خاروفين واقفين حد بعض قلو الاول بااااااااء قلو التاني عمرك اطول من عمري كنت رح قولها
--------------------------------------------------------------------------------------------------------

اربعة حرابيق طالعين بتكسي... بدون ياكلوا الاجرة عالشوفير قام اتفقوا انو ينزلوا بسرعة بس توقف السيارة وفعلا وقفت السيارة قام فتحوا الابواب بسرعة واشتغل الركض رجليهم تدق بضهرهم من السرعة وفاتوا ببناية عالعظم وطلعوا اول طابق....تاني طابق....تالت.....هيك حتى وصلو لاخر طابق لزقوا بالحيطان ولا حس ولانفس هيك شي نص ساعة..... بعدين واحد منهم نكش اللي ناحو قلو: يا ترى شو صار بالشوفير؟؟؟ قلو: لك انا الشوفير بس قلي شو القصة؟؟؟!!!
---------------------------------------------------------------------------------------------------------
وحدة جوزها حمصي نايمين بالليل حست بحركة بالصالون فيقت جوزها قالتلو قوم يمكن في حرامي بالصالون قلها قومي انتي يمكن تطلع حرامية
--------------------------------------------------------------------------------------------------------
طلبت المعلمة في مدرسة  من التلاميذ جملة مفيدة بالانكليزية
صاح احد التلاميذ :

wonderful 2 sandwiches from the morning

شو هاد يا ابني؟ تساءلت المعلمة
قال الطالب: راقع صندويشتين من عند الصبح انسة..
---------------------------------------------------------------------------------------------------------

مرة واحد بده يركب ستلايت بغرفته بدون ما يقول لأهله
رح ركب الصحن على السطح
وقلهن لأهله لا حدا يطلع على السطح حاطط كلب كبييير ومتوحش
ام اخوه صار بده يشوف الكلب
طلع عالسطح ونزل بسرعة وهو عم يرجف وخايف كتير
سألته امه شو شفته ؟؟
قلها لا والله بس شفت الصحن يلي بياكل فيه
--------------------------------------------------------------------------------------------------------
سأل ضابط من محافظة دير الزور احد الجنود الأغرار.. ياول يابا شكون اسمك؟ فرد عليه الجندي.. انطوني. فسأله الضابط ثانية... اشكون انطوك؟
--------------------------------------------------------------------------------------------------------
تعرف شاب في كلية الطب  على زميلته وجلس معها في الكافيتربا ليصارحها بحبه.. فقال لها: أنا بهيم في حبك.... ردت عليه زميلته : وأنا بهيمة.. وما رح ارفسلك طلب ابدا..(مع خالص احترامي لطلاب الطب)
--------------------------------------------------------------------------------------------------------
في طالب أدب إنكليزي س1 قام قال للشغيل اللي بالمقصف ( this talk no walk with me . I student 1 coffe from thing one o'clock ) الترجمة هالحكي ما بيمشي معي انا طالب واحد قهوة من شي ساعة
(شباب الإنكليزي لا تاخدو ع خاطركن عم نمزح)
--------------------------------------------------------------------------------------------------------
طالب فلسفة عم يحضر لإمتحانو و واقف قدام المراية وماسك سيجارة
قل بينو وبين حالو إذا أنا هاد لكان هاد مين؟ سحب سحبة
رجع قال طيب إذا هاد أنا لكان أنا مين؟ وسحب سحبة
قام دق الباب فسأل حالو مين ؟ قلو "أنا " قام قال أنا أنا و هاد أنا و أنت أنا!!!! اي شو هاد
(آسف شباب الفلسفة إنتو كمان ما سلمتو مني)
--------------------------------------------------------------------------------------------------------


إجابات مختلفة لسؤال واحد.. أنت ليش مو عم بتمسك إيدي وإحنا ماشيين بالشارع؟
جواب الصديق: افرضي حد من قرايبك شافنا؟ والا حدا من أصحاب أخوكي  بالكلية؟ ... إن شاء الله يا حبيبتي بكره نخطب.. وامسك إيديكي قدام الدنيا كلها
جواب الخطيب: مابدي حدا يقول.. انخطبوا وفلتوا بالشوارع... وبعدين بصراحة أنا باستحرم... إن شاء الله بكره بنتجوز بالحلال وامسك إيدك وإنتي مرتي
جواب المتزوج حديثا: يا حبيبتي إحنا مو مراهقين لنمسك إيدين بعض بالشارع.. إحنا متجوزين ومحترمين وعنا بيت نعمل فيه شو مابدنا
جواب المتزوج وعنده أطفال: يعني امسك إيدك.. والا امسك إيدين الولاد.. والا أطالع مفتاح السيارة.. والا اشيل الأكياس؟
جواب المتزوج منذ 25 سنة: شو هالحكي!! امسك إيدك.. يعني بدك جوز بنتك يقول علينا كبرنا وخرفنا!؟
--------------------------------------------------------------------------------------------------------

خلاصنا شباب اليوم وأنا  بتمنى تكون إنبسطتو ...بااااااااااااااااااااااااااااااااااي

كتير حلوين يا كابتن
عنجد هالنكت اجو بوقتهم ياريت ما تقطعنا من هيك نكت وخصوصا" نكتة طالب انكليزي كأنو كتير شاطر بالترجمة هالطالب.  

مشكووووووووووور يا كابتن على النكت الحلوين بس أنا شايفة انو في كم نكتة حقيقية وبتصيرمعنا خاصة نكت الجامعة  تحياتي

بتصير بهالدنيا كل شي بيصير !!!!!!!


شكرا كتيرررررر لمرورك عزيزتي هبوووووووش

مرحبا
شكرا كتير التكت كتير حلوين وخاصة قبل الفطور يعني بيفتحوا النفس

تقبل مروري.......      

أهلا وسهلا بالصبايا ...................لا تكترو بكرة عالفطور يمكن بكر ة ما في نكت....


شكرا لمروركن  (غيداء & وعاشقة الأطفال)

شو هالنكت الحلوة يا كابتن..


مشكور عليها ... ولاتحرمنا من المزيد ...


           

مرة واحد بده يركب ستلايت بغرفته بدون ما يقول لأهله
رح ركب الصحن على السطح
وقلهن لأهله لا حدا يطلع على السطح حاطط كلب كبييير ومتوحش
ام اخوه صار بده يشوف الكلب
طلع عالسطح ونزل بسرعة وهو عم يرجف وخايف كتير
سألته امه شو شفته ؟؟
قلها لا والله بس شفت الصحن يلي بياكل فيه
....................................
عنجد  كتييييييييييييييييييييير حلوين يسلمو ايديك