فعلا الموضوع حساس وبدون مثاليات أنا أكيد رح أتعامل مع الموضوع بروح القبول والرضى لأن هذا شيء صار وانتهى وماحدا بيقدر يغير ماضيه ومارح افتح الموضوع عالطالعة والنازلة متل مابيقولوا
بس بصراحة مابضمن ولا شب مايفتح الموضوع بعد الزواج أو بلحظة غضب ويقول لزوجته انك كنت على علاقة سابقة وخاصة اذا كانت علاقتهم غير ناجحة نسبيا دائما رح يحس أنها تعمل توازن بينه وبين الشخص الآخر
الموضوع بحاجة لشرح مطول شكرا على موضوعك
وتقبل صراحتي

السلام عليكم أخت فوفو


موضو عك  جلو والفكرة يلي طارحتيها للنقاش جساسة


انتي كنتي ذاكرة انو ايكون الرد بدون مثاليات



فوفو لحنا يمكن البسنا جينز وحطينا واكس ع راسنا


وصرنا نركض ورا الموضة الغربية



بس بالرغم من كل هاد الحنا شرقين بالداخل


انا اذا فكرت اتجوز من المستحيل اني اتخيل


اشريكة حياتي انو كانت ع علاقة مع غير شب


اما تجي واتئول والله كنت بعرف شب وانا وياه ما اتفئنا


صدقاً يلي ولا بلاها...........


هلاء بدكن اتردوا اشمعنا الشب عندو علاقات قبل الجواز


ومين يلي ئال انو كل الشباب عندن مغامرات وعلاقات

شو مافي ولاشب بالدنية


صاحب اخلاء وقناعات


انا متل مابحب انو اشريكة الحياة ما عندها تجارب


هاد الحكي لازم ايكون ع اشريك الحياة

ولكل منا رايه..؟؟؟؟


وكل واحد بيشوفى حسب تفكيروا


وبجوز واحد ايكون امعارض فكرة


انو اشريكة حياتو ايكون الها تجارب


وبس يطبس بيصير ما يسمى( الحب الأعمى)


أسف اذا ..... ردي متعصب اشوي


بس هي الحقيقية.......



وشكراً ام الفوف

موضوع مهم انسانة فضولية


بتشكرك كتير كتير


اما بنسبة الي

اتقفت مع نور الهداية بموضوع الستر


يعني ياللي الله ستر مانجي نفضحوا

من هالباب اختلفت معها ومع باقي الزملاء


بموضوع حق سؤال الطرف التاني  عن ماضي

ما خلص الماضي مضى

مافي داعي لنبش القبور والعبث بالجثث المهترئة

اذا عنجد هالشخص انتها من حياتك

يعني مافي داعي للسؤال عن الماضي ابدا

وحتى لو سأل لازم الطرف التاني يكذب علي وما يقلو حقيقة ماضي

يمكن تستغربو  من رأيي وهي قناعة ترجع الي /

بحكي عن حالي مثلا اذا حبيت وحدة كتير  وكان صادقة معي

بفضل تكذب علي وتقلي انت اول انسان حبيتو وتعيشني بالوهم مومشكلة


انتبهو ///عم قول كبت كليش ورا ظهرها وحبتنا بسدق//


وبالنسية الها خلص بتعرف حالها  تحبني وما رح تخوني


ما في داعي  تطلعني على كل علاقاتها السابقة

يمكن هي كانت بنت مو منيحة وهلق نصلح

فليش تخلي شبح صورتها السيئ يعشعش بعقلي الباطني

بأي حالت غضب بأي تصرف غريب يبدر منها يمكن عن حسن نية


  تظهرلي صورتها القديمة برجع اتذكر ماضيها

لما بعرف ماضيها بقوم قيس تصرفاتها الحالية على موجب ما ضيها

مو بكيفي هي شغلة بطبيعت الانسان  التحليل والتركيب

ما في انسان  سوي ماعندو /غيرة / شك / فضول /  كبت/ شيطان /نفس امارة/

رح لخصلكم وجهة نظري بجملة مفيدة


اذا عرفت ماضي البنت ما بقدر ارتبط فيها 


بربكم يجوز كانت حابة رفيقي/ جاري او واحد بعرفو شخصينا


انا وهي ماشين بالطريق واجا وشنا بوشو


تصور  معي  سخافت الموقف انا بتمنى الارض تنشق وتبلعي اشرف


سامحيني فضولية طولت بس عنجد الموضوع قهرني

قال عادي قال

لأ  ملون وبكل الوان الطيف كمان


منعطف النسيان

نور الهداية

أولا بشكر مشاركتك

اقتباس

و من جهتي و لو صار و عرفت إنو ماضي الشخص مو منيح و شفت إنو أخلاقو و دينو نصلحو و إنو الماضي انتهى عندو فممكن إنو أقبل فيه و مستحيل إجرحو بشي كلمة بالمستقبل و إلا بكون عنجد عم أظلمو..

أوك نحنا ما عم نحكي أنه الزلمة انصلحت أموره بس
أنه مثلا اذا كان حابب قبل أو خاطب أنه ممكن يبقى في شي بقلبه للشخص يلي قبلك و هون ممكن يأثر عليكي هالشي و بهالحالة بظن أنه من الأحسن أنه تعرفي أنه كان في حدا مشان تعرفي سبب تعامله معك اذا هالشي القديم عم يأثر عليه

عكل بشكر مرورك

nibo

اقتباس

بس .......
اذا كان بحبني عنجد وانا بحبه يمكن اتناسى هالشي وغض نظر عنه

ها ها وصلنا للمهم

تتغاضي يعني ما بتنسي بس ما بتظني أنه هالشي ممكن يخلق مشاكل لبعدين؟؟

بشكر مرورك

بعل

بصراحة يعني يا عمي شو بدي قلك
بهنيك على روحك الرياضية العالية و انفتاحك على هالحياة

كتير حلو الحكي لأن ما حدا فيه يتحكم بهالشي يلي صار معه

بشكر مرورك

أيهم

اقتباس

يعني مع اللي ذكرتي ممكن أقبل ... بس لازم افهم شو كانت حدود هالحب السابق في حياتها

أكيد هون عم أحكي عن كل شي سليم و ما في قصص مو صح من قبل يعني ما في خطأ بالنص

اقتباس

وبالنهاية .. تصفح ماضي الشريك .. حق للطرفين ..

صراحة وقفت عند هالكلمة
أنه حق؟؟؟؟؟؟

طيب ممكن اذا سمحلك بس ممكن يكون ما في شي سابق يعني قصة اعجاب مو حب و لا خطبة و برأيه للطرف التاني أنه خلص قصة و راحت و مضت ليش لأفتح سيرتها و من حقي أني خبي هالشي
لأن ما في حدا منا ما بيغلط
يعني قصص صغيرة ما بظن من الحق أنه الواحد يعرفها
يعني أنه اذا هي قبلت تحكيلك عن ماضيها أوك بس أنه من حقك أنه تعرف؟؟؟

عكل بشكر مرورك
مرورك أسعدني أيهم

هلا عنجد هالموضوع معقد كتير

يعني هلا حسب سبب الانفصال

كمان الواحد ما فيه يغض نظر عن الشريك السابق بسهولة

لازم نحقق بالموضوع و سبب الانفصال


بعدين نشوف

اذا الشغلة عنجد انتهت

و لا  في شي لسه من الماضي

تقبلي مروري فوفو

بنت الغروب

اقتباس

مشان مايصير أي مشاكل بعدين واذا كانت العلاقة ما فيها غلط برأيي عادي..

صح و الله أحسن مشان اذا شي مرة انعرف شي هيك و لا هيك من هون أو من هون يكون الطرف التاني على علم فيه

اقتباس

وهلأ سؤالي الك فضولية انتي شو رأيك بالموضوع!!

 

أنا رأيي وصل ليلي بدي و بيكفيني

بشكر مرورك