أصدرت وزارة التربية اليوم نتائج امتحانات الثانوية العامة بفرعيها العلمي والأدبي والثانوية الشرعية لدورة عام 2009 .

وكانت وزارة التربية أعلنت عن موعد صدور النتائج في تمام الساعة العاشرة من صباح اليوم الجمعة...17 - 7 - 2009

ونقل مراسل سيريانيوز عن وزير التربية علي سعد في تصريح صحفي إنه "بلغت نسبة النجاح 72.81% بالفرع العلمي و56.05% بالأدبي و 61.19% بالثانوية الشرعية، فيما كانت نسبة النجاح متميزة باللغة الفرنسية بشكل خاص".

وأوضح وزير التربية أن "هناك 3 طلاب نالوا العلامة التامة في الفرع العلمي , من حمص والسويداء وحلب , فيما لم ينل أي طالب العلامة التامة في الأدبي".

     

وكان وزير التربية علي سعد قال إن الوزارة حرصت هذا العام على توفير تسهيلات أوسع للحصول على النتائج من خلال شاشة الفضائية التربوية السورية التي تبث على القمرين نايل سات تردد 10911 وعربسات تردد 12284 فضلا عن السماح للجهات التي طلبت المساهمة في نشر النتائج على مواقعها الحصول على النتائج بعد نشرها على موقع الوزارة.

وأشار الوزير إلى أن المرجعية في دقة هذه النتائج هي الصادرة على الموقع الرسمي للوزارة وفي مديريات التربية وعلى الفضائية التربوية السورية.

ويبلغ عدد الطلاب المسجلين لامتحانات الثانوية العامة 324348 طالب وطالبة...







(نقلاً عن سيريا نيوز)

http://www.syria-news.com/readnews.php?sy_seq=98469


-------------------------------------------

و بإمكانكم أيضاً معرفة الأوائل على القطر والمحافظات و معرفة الناجحين

حسب الاسم و المدارس واحصائيات متنوعة عن طريق موقع باكلوريا...

http://www.bakaloria.com


و دمــــــــتم سالميــــــن 

مبين كتييير التسهيلات

كل اللي بدون يرسبوا حالون وينسحبوا

دفشوهم دفش لحتى ينجحوا

طيب ما حرام؟؟


شو بدو يصير فيهم

يا إعادة وموازي (وماكل العالم معها مصاري) يا إما قضاء على المستقبل

حتى بالبكالوريا في تلاعب بالنتائج

علامات بتقرف وتصحيح اقرف
هي علامات؟؟؟؟؟
بس 3 جايبين علامات تامه
مو معقول ابدا
الله يستر على المفاضلة الجايه

آآآآآآخ الحمدلله  نجح أخي بس والله مفتوحة تعزاية عنا بالبيت والله كان متوقع علامات عالية كتير وفجأة انصدم إنو العلامة مو متل توقعو  والله كان الأولي بمدرستو وهلأ طاقق عقلو ماعم يصدق اللي صار
والله كتير مكسرين بالعلامات
كل أخي ورفقاتو رايحين طيران يقدمو اعتراضات حسبنا الله ونعم الوكيل

اقتباس

ونقل مراسل سيريانيوز عن وزير التربية علي سعد في تصريح صحفي إنه "بلغت نسبة النجاح 72.81% بالفرع العلمي و56.05% بالأدبي و 61.19% بالثانوية الشرعية، فيما كانت نسبة النجاح متميزة باللغة الفرنسية بشكل خاص".

وأوضح وزير التربية أن "هناك 3 طلاب نالوا العلامة التامة في الفرع العلمي , من حمص والسويداء وحلب , فيما لم ينل أي طالب العلامة التامة في الأدبي".

ولييييييي معقول هي أول مرة ماحدا بجيب التامة من دمشق   

حسبنا الله ونعم الوكيل

إن شالله تنزل المعدلات  وإلا بدنا نضطر نلجأ للجامعة الخاصة

شكرا إلك وسيم عالنقل كنت حابة أعرف نسب النجاح وعدد الطلاب يلي جايبين تامة

الله يعطيك العافية

تقبل مروري

ألف مبروك للي نجحوا صحي انو العلامات كتير قليلة بس نحنا تعودنا على تكسير العلامات احسن شي اتكلو على الله وسلموا أمركم لإلو
...........بالتوفيق

منقول ألف ألف مبـــــــــــــروووووووووك لكل الناجحين هالسنة بالبكالوريا
لأنو اللي طلع منها هالدورة مو بالساهل
وإنشالله هالسنة يخفوا عليهن بالمفاضلة طالما المجمعين كتير قلال
وما حدا مجمع منيح كلن بالهوا سوا



الله يستر

إلى بلسم الآلام الله يصبر أخوكي وكل الطلاب الله يعينهن بحكم يلي عانيناه قبلهم

شو بدهم يعملوا هالشي مكتوبلنا نعانيه يلله ان شاالله بيتوفقوا بالمفاضلة

قال بدهم ينزلوا السنة بس مفاضلة وحدة الله يستر


وألف مبروك نجاح الجميع
إن لله وإن إليه راجعون

اقتباس

ولييييييي معقول هي أول مرة ماحدا بجيب التامة من دمشق

هنن أصدون عالتامة مع ديانة...

بس من شوي رحت على ثانوية السعادة و شفت العلامات و كانت النتائج كما يلي:

خريجي ثانوية السعادة الخاصة بدمشق

من النظام الحديث( الأولى بدون ديانة التانية مع ديانة)


الأمجدتوفيق عبدالنبي اصطيف 270- 288
محمد سليمان صوان 270- 287
عبدالله محمدياسر قرهبلا 269- 289
صلاح ايمن البيطار 269- 288
محمدعامر عبدالحميد سودان 269- 287

من النظام القديم (ناجح ويعيد)

في 3 طلاب جايبين 260 من 260

ماعد أذكر اسماءهون

--------------------------------------------

بس الغريب عنجد أنو السنة الماضية 23 طالب جابوا 260!!!!!!

أما هالسنة...؟؟؟

   

ألف مبروك لكل الناجحين بس الشطارة ما عادت بالنجاح  و الله يكون بعونهن على معدلات القبول بالمفاضلة العامة

مبارك لكل الناجحين .. "وخصوصاً ولاد خالتي وبنت خالتي (توأم روحي)"

وأنا رح تطق روحي على نتيجتي  .. يلي ما عادت تطلع بالزوء

مشكور على نقل الخبر المتميز ..  .. وبانتظار المفاضلة ..