الموضوع كتير واقعي وكتير عم نتعرضلو بحياتنا بس أنا رأيي إنو أنا أو الطرف الآخر ما بيحقلو يحاسبني على زمن ما كان إلو دور فيه ولا وجود وأنا نفس الشي بعدين نحنا أولاد اليوم وبدل ما ندور عالماضي خلينا نفكر بالمستقبل أحسن والبشر بالطبيعة قابلين للتغيير في سلوكهم وتصرفاتهم وأخلاقهم وأصلا ما في حدا إلا فئة قليلة ما عاشو فترة طيش ومراهقة وأحيانا فترة جنون إذا صح التعبير
تقبلو مشاركتي ودمتم لياسمينتكم LOSY    
     

لودي

يعني مثلا أسباب الانفصال مو لخناقة بيناتهم مثلا لأن مثلا أهلهم ما قبلوا على فكرة زواجهم من أصلها

بالمستقبل أكيد لح نهلكه
هههههههه
بس أنه قد ما كان الماضي لح يأثر شوي لبعدين بظن

برجع بشكر مرورك

sweetlife

اقتباس

أما يوهمها أنها أول وحدة بحياتو وبعدها تتفاجئ أنو كان بحب وحدة قبلها فهي أكيد رح تأثر عالموضوع

يعني و الله هالقصة خطيرة اذا كان خبى و هون ما فينا نسميها أنه خبى عليه بالأحرى بنقول كذب عليها و الكلمة لحالها بشعة فكيف ما تطبق

اقتباس

ووقتها ما بظن أنو رح يأثر عالمستقبل

المشكلة هي كالتالي
أنه ممكن مثلا بلحظة غضب يصير يقارن بينها و بين يلي قبلها و هون أكيد في شي لح ينكسر بيناتهم جوا بالقلب و لح يساوي مشاكل كيبرة بظن

أنا أكيد بشكر مرورك

نورتي

أيهم

اقتباس

علكن أنا هادا رأي ... وحكيتو بكل صراحة وحاولت ابتعد عن المثاليات أو العموميات ...

و أنا أكيد بحترم رأيك أكيد و رأي الكل بس بتضل القصة نقاش مفتوح مو أكتر

يمكن البعض منا بيلاقي ما حدا من حقه يبحبش بماضيه أو يذكره فيه أصلا
و بعضنا بيقول ليش أنه اذا كل شي خلص مالح يأثر شي عحاضرنا هالماضي

أكيد الموضوع كتير متشعب بس حبيت آخد رأيكم عنه كفكرة عامة و بشكل و لو جزئي و لو فتنا و تشعبنا فيه شوي

أكيد بشكر مرورك من جديد أيهم

losy

اقتباس

أنا أو الطرف الآخر ما بيحقلو يحاسبني على زمن ما كان إلو دور فيه ولا وجود

هالكلام صح أكيد اذا ما صار في أي نوع من الغلط بالماضي

اقتباس

وأصلا ما في حدا إلا فئة قليلة ما عاشو فترة طيش ومراهقة وأحيانا فترة جنون إذا صح التعبير

و بصراحة هالفئة هي يلي بتنحط عالراس لأنها صارت نادرة بوقتنا للأسف

بشكر مرورك

مرحبا
بصراحة بالنسبة إلي أنا الشي يلي عرفته عن الشريك (اللمكن )يكمل معي خلاني أنشد أكتر تجاهه وحتى كمل معه حتى نهاية العمر
و بالنسبة للعلاقات السابقة (البرئية منها و ضمن حدود الأدب و الأخلاق )لا أعلق عليها
كماالشاب يمكن أنو يخطب إنسانة و بعد فترة يتركو (مافي نصيب) كمان نفس الشي بالنسبة للبنت فهاد الشي موجود
تقبلوا مروري
أبو العز

أكيد بهمني أعرف ماضيه بس يضل هل الماضي يالماضي مارح يحي هل الماضي ويخلي بقلبو للمستقبل لازم يأكدلي قولا وفعلا أنو هل الماضي ضل بمكانو
فإذا شفت هديا كانت معو من الماضي أو اي ذكرة محافظ عليها من تاريخو الحافل فبيكون هو بدو يضل بماضيه ومابدو يشوف مستقبلو معي
فأنا
بهمن ماضي شريكي بالنسبة إلو مو بالنسبة إلي
وكيف بينظرلو نظرة حزن ولا راحة ولا كره........ولال  ولا.............ولا.........
شكرا لكلماتك الجميلة
ودمتي

معاذ جليلاتي

اقتباس

و بالنسبة للعلاقات السابقة (البرئية منها و ضمن حدود الأدب و الأخلاق )لا أعلق عليها

هلأ حاليا ما بتعلق عليها بس لبعدين ممكن تعلق؟؟

أكيد كل شي قسمة و نصيب بالآخر

بشكر مرورك

عاشقة المطر

اقتباس

فإذا شفت هديا كانت معو من الماضي أو اي ذكرة محافظ عليها من تاريخو الحافل فبيكون هو بدو يضل بماضيه ومابدو يشوف مستقبلو معي

هون بيكون بعده عايش بدوامة الحبيب القديم و يلي صعب يطلع منها و هيك عالم بظن صعب أو مستحيل ينعاش معها

بشكرك لمرورك

بالتأكيد مهم ...

لا يستطيع الشريك أن يغض الطرف عن ما ضي شريكه

وهو ما يمسى في مجتمعنا بـ " السمعة "

أهل الفتاة يسألون عن سمعة الشاب والشاب يختار شريكته وفقاً لسمعتها الطيبة

فيُنظر إن كانت لدى أحدهما علاقات سابقة رسمية ومحترمة أو علاقات غير محترمة

وبكلتا الحالتين تم النظر إلى الماضي وبناء عليه تم الرفض أو القبول

أما أن تجدي أحداً هنا في مجتمعنا يقول أنا سأشارك فلاناً او فلانة حياتي

بغض النظر عن ماضيه قويماً كان ام غير ذلك

فهذا غير ممكن وقريباً من المستحيل وخاصة بالنسبة إلى اختيار الفتاة

لأنه في مجتمعنا " سمعة " الفتاة أهم من أي شيء آخر ....

فينظرون إلى هذا الماضي إن كان يلوث هذه السمعة ام لا وبناء عليه يتم الاختيار



هذا بشكل عام ولكل قاعدة استثناءات ...

تقبلي تحيتي