قد يعتبر البعض ان تطرقي لهكذا موضوع يعد من الترف الفكري ولكن فكرة هذه

المقالة قفزت الى ذهني بعد ان تابعت اليوم على سبيس تون مسلسل جزيرة الكنز

مما حرك في داخلي حنينا لسنوات طوال انصرمت فقررت مهاجمة بعض المسلسلات

التي كانت تعرض في زمن طفولتي المغدورة.

1- جزيرة الكنز:

الشيء الوحيد الذي اعتبره ماخذا على هذا العمل الرائع هو قسوة ام جيمي وموافقتها على مغادرته للبيت في رحلة البحث عن الكنز. لا ادري كيف اطاعها قلبها في قذف ابنها بهكذا مغامرة خطيرة ولكن ان عرف السبب بطل العجب فالمدام كانت منيشنة على عريس لقطة لم يلهف قلبها لسواه من بعد المرحوم ابو جيمي وارادت ان تزحلق لجيمي لكي تستفرد فيه وكان لها ذلك وتم الفرح خلف الكواليس.

2-سالي:
انا قصة انسان انا جرح الزمان انا سالي سالي
لا اذكر يوما اني حزنت على انسان من خارج المقربين الي اكثر من حزني على سالي ولا اذكر باني حقدت على انسان اكثر من الانسة منشن لكن الله كبير فبعد مسلسل الانكسارات التي مرت بها سالي خرج صديق ابيها الرائع تاجر الماس وقلب حياتها راسا على عقب اللهم اجعلها في ميزان حسناته بسسالي الغبية رجعت تبرعت لمنشن بمئة الف فرنك وليش هالحيوانة عملت هيك ما بعرف.

3-طمطوم وابطال الروضة الخضراء:
طم طم طماطم لم اضحك من قلبي على مسلسل كرتون مثل طمطوم دروس من الصبر والاصرار يعني مع انو طمطوم بندوراية وبامكان سرعوف وزعزوع اعوان بشورة فعسوا الا انه كان مفرعن شكرا يا طمطوم وتحياتي للحكيم خوخة

4-الحوت الابيض:
فارس وهبة اصدق علاقة حب عاشها شخصين مع انو فارس غبي كان يذكر هبة دائما انها ليست بشرا . وماشاء الله هبة كان ناقصها ثلاث فولط وبتنور لكن السؤال يلي محيرني؟ انو الحوت الابيض كان ياكل ولا لا

5-عدنان ولينا:
عدنان لينا نامق علام دكتور رامي سميرة عبسي بصراحة ابدعتو بس الشي يلي محيرني ومدوخني لحتى اعرفو عدنان تزوج لينا بالاخير ولا لا بتوقع لا لانو عندو شوية نذالة وكان حاسب انو تورث من جدها الدكتور رامي كم مليون بس ما مشي الحال

6-غريندايزر... الشجعان الثلاثة:
مسلسلان متشابهان مع بعض الفوارق لكن نفس الفكرة غزاة وصحون متوحشة لكن يلي قاهرني انو احسن ما يبعث الغزاة كل يوم وحش ينطرو شهر زمان ويبعثو 30 وحش ولنشوف وقتا رجولة الدوق فليد

7- ختاما:
ارجو ان تلاقي هذه المشاركة استحسانكم ويلي عندو جواب على اسئلتي يسمعنا

يعني مع انو الفكرة جديدة وغريبة كتيير وخاصة على المنتدى بس ظريفة وطريفة بنفس الوقت
انا ما عندي أجوبة عن أسئلتك لاني ماني حاضرة كل المسلسلات اللي ذكرتا
وماني حاضرة إلا سالي وعدنان ولينا (بالنسبة لسالي هي مانا حيوانة ومتل ما بتعرف هاد فيلم كرتون للأطفال ولازم يكون في الو مغزى فهن بدن يوصلوا للطفل فكرة بتقول انو الانسان ما لازم يقابل الإساءة بمتلا وطبعاً نحنا منعرف انو الناس اللي هيك نادر ما نقابلها بحياتنا هاد إذا كانت موجودة)
(بس ان خليت خربت) وحلو كتير الاهتمام بامور الاطفال يعطيك العافية للقوة هيبتها

لك تسلميلي ياريم

بس لو قلتي بالاخير يعطيك العافية ياماهر الزعبي كانت ابلغ{وبالذات منك}

وبالنسبة لسالي بحكي هيك من حرقة قلبي عليها لانو الانسة منشن ماقصرت معها

وفكرة الموضوع ككل شا يفها ظريفة متل ما تفضلتي والتجديد حلو يا ريمي

انا عني ما بحب كرتون الي فيه بشر

بحب اكتر شي كرتون الحيوانات .. و ما بتذكر اني تابعت كرتون بشري

غير ( فريج ) و بيل و سيبستيان .. و  السيدة ملعقة

لذلك ما راح اقدر جاوبك على اسئلتك

بس اذا سالتني على مسلسل السيد موزة ممكن جاوبك

يعطيك العافية

أما من جهتي فأنا كنت حب سميد كتير ويا ريتهن يرجعو يطلعو

و بحب طمطوم كمان

بس للأسف  أفلام الكرتون اللي هلأ عم تطلع كلها عنف و قتال
   
   

{بحب اكتر شي كرتون الحيوانات}؟؟؟؟؟؟؟؟؟؟؟؟؟؟

صارلي 40 سنة بهالمصلحة وما سمعت بكرتون الحيوانات

بعدين مو اتفقنا ما نعلق على مشاركات بعض يا سيدة ملعقة؟

لك والله عارف ما فيك تعيشي بدون كتاباتي خطي خليك تكتسبي خبرة

ما علينا ممنونك على هالمرور الرائع يا بقايا الحلوة

وبالنسبة لروز فسميد فتألي جروحاتي والله مشتاقلو كومايات

وشكرا مرة تانية

تمام والله ليكك متابع اطفال نمرة كبيرة  يعني شي 50


عل فكرة انا بتوقع انك فيك تكتب كم افلام كرتون فظيععين

وجرب شو خسسران

حرام تضيع مو هبتك بلصحافة


بس يسلموو على كل حال

عزيزي الرائع موها:

بدون مزح عم حضر رواية طويلة للاطفال منبثقة من مجتمعاتنا العربية الاصيلة

ومن المجتمع الفلسطيني تحديدا شخصياتها اطفال فلسطينيين وحالما خلصها

راح راسل هوليوود لعل وعسى يتبنوها ويحولوها لفلم للاطفال بس دعاك

اما بقايا انسانة فيشرفني ان تكوني استاذتي لكن بشرط تعطيني دروس خصوصية

لانو استيعابي بطيء

فكرة جديدة وتحليل قوى
بس روح لديزنى وسيب الباقى علية

بس على العموم انا ما عنديش اجابات
لانى بتابع بس توم اند جيرى
هههههها
ومسلسل بكار
فى رمضان ما كنتش
بسيب حلقة

شكرا