مرحبا ........

اممممممممم

1_هل هذه هي الطريقة الأنسب للزواج؟؟

والله يا سويت ما بعرف شو بدي قلك هي مو الافضل بس الامن يعني بعيد عن المخاطرات منشوف كتير شباب بس والله ما منكون أكيدين مية بالمية الخطبة عن طريق الأهل امنة يعني متأكدة انو هالشب عندو نية  سليمة

2.هل بالامكان أن تبين إيجابيات وسلبيات هذه الطريقة( من وجهة نظرك)
الايجابيات بتأمني عحالك نوعا ما لأنو كمان ما في شي أكيد هالأيام
 
السلبيات بصراحة بتخافي يكون هالشب منقاد ورا أهله


3.إذا كنت لا توافق هذه الطريقة فما هي الطريقة البديلة برأيك؟؟

..................................!!!!!!!!!!!!!!!!!! ؟؟؟؟؟؟؟؟؟؟؟؟؟؟؟؟


سلاام

مشكورين

     

قمر الليل

اقتباس

والله يا سويت ما بعرف شو بدي قلك هي مو الافضل بس الامن يعني بعيد عن المخاطرات منشوف كتير شباب بس والله ما منكون أكيدين مية بالمية الخطبة عن طريق الأهل امنة يعني متأكدة انو هالشب عندو نية سليمة

بس أنا برأيي حتى بهي الطريقة ما بتكوني متأكدة مية بالمية متل ما ذكرتي
لأنو في كتير ناس بهالأيام بيفوتوا من هالباب وعلى كذب
أنا بعرف وحدة خطبها شاب علىأساس عندو بيت وشغل وصاحب دين وهاد كلو كلام أمو

طلع كلو كذب وبعد 5 أشهر تطلقت منو

شكراً على المرور وإبداء الرأي
   

السلام عليكم
شكراً إلك سويت لايف على طرحك للموضوع و من الضروري مناقشته في هذا الوقت...

اقتباس

1.هل هذه هي الطريقة الأنسب للزواج؟؟

أكيد إذا بالطريقة اللي حكيتيها مالها مناسبة بنوب...

اقتباس

2.هل بالامكان أن تبين إيجابيات وسلبيات هذه الطريقة( من وجهة نظرك)

أنا مالي شايفة في إيجابيات للطريقة...
بس في شغلة سلبية بالموضوع.. كتير من( الخطابين )ما بديروا بالهم منها أو بيعملوا حالهم مو قاصدين و اللي هي إنو لما بجوا بشوفو البنت و ما بتعجبهم ..مو إنو والله بتصلوا و بيعتذروا بطريقة محترمة....لأ بروحوا و ما بعودوا ببينوا!!!!
طيّب هيك ما بكونوا عم يجرحوا مشاعر البنت و يكسروا خاطرها!!!
و أنا من ناحيتي مريحة حالي من هالقصص يعني وقت بدي فكّر بالارتباط يا أما يجي المحروس مباشرة يا أما بلاها هالجية كلها.....

اقتباس

3.إذا كنت لا توافق هذه الطريقة فما هي الطريقة البديلة برأيك؟؟

هلأ ممكن أقبل هالطريقة بس مع تعديل...
أول شي يجي المحروس مباشرة مع أهلو و مافي داعي للمطمطة..
تاني شي ما بقبل يصير كتب الكتاب لحتى قبل  موعد العرس بشي أسبوع أو شهر أكتر شي..و مشان الحلال و الحرام فهاد الكلام مرفوض لإنو أساساً الإسلام أجاز فترة الخطبة بشرط التقيد بضوابطها ...
يعني بتقدر البنت تجلس مع خطيبها و تطلع معو أد ما بدها بشرط بوجود أهلها بس كمان مو يكونو أهلها عم يسمعو كل كلمة يعني مثلاً بالبيت يجلسوا بعاد عنهم شوي بس شايفينن يعني الالتزام بعدم الخلوة شي أساسي..
و تالت شي إنو تكون فترة الخطبة طويلة شوي ...يعني ليش العجلة ما بعرف.. و هاد قرار العمر يعني الواحد لازم يعد للمليون قبل ما يجزم بشي و لا سمح الله لو ما تم النصيب بضل فسخ الخطبة أهون من الطلاق و خصوصاً بمجتمعنا الشرقي...
هلأ في طريقة تانية ممكن أقبلها إنو ممكن الشب يعجب ببنت معو بالجامعة أو بالشغل...وين الغلط إذا جاب رقم أهلها بشي طريقة (و الشباب مافي أشطر منهم بهالشغلات) و طلب من أهلو إنو يتقدموا للبنت و يدرسها عن قرب....
يعني ليش نحنا ما عنا حل وسط؟؟؟
يعني يا أما الشب بيعرف البنت كذا سنة و طالع و فايت معها 100 مرة قبل ما يخطبها و هاد الشي مرفوض يا أما بجي و بيخطبها فوراً ..يعني وين المشكلة إذا صار كذا أعدة (ببيت الأهل) قبل الخطبة الرسمية و قبل ما يلبسوا الخواتم...

بعتذر عالإطالة بس حبيت وضح وجهة نظري.......

اقتباس

1.هل هذه هي الطريقة الأنسب للزواج؟؟

من وجهة نظري أكيد لأ

اقتباس

2.هل بالامكان أن تبين إيجابيات وسلبيات هذه الطريقة( من وجهة نظرك)

إيجابيات مافي أبداااااااااااااااااااا

سلبيات لاتعد ولاتحصى:
1-أنو لما أم العريس رح بتروح لحالها وتشوف بنت من دون ابنها وماتعجبها بكون في ظلم للشب لأنو احتمال تكون البنت تناسبو كتير بس لأنها ماعجبت أمو وأخته وخالته والجيران
2-احتمال الشب والبنت يكونو على علاقة بحب سابق وبعدون مو مخلصين من مشاعرون ورح يضطرو يكذبو ويمثلو أنو بعمرون ماعرفو غير بعض وبكون الصدفة هي اللي جمعتون مع بعض بدون أي أساس قوي لارتباطون
3-بأول مشكلة بتصير بيركض عريس الهنا لعند أمو وبيقلها مو هي اختيارك
4-بيكون الاستعداد للتضحية كرمال الطرف التاني صفر إذا مو أقل
5-أهم شي في مجال كبير للكذب وإعطاء وهم عن الشب على أنو لقطة مافي منو بعدها بيطلع حدث ولاحرج
هاد رأيي بكل صراحة ووضوح  

نور الهداية
أولاً شكراً كتير على صراحتك وعلى ردك الذي أغنى الموضوع

اقتباس

طيّب هيك ما بكونوا عم يجرحوا مشاعر البنت و يكسروا خاطرها!!!

والله هي النقطة أنا بوافقك فيها
لأنو بضلوا أهل البنت كل سيرتهم اتصلوا؟؟؟
لأ ما اتصلوا؟؟؟
وفيها جرح لكرامة البنت

اقتباس

هلأ في طريقة تانية ممكن أقبلها إنو ممكن الشب يعجب ببنت معو بالجامعة أو بالشغل...وين الغلط إذا جاب رقم أهلها بشي طريقة (و الشباب مافي أشطر منهم بهالشغلات) و طلب من أهلو إنو يتقدموا للبنت و يدرسها عن قرب....

لأ أنا برأيي بهي الحالة
إذا الشب جاهز للزواج يروح يحاكي البنت ويقلها بدي أخطبك وين المشكلة يعني
ولما ياخد موافقتها بشكل مبدئي خليه ياخد منها رقم أهلها ويروح يخطبها مو اختراع

اقتباس

يعني يا أما الشب بيعرف البنت كذا سنة و طالع و فايت معها 100 مرة قبل ما يخطبها و هاد الشي مرفوض يا أما بجي و بيخطبها فوراً ..يعني وين المشكلة إذا صار كذا أعدة (ببيت الأهل) قبل الخطبة الرسمية و قبل ما يلبسوا الخواتم...

الحق معك مشكلتنا بهالمجتمع أنو يا طخو يا كسير مخو

ما في حل وسط
شكراً لك نور الهداية على إبداء الرأي

Loulou
شكراً على صراحتك

اقتباس

2-احتمال الشب والبنت يكونو على علاقة بحب سابق وبعدون مو مخلصين من مشاعرون ورح يضطرو يكذبو ويمثلو أنو بعمرون ماعرفو غير بعض وبكون الصدفة هي اللي جمعتون مع بعض بدون أي أساس قوي لارتباطون

بصراحة ما فهمت عليكي
يعني قصدك بيعرفوا بعض من قبل والأم رايحة تخطبها على أساس ما بيعرفوا بعض؟؟؟

اقتباس

3-بأول مشكلة بتصير بيركض عريس الهنا لعند أمو وبيقلها مو هي اختيارك

4-

هي مزبوطة وما كانت خاطرة ببالي
بس كمان ما لازم ننسى أنو لما تكون الحالة العكسية وتكون البنت اختيار الشاب وقتها إذا صار مشكلة لازم تكون البنت مسؤولة عن قرارها قصدي رح يكون موقفها كتير صعب قدام أهلها

اقتباس

بيكون الاستعداد للتضحية كرمال الطرف التاني صفر إذا مو أقل

5-

ممكن
بس مو دائماً
لأنو في حالات بتكون البنت تعرفت عالشب بهالطريقة وبتحبو كتير وبتضحي بكل شي كرمالو

بتمنى تكملي النقاش معي وتوضحيلي رأيك تمام
مع العلم أنو أنا ضد الزواج التقليدي بس لازم الانسان يكون موضوعي
نورتي الموضوع شكراً لك

الزواج التقليدي........
بدها صفنة.................        

1.هل هذه هي الطريقة الأنسب للزواج؟؟
أكيد لأ..........

2.هل بالامكان أن تبين إيجابيات وسلبيات هذه الطريقة( من وجهة نظرك)
برأيي ما في ايجابيات أما السلبيات:
أول شي مين بدوا يتزوج الشب ولا أمه ولا أخته ولا خالته!!!!!!!!!!!  
بعدين شو مشان ما قعد مع المحروسة غير مرة أو مرتين؟؟؟؟؟؟؟؟؟يعني هيك قدر يفهمها وتفهمه ودغري عجبته وعجبها؟؟؟؟؟؟؟؟؟هادا مو حكي والعقل ما بيقبله...... وين توافق الآراء........
بعدين هي الطريقة وإن نجحت فالحياة رح تكون حياة تقليدية متل أي عيلة......وبرأيي أي انسان بيطمح لحياة يحقق فيها طموحاته أحلامه.....طيب والبنت ما لازم تشاركه هالتفكير ولا كل واحد عايش بجزيرة....

3.إذا كنت لا توافق هذه الطريقة فما هي الطريقة البديلة برأيك؟؟
بكل بساطة شب أعجب بفتاة ولقاها مناسبة كزوجة (قصدي مو شافها مرة وحدة بالشارع آم عجبته) راح لعندها وقلها معجب فيكي وحابب ابعت أهلي ........
إذا وافقت البنت مو مشكلة بتخبر أهلها انو في شب حكى معي هيك شو رأيكم ........  
وإذا هي بالأصل ما بتطيق هالشب بكل بساطة بتقله مو ممكن وبتنهي الموضوع من عندها.........
بعدين بيروحوا الأهل وبشوفوها وبتعرفوا الكمالة لحالكم..........الخ


وعاشوا بسعادة وهناء وجابوا صبيان وبنات.......    

1-طبعـــــــــــــــــــــا مو صحيحة..
2-كإيجابيات ما اتوقع انو في..اللهم الا انو الوحدة تخلص من نئ الحماية..
السلبيات..انو  عالغالب ما بيتفاهم الطرفين لانو الزواج مؤسسة لازم تبنى على توافق بالآراء و وجهات النظر اضافة للمحبة و التفاهم..فإذا الواحد ما بيئعد مع العروسة الا كم مرة من وين بيجيب كل هدول..
3- برأيي خطأ نسميها طريقة..لا بل سنة الكون انو كل حدا فينا يلائي نصو التاني بالوقت اللي الله كاتبلو ياه ..وئتها كل هالطرق ما بتجيب نتيجة..

مرحبا يا صبايا
أنا ملاحظ أنو كل يلي ردوا على ها الموضوع هنن من الصبايا
و أنا أول شب عم يرد
في شغلة بدي نوه إلها
أنو إذا البنت وافقت بشكل مبدئي على الشب و قلها إنو بدو يبعت أهله
ساعتها عم يصير مشاكل كتير
يعني كتير من الأحيان بتكون البنت مترددة مو بالنسبة للشب لأ بالنسبة لفكرة الزواج بحد ذاتها فما بتقول لأهلها هي من ناحية
و من ناحية الأهل بيصير أحياناً أنو أهل بيفهموا بنتون غلط و هاد هو الغلط بعينه
يعني لحد الآن نحن شرقيون
أنا مع الشرقية بأمور تخص صون الانثى و أنا ضدها فيما يحجز حريتها المشروعة بدين الله
بس بالنسبة للخطبة التقليدية يلي عم يصير أنو عم تندثر شوي شوي
لأن الخطبة التقليدية مو هي يلي عم تصير
لأن بالأساس الخطبة المشروعة ما عم تصير أبداً و يمكن 90% من أهلي ها البنات ما بيعرفوا أسس الخطبة التقليدية (الشغلة مو لعبة )
و إذا على شغلة المشاعر في كتير سلبيات للخطبة غير التقليدية ( الشب بيعرف البنت و باعت أهله )
يعني ممكن أهل البنت ما يوافقوا على الشب مع أنو بيكون في حب بين الطرفين

أنا بقول لو كل إنسان أخد يلي بيحبوا لكانت الدنيا جنة

كل وسيلة للزواج إلها سلبيات بمجتمعنا لأن ما عم تطبق جيداً بس لا حدا ينسى أنو الخطبة التقليدية هي يلي عم تكون الأسلم بالنسبة للبنت (من الشباب يلي عم يلعبوا)
تقبلوا مروري
أبو العز