مرحبا شباب و صبايا كيفكم إنشاء الله رمضان كريم عليكم كلكم
اليوم حابب أفتح موضوع جريء و قوي و الكل لازم على الأقل يشوفه و الحلوين يشاركوا فيه و إنشاء الله كلكم حلوين و ظراف
لنفوت بالموضوع
أنت شب أو أنتي بنت عجبكم شخص بالكلية (زميل بالقسم أو غير قسم أو غير سنة المهم طالب معكم ) ووجدتوا فيه الصفات يلي ممكن أنتو تكملوا حياتكم معو من خلق و أدب و دين و الصفات يلي لازم تكون بزوج أو بزوجة المستقبل
و هاد الكلام على بناء أنو أنتو ناس مثقفين و دارسين و بتعرفوا مصلحتكم و قادرين أنكم تقرروا ها القرار المهم بحياتكم
و بطريقة معينة بعيد عن التفاصيل قدرتوا تتواصلوا مع ها الشخص و ممكن حبيتوا بشدة (حب) و اتفقتوا على الزواج
بعضكم رح يأجل الموضوع لبعد التخرج ( و هاد الشي رح يترتب عليه الكتير من المشاكل بين ها الشخصين بدنا نناقشها )
و البعض رح يقول أنو لازم يعملوا ارتباط رسمي (أسلم أهلهم و لدينهم و هاد الصح )
فشوو رأيكم أنو ترتبطوا خلال الدراسة و طبعاً كل من الشب و البنت مفهمين بعضهم حالتهم على كل الأصعدة (اقتصادية معيشية اجتماعية ....)
و إنشاء اتلله منشوف الردود

انا برأي للارتباط مافي وقت محدد اذا توافر التفاهم والاحترام واهم شي الحب

انا بحب فورا الارتباط مشان التقارب يكون حلال ومو من ورا الاهل هيك بيكون احسن بكتير

أنا معك بها النقطة الحساسة يلي ممكن تكون هي سبب تدمير ها العلاقة الحلوة بين أي تنين

  بسم الله الرحمن الرحيم
بالبدايه اشكرك على طرح هالموضوع  بالنسبة إلى اشوف انو اذا انترك الموضوع للبنت وللشب فاللي يناسبهم يسووه وخاصه اذا الاهل اعطوهم حرية الاختيار وانا اشوف اذا كنت مكانهم فانو ارتبط احسن من انو تكون لقاءاتنا بالخفاء بس بشرط انو الشب يراعي الضروف وخاصه انو الاثنين طلاب يعني يتنازل عن كثير اشياء  الزوجه ملزمه انو تقدمها لزوجها في حالة تفرغها وخاصه في وقت دراستهم
والله يوفق  ويسعد الجميع

انا فعلا مريت بهاد الظروف قبل ما اتخرج
ارتبطت بفتاة هي جزائرية الاصل بس عايشة بالامارات..هي تدرس بالجزائر وتغادر بالعطلة..اسمها ايمان...
كنا متحابين وعايشين بس المشكل هو اني تخرجت وهي غادرت وما صار شي اسمو الزواج...اهتمو بدراستكم واتمو كل شيء بالحلال....والزواج ما في داعي يكون بعلاقات غير شرعية
اسمحولي هادا رايي      

شكرا للأخت أم الخير و للأخ كمال الدين ييلي شاركونا بتعليقاتهم المميزة و المفيدة

بس كمان بدنأ آراء حتى نجمع كل أطراف الموضوع

و شكراً إلكم

موضوع حلو طرحوو
انا برأي انو الشخص الدارس هو عم يكون شخصيتو لحتى ينطلق لحياتو العملية
والزواج بهل الظروف رح تأخرو ماديا ومعنوياا
المرأة بتكون صغير لحتى تكون ربة اسرة  ومارح تفضى تادي واجباتها الزوجية كاملة
والرجل كمان اسى الدراسة اهم شي بمستقبلو مو مرتو ولادو
ليش الواحد يستعجل على الهم ههه
صحيح الاستقرار حلو بس بوقتو ما بيطغى على المرحلة الجامعية  وهي احلى مرحلة بحياة الانسان

أخت nelly بعض كلامك صحيح و الأخر أنا أعارضه بشدة و هذا رأيك و أنا أحترمه
أنا ئلت ببداية الموضوع أنو ها الشخصين مثقفين و وعايين منيح لكملوا سوا حياتهم و مو بالضرورة يكون الارتباط بشكل الزواج ممكن يكون بشكل خطبة لحين وقت التخرج
بس تعقيباً على كلامك الحياة الجامعية هي أسوأ مرحلة ممكن يعبرها الإنسان لأنها عم تكون مشحونة بكثير من المشاكل الاجتماعية يلي الإنسان عم ينصدم فيها بها الواقع البشري لما بتشوفي أشخاص بحق و حقيق سيئين

شكراً على ردك

الموضوع اجتماعي ويمس اي شخص فينا ...................................

أنا بصراحة كنت ايام الجامعة ضد الفكرة تماما أنو الواحد لازم اول شي يخلص جامعة بعدين يفكر بالارتباط .............................

وهي خلصنا جامعة واتخرجت السنة الماضية وحاليا أعمل في السعودية وعم فكر بالموضوع كتير لأنو  موضوع الاستقرار كتير حلو وانا برأيي بعد التخرج بيكون المسوؤلية اخف ...................
شو في أحلى من انو ترجع على البيت وتلاقي زوجتك في انتظارك وتقول لك : يعطيك العافية ابن عمي , ولي على قامتي تعبان لك ان شاء الله انا ولا انت ابن عمي الغدا جاهز اذا كانت الزوجة شامية .....................

دائما بتسأل عنك وخايفة عليك وتحس بهمك وتخفف عنك ........................
يعني 25 سنة كتير عمر مناسب بالنسنة الي اكبر من هيك  بيصير الموضوع فيو تعقيدات واقل من هيك بيكون فيو ولدنة

الحياة الزوجية كتير حلوة وخصوصا اذا الله انعم علينا................ ببنت حلال طيوبة


تقبل مروري أخ معاذ ....................................

يزن - خريج أدب انكليزي -سوري مغترب في السعودية - الرياض 

السلام عليكم
انا برايي في احتمالات لهل الموضوع وهي اذا كان في امكانيه للصبر وكان في حب فربط العلاقه باسلوب شرعي  والزواج بعد التخرج
اما اذا كان في حب بس الصبر قد نفذ فبرايي انو الزواج مو هو خطوه صعبه او مشكله توقف بوجه بناء حياه الشب اذا كان عندو اصرار على المتابعه والتطور
شكرا على طرح الموضوع
وكل عام وانتم بخير