يعني مرااام ... جلطيني الي .. فما بالك المسكين خطيبك

اول شي .. انتي مش شايفة انك لسه صغيرة عالخطبة ..؟؟ و هاد الشي

ممكن يخليكي تفشلي فشل تاني بالبكالوريا لا سمح الله .. المهم

نصيحة مني حطي احتمال انك تعترفي بالحقيقة اول شي .. و هو اذا بحبك راح

تكبري بعينه .. و يقدر شعورك يلي خلاكي تعملي هيك

اما الحل التاني .. ممكن تحكيله انك سمعتي انو علم النفس ما اله مستقبل

و بعدين انتي حاسة حالك مش مرتاحة بدراسته .. و في اشياء صعبة عليكي

و انك حابة تفوتي مثلا ادب انجليزي ... لانو بعرف الادب الانجليزي عنا

بياخد معدل عالي .. ما بعرف كيف عندكم .. و انو الانجليزي مجالاته اكتر

و اوسع ... و انتي حابة تعيدي البكالوريا علشان هيك .. و انك كتير متأثرة

بهاد الشي .. و حابة تجيبي معدل عالي لتفوتي هاد التخصص

و ان شا الله بتزبط معك

بس نصيحة من اخت لاختها ... احكي الحقيقة

لانو ما بني على باطل فهو باطل


يعني ما تتوقعي ربنا يوفقك و انتي بديتي الموضوع بكذبة صغيرة

اتمنى لك التوفيق 

اهلين عزيزتي


انا عمري 20 سنة وتاخرت بتقديم البكالوريا لاني كنت عايشة بدبي ولما استقرينا بالشام حبيت ارجع كمل

بس المشكلة انو علم النفس علاماتو اعلى من الادب الانكليزي ( انا هيك سمعت )

صدقيني ما بحب اكذب بس كتير منحرجة منو

شكرا كتير على نصيحتك 

مرام انا رايى انك لو هتكملى مع الشخص دة
لازم تصارحية
وهو لو بيحبك هيتفهم الموضوع
باعتبار ان الموضوع خلص والفاس ةقعت فى الراس
لازم تصارحية
لو بتحبية فعلا
لازم تصارحية
لان حياتك مش ممكن يبدا معاة بكدبة

انا عارفة ان الراى دة قاسى شوية
بس
انا رايى ان الصراحة اهم شيى بين اى اتنين
مهما كانت ظروفهم

  صارحو 

بحترم رايك كتير عزيزتي

( بس ولله صعب )

الاخت مرام

أول شي أهلا وسهلا فيك بمنتدانا

عضوة وأخت عزيزة

تاني شي  ونصيحة من أخ لاخته صارحيه وإذا تخلى عنك أكيد مارح يلزمك

لانه الإنسان يلي بيحب بصدق مابيتخلى شوماصار مع حبيبه

وبعدين متل ماقالت الاخت بقايا مابني على باطل فهو باطل


خليك قوية وصارحيه انت سيدة الموقف

لانك من يحبها

وانا رغم انه حبيبتي على وش تخرج مابتخلى عنها حتى لو رجعت طالبة بصف

سادس إبتدائي والسبب هو حبي لها

لاتحتاري في أمرك

ومن لايريدك على ماأنت عليه فأنت لست بحاجة له

وأن ماتعانيه من حيرة هو مجرد حالة من الضياع المؤقت يمر به كل طالب في


مرحلة الثانوية 

وأنا لاأقصد طيش مراهقة

أحترم مشاعرك الصادقة
ولكن ماأعنيه هومرحلة تحديد مهنة المستقبل وأختيار التخصص الدراسي
وهي مرحلة تجعل الانسان في حيرة من أمره مهما كان عمره

حيث تجمع شهادة البكلوريا طلاب من فئات عمرية مختلفة بحسب سنوات

الرسوب أو الانقطاع

تمسكي بمبدأ الصدق ولاتساومي عليه

تحيتي لك مرامو

اخي الكريم ,,, ردك مقنع وموزون كتير

وعن جد ريحني

انا فعلا حاسة حالي ضايعة مشان هيك مو قادرة اخد اي قرار

شكرا كتير لرايك ومرورك

الصراحة ياأخت مرام مافي حدا مابيغلط
وانت ماقصدتي الكذب بمعناه
وأنا رأيي بيوافق رأي بقايا انسانة والأخ مسرف الساحة
بس حبيت فيدك بموضوع أنو إذاكنت بكالوريا علمي فبالنسبة لأدب الإنكليزي فبياخدوا على علامة المادة وغالباًبيطلبوها عالية والسنة طلبوا العلامة التامة
بس إذا كنت بكالوريا أدبي فبياخدوا على المجموع العام وكمان على علامة اللغة الإنكليزية بس أقل من العلمي.....
والله يفرجها عليكي وعلينا
وأهلين فيكي  أحلى صديقة
بس لاتعيديها
لأنو الكذب بيخلي الثقة تغيب

صراحة اخت مرام . ما كون محل خطيبك و اعرفت الحقيقة من غيرك أكيد بسرعة و بدون تردد رح اترك الخطبة .

  و الحل : اعرفي منو شو اطيب اكلة هو بحبها و ساويلو ياها و بعدين صارحيه بالحقيقة اللي انا بعتقد انو بسيطة

    و اكيد رح يتفهمك . و ذا ما اتفهمك بتكوني ما عرفتي تساويلو الأكلة بشكل ممتاز .

        .. حبيت امزح .... طبعا الصراحة منك أحسن ما يعرف من غيرك و لازم تسارعي لمصارحته

      ..... و بتمنالك حياة زوجية سعيدة مع هالشخص ............ اخوك      zooba allord             

مرام كيفك بتمنى تسمعي كلامي للاخير وتفهمي منيح ::


أنا يلي لح فيدك .


صدقيني والله أنا بحب وحدة وصرلي 3 سنين معا أنا سنة 3 حقوق

وهي بكالوريا أصعب شي عند الشب البنت تكذب علي بس والله

أنو اذا قلت الحقيقة وقلت كل شي كنت مكذبتي علي ليسامحك

طبعا لح تنتهي علاقتي أنا والبنت اذا ما أنتهت من قفا الكذب

وأنو ما بتصارحني أبدا غير لأكشفا طبعا كذبا بشغلات مالا طعمة

والله يا مرام أنو الصراحة حلوة والغموض بيقتل أكبر علاقة حب

واأنا مالي عم بتفلسف بس اسمعي مني وما بتندمي بيجوز يعصب

ويقلك أنت كذابة .....الخ ط

بسسسسسسسس....

اذا بيحبك بيسامحك وأنت لازم ما تكذبي علي تاني مرة وقد

ما عصّب نصيبو يرجعلك اذا بيحبك واذا ما رجع حمدي ربّك

لأنو بيكون مابيحبك ..يا مراااااااااااااااااااااااااااااااااااااام

بترجاكي تقوليلو الصدق ولا تعيدي تجارب فاشلة صارت مع غيري

لأنك قد ما موّهت الكذبة حيجي يوم تخسري وما يسامحك

هلّأ اذا بيحبك بيسامحك ... اسمعي مني وقوليلو القصة

ووقت يتركك معناتا ما بيستاهلك و بتكوني تعلمتي من تجربتك

ما حدا حيفيدك قدي اسمعي مني وقولي الحق .. والنتيجة علي

لك........................... واذا بتحبي أنا مستعد خلي بنت تفهمه

المهم ما تتركو بعض مشان كذية مالا طعمة لا تقولي ما فيكي

امبلا فيكي مرااااااااااااااااااااام بدي ردك يكون لح قلّو وأنا

مستعد ساعدك بأي شي بدك يا .... بأي شي بس هو حرااااااااااام

اذا عرف بعدين أنك كذبتي وهو يلي كشفك مو أنت قلتيلو لح يتركك

حتى لو كان بيحبك ..........

أما هلّا اذا أنت اعترفتي لح يعصّب بس مالح يتركك و لو تركك

لح يرجع اذا كان بيحبك


بتمنى تكوني فهمتيني

وأنا مستعد ساعدك بأي شي بّك يا

و لأول مرة بحس حالي لازم ساعد شخص طبعا اذا

متأكدة أنك بتحبي ولا تردي على حدا كوني واثقة من نفسك

واعملي يلي عم ألّك علي و أنا جاهز لأي مساعدة



                                                          يوسف الحقوق