولما يكون في نتيجة بتطلع شغلة المفاضلة التانية ااااااااااخ يلي بتهقر يلا شو بدنا انساوي كلو خير
مشكورة كتيررررررررررر حبيبتي على هالموضوع الحلو
تحياتي
بنت غزة

امممممممممم
شي حلو  والموضوع بيضحك وخفيف دم

بس بدي قول ل I-nee

انو الواحد شو بدو يدخل صيدلة وطب مليت البلد

وهندسة معلوماتية بياع سيديات

طيب شو ندخل برأيك ؟؟

...............................

مسيو اينشتاين انت عم تقلي انو في رفقاتك كان بدون عمارة بس ما نجحوا بالفحص وانحرق قلبهن على هالمقعد اللي انا كبيتو ...........طيب شو رأيك انو الي رفيقة طلعلها عمارة وراحت سجلت طب بشري بالقلمون
وكمان بعرف وحدة ما بتعرف تفك الحرف وبصف البكلوريا كان كل الصف عم يتضحك عليها وبالاخير بتجمع 231 وبيطلعلا صيدلة وبتجي بكل بلادة بتحط طب بشري بالموازي وهيي عنجد ما بتفهم شي يعني منهاج البكلوريا التافه ما كانت تفهمو لحتا تدخل طب بشري ...............يعني برأيك انا ما انحرق قلبي على هالمقعد اللي كبيتو هي بالزبالة والمصيبة انو ما بتستاهلو اصلا
الصيدلة هي كانت اهم اهدافي بالحياة بتعرف انو انا من انا وصغيرة كنت بقرا الراشيتات للدوا وبحفظون يعني بعرف عن الصيدلة كتير  اشيا وبالاخير بتروحلي علامات بالمجموع لهلأ ما عرفت ليش طارو
حطيت صيدلة بكل المحافظات بعدين طب اسنان لانو كمان حلو وبعدين حطيت هندسة المعلوماتية لاني كتير بحب هالشغلة وكمان ازا طلعلي معلوماتية انا ما رح ضل عايشة هون بسوريا اكيد ......بدي هاجر 


ومتل ما انت بتحب العمارة انا بحب الصيدلة
ومنشان قصة انو البلد فيها كتير صيادلة واطباء فكون على ثقة انو كم سنة كمان رح يكون الغالبية العظمى من الشعب السوري مهندسين اسفة على هالكلام بس انا كمان انجرحت من كلامك