علا 83 أنا بتأسف منك على ردي التأخر على موضوعك و بشكرك كل الشكر و بتمنالك من كل قلبي أنو يصير يلي بدك ياه و شايفة مصلحتك فيه مع الإنسان يلي بيتحبيه
موفقة يا رب بدراستك و بحياتك الاجتماعية إنشاء الله أنتي و كل الطلاب  و الطلبات الله يوفقهن كلهون


معاذ

شكرا صديق معاذ ......
موضوعك قييم وماشالله غني بالمشاركات
بالنسبة إلي إذا حبيت شب معي بالجامعة وكنت واثقة منو ومن حبو إلي ومن إنو فعلا بناسبني فانا ممكن ارتبط فيي وخبر اهلي وما عندي مشكلة نخطب كمان
بس فكرة الزواج قبل التخرج : أنا ضدها تماما سواء كان هالشب من الجامعة او من براتا
اولا: لأنو الدراسة بدها تفرغ تام  خصوصا انو الزواج مسؤلية كبيرة
تانيا : ممكن يصير مشاكل نحنا بغنا عنا
وأنا بشوف انو مافي احلى من إنو تكون فرحة الزواج والتخرج بوقت واحد
  قيثارة الاحلام  

بصراحة الارتباط مهم لانو بأمن الاستقرار العاطفي وبساعد على الدراسة وعقبال جميع العزابية

شكراً للأخوات أية و قيثارة الأحلام أنا معكم بردودكم و فعلاً مافي أريح نفسياً من الاستقرار العاطفي تجاه إنسان معين فكيف إذا كان بشرع الله سبحانه و تعالى كمان و على سنة نبيه صلى الله عليه و سلم
شكراً

كنت حابب نناقش مشكلة عدم التصريح بالارتباط يعني تبقا الشغلةبين الشب و البنت و شو عواقبها

بها الحالة يلي عم يصير أنو المشاكل رح تصير بين الشب و البنت بشكل غير معئول
و رح نناقش ها الشي بموضوعي التاني الارتباط أثتاء الدراسة (2) بإذن الله اليوم أو بكرا


معاذ

أنا برأيي انو الشب او البنت لازم من الاساس يفكر ويسأل حاله: أنا شو جاي ساوي بالجامعة ؟ أكيد جاي للدراسة مو جاي للتلطيش طالع مع وحدة فايت مع التانية تارك المحاضرة وقاعد بالمقصف عم طق حنك
اضافة لكل شي قالو الاخوة والاخوات انو لازم نفكر بالسبب نحنا اجينا عالجامعة لحتى ندرس لازم يظل تفكيرنا محصور بالدراسة
يعني مو معقول اني كنت طالب سنة اولى وحبيت
بس المحروسة خطبت وتزوجت وتركت الجامعة الله لا يعطيها العافية وانا قعدت عالخازوق وتراجع مستوايي الدراسي ورسبت السنة وتم فصلي من الجامعة علما اني رسبت سنة قبل هالقصة وصرلي سنة بانتظار المرسوم ونزل والحمد لله
بس انا غبي حتى حب مرة تانية؟                                          

أهلا و سهلا فيك بموضوعنا الشيق بعد ما انتهى من شي أربع أيام

تعقيبا على كلامك .. أكيد نحنا جايين للدراسة , و أكيد الفاشل هو يلي رح ينحدر مستواه الدراسي لأن ما بيعرف ينسق أمور حياته و دراسته

و على فكرة الواحد مع كل ها الهرمونات يلي بجسمو والله خلقوا فيها و مع العلم أنو مدارسنا منفصلة الجنس بأغلب الأعمار و لحد عمر يسمح فيه لكل من الذكر و الانثى أنو يفكر بالجنس الأخر
فهاد الشي أكيد رح يدفع الشب أو البنت أنو يعجبوا ببعض و ممكن يحبوا بعض و يرتبطوا , وهاد الشي مو غلط بس مجتمعنا (متخلف) وهي بين قوسين كمان
لأن شوف المجتمع الغربي يلي عندهون ممكن أنك تكون متزوج و عم تشتغل و عندك ولد و لساك أنت و زوجتك عم تدرسوا ... وين الغلط ؟؟؟؟؟


شكرا على ردك

السلام عليكم ورخمة الله بركاته            (((  من احب الله رأى كل شئ جميلاً .)))
اولا اشكرك صديقي معاذ على الموضوع الحساس
حبيت اشارك وابدي رأيي فيه
برأيي الحب بذرة علينا ان نختار البيئة والارض التي سوف نقوم بزرع هذة البذرة فيها واذا كان الارتباط  غير شرعي فالنهاية رح تكن مأسايويه  وافضل شي لتحصين العلاقة (الحب) وتنمية البذرة هو الخطبة او الزواج  والا فهذة البذرة سوف تحيا عقيمة
بالنسبةللارتباط اثناء الحياة الجامعية ما عندي اي مانع لحصولة
اذا الموضوع فيو خطبة او زواج  وانا شخصيا بعرف شخص تزوج وهو سنة تانية وعلى هالرغم استمر بالجامعة والمدهش بالموضوع استمر بتفوق هاد بعني انو الزوجة امنت الجو المناسب ألو 
بس الافضل اذا كانو التنين جامعيين الارتباط يكون بعد التخرج
لانو ظروف المعيشة صعبة للغاية هالايام واذا اشخص ما كان مأمن الوظيفة هاد يعني دمار للحياة الزوجية والنفسية كذلك
اما اذاكان الارتباط من ورا الاهل هاد الشي يعني بيتصنف  بصف المهازل والضحك والتسلية لا اكثر ولا اقل

وفي النهاية شكررررررررررررا لك صديقي مجددا
*****  بما انو اموضوع عن الحب والعاطفة فبرأيي انو الكل لازم يقرأكتاب طوق الحمامة لابن حزم*****

****تقبل مروري  ابو جعفر****
   

الموضوع خطير :
و احببت ان اشارك فيه
صديقي ...المجتمع الذي انت فيه .... و تنتقده ....بمثل هذه الآراء تساهم في تخلفه و تهديمه
هل عشت في اوروبا و رأيت التقدم في العلاقات أم ان الجيل الجديد يلهث وراء ارضاء اللذة و الشبق بسرعة تحت اسم الحب و العلاقة و التطور ....لا يوجد هنالك زواج في المرحلة الجامعية و الذي تراه انت في الافلام على قنوات mbc لا يمت بالحقيقة و الواقع بشيء هنالك اسمه علاقة المساكنة ...
يتم التناكح الحيواني ....تحت سقف واحد بشرط ألا يخون احدهما الآخر .....و يتفق على عدم انجاب الاولاد او حسب الاتفاق ...ليس زواج .......و لا مسؤولية بل اتفاق ...لتفريغ اللذة و الشبق
الى الآن و انا اتنقل (بحكم عملي )في دول اوروبا الغربية ...و خصوصا ً ايطاليا ...و مالطا بالآونة الأخيرة لم أشهد هنالك إلا نوع من الارتداد عن القيم التي حضرتك تنادي بها و اللجوء الى قيم مجتمعنا المتخلف الذي نفتخر فيه ....
الجامعة ....للدراسة ......
شو هي الجامعة كازينو ....او مطعم ......
سلام

صح انو الزواج أفضل .
وبس والله صعبة ما الجامعة اخذا معظم الوقت وكيف اذا كان الاثنين بيدرسوا.
والله اذا هو متخرج وهي عم تدرس ممكن .
وبالنهاية هي كلها افتراضات لانو الوضع بيفرض نفسو أكيد على الطرفين

على فكرة أنا بخصوص الارتباط فأكيد الخطبة هي أفضل خطوة و أسلم لأن فرضاً إذا صار زواج فمتل ما حكا الشباب و الصبايا المسؤليات رح تكون كبيرة

و بخصوص يلي بعارضوا ها الفكرة فهون نحنا مو بنزاع ضد يلي عم يردو لأ نحنا هون عم نتناقش
بساحة الحوارات الجادة ... بعيداً عن المسخرة و العلاك

و بتشكركم كلكم . و المهم بالنسبةإلي أنو أرضي نفسي بدون ما أغضب ربي بأي فعل ممكن ساويه بالدنيا
زواج أو غير زواج و لا عمل و لا أكلة و لا أي شي

و هاد هو أساس الدنيا

شكراً