العراضة الشامية




تتم حفلة التلبيسة الخاصة بالعريس في منزله. يرتدي العريس هناك ثيابه الجديدة. ويحلق الحلاق ذقنه ويعطره وسط رفاقه، الذين يهتفون بعبارات خاصة بالمناسبة، ويرافق كل ذلك وخزه بالدبابيس كنوع من المداعبة. وكلما ارتدى العريس قطعة من ملابسه الجديدة يصيح الشباب:

"صلوا على محمد... مكحول العين... ونير وغضير... وعادينا... وهيه!"

وعندما يحين الموعد المتفق عليه، يتوجه العريس في موكب خاص إلى دار العروس، فيشكل الشباب العزّاب عراضة في المقدمة، يليهم لاعبو الحَكَم وأهل العريس ووجهاء الحي، يتوسطهم العريس نفسه، وحوله حملة الفوانيس ويليهم بقية المدعوين. ويستغرق انتقالهم بعض الوقت بسبب الأهازيج والعراضة، التي يردد فيها الشباب وصفات خاصة بالمناسبة، منها:

شـن كليلة  شـن كليلة شو هالليلة ... شو هالليلة
مـن هالليلة حمل السلة ومن هالليلة صار له عيلة
 
الله يعينه على هالليلة!

عريـس الزين يتهنّـى يطلـب علينا ويتمـنى
عريـس الزين يا غالي أفديه بالـروح والمال
   
يا عريـس كفّك محنى يا عريـس كتر ملبّس
   
يا سـباع البـرّ حـومي اشـربي ولا  تعـومي
اشـربي من بير زمـزم زمـزم عليها السـلام
ويا سلام اضرب سـلام عللي مظـلل بالغـمام
الغـمـامـة  غـمتـو غـمتـو ومـا لمتـو
غمتـو  خـوفـاً عليـه وعلينـا ... وعـليـه
وعلـى من زار  قـبره وعلـى من حـج إليه


وبين كل فترة وأخرى، يقف الموكب ويردد "قوّال" العراضة: "يا أهل العدية... يا أهل العدية... يا سامعين الندية".

فيجيب الشباب جميعاً: هيه!

فيقول:: الله لا يقطع لنا ولا يقطع لكم ذرية... بجاه النبي محمد خير البرية... وإن كانت راية وراية عريسنا وبيّض الله.

فيجيب الجميع بلحن معين: وجهوووووه.

وعند الوصول إلى مدخل دار العرس (أو إلى بيت العروس) تشتد عزيمة الشباب، وترتفع الأصوات بالهتافات: "جينا جينا جينا... جبنا العريس وجينا"، وتختلط الهتافات مع زغاريد النسوة.



وايضا من العراضة :

صلوا على محمد مكحـول  العيـن
نيـر وغضيـر وعـادلا  وهــي

أول مـانــبــدا مـنــقــول
صلـوا علـى طــه  الـرسـول

أول مــــــا  بــديــنــا
عـلــى الـنـبـي صـلـيـنـا

يــا صـلاتـك يــا مـحـمـد
والـصـلاة بالـصـوت  صـلـوا

والـصـلاة والـصـوم صـلــوا
وبالـصـلاة صـلــوا عـلـيـه

وعـلـيـنــا  وعــلــيــه
وعـلـى مـــن زار  قـبــره

وعـلـى مــن حــج إلـيــه
حجـيـت الـحـجـاج لاجـلــه

انشـق القـمـر بـنـص اللـيـل
مــن هـيـبـة رســـول  الله

لا إلــــــــــــه إلا الله
مـحــمــد رســـــول الله

وادلــلـــي يـاعـيــنــي
عـلـى عـريــس  الـزيـنـي

وادلـلــي يـــا  غـالـيــة
لاطـلــع لـــك الـعـالـيـة

لالاعـبـك لـعــب  الـبـنـات
يــا بـنـات ويـــا بـنــات

يــم الـشـعـور الـمـجـدلات
يلـي شـعـرك شـعـر الخـيـل

مسـا الخيـر ومـسـا  الخـيـر
الله يمـسـيـكـم بـالـخـيــر

الله يـمــســي حـارتــنــا
يالـلـي مشـمـلـة حملـتـنـا

حملتـنـا عالشـيـخ  رســلان
شيخ رسـلان يـا شيـخ رسـلان

يــا حـامـي الـبـر والـشـام
مـســا الـخـيـر  جمـعـيـة

إســـــلام  ومـسـيـحـيـة
إســـــلام تــوحـــد  الله

والـشـب يـولـف  صـاحـبـة
لاصـاحــبــه لالاعــبـــه

لالاعــبــه  بـالـجـودلــح
جـودلــح يـــا جــودلــح

زيـزفـون يـــا  زيـزفــون
زيـزفــون خـيــم  عـلــي

مــا بـنـاخـد إلا  الصـبـيـة
مـــا بـنـاخـد إلا  الـغــلام

يــا غنـيـم يـــا  غـنــام
لا تـــروح درب  الـشـمــال

بـيــاخــدك الـتـركـمـلـي
يعـمـل فـيـك شــال  مــال

يـعـمـل فـيــك العـجـايـب
يعـمـل فـيـك كــان  مــان

يعمـل مــن جـلـدك  ربــاب
لـلـشـيــوخ والـشــبــاب

لـلـشـبــاب الـتـايــبــة
والـشــيــوخ الـشـايـبــة

يـلــي ع ربـهــا  تـايـبـة
تــايــبــة ومــتــوبــة

تايـبـة عالشـيـخ  رســـلان
شيخ رسـلان يـا شيـخ رسـلان

يــا حـامـي الـبـر والـشـام
يــا سـبـاع الـبـر  حـومـي

اشــربــي ولا تـعــومــي
اشربـي مــن بـيـر  زمــزم

زمــزم علـيـهـا  الـســلام
يــا ســلام اضــرب ســلام

عـلــي مـظـلـل بالـغـمـام
والـغـمـامــة غـامــتــو

غـامـتـو مـــا  لامــتــو
غـامـتـو خـوفــاً  عـلـيـه

وعـلـيـنــا  وعــلــيــه
وعـلـى مــن حــج إلـيــه

محمـد زيــن محـمـد  زيــن
محـمـد يــا كحـيـل العـيـن

هـدهــد هـدهــد  يـاطـيـر
عـنـا الــك خـبـر بالـلـيـل

يمكـن شــر ويمـكـن  خـيـر
والـلـي يعـاديـنـا نـحـاربـو

بالسـيـف نقـطـع شـواربــو
بنتـك يـا خـال أخـذت عقـلـي

والـعـزابـي يـــا  دلــــو
مــا فــي مـيـن يغـسـلـو

صـابـونـتــو  بـجـيـبـتـو
الله يـخـلـيـلـو مـيـمـتــو

حـامـل بـقـجـة  قمـصـانـو
ودايـــر عـلــى جـيـرانـو

روح تـــجــــوز روح  روح
حاجـة تبصـبـص عالأسـطـوح

لاتـاخــد بـنــت البـلـكـون
لو لبسـت لـك كـل يـوم  لـون

خــود الـبـنـت المـسـتـورة
ولـو كانـت فكـحـة  وعــورة

اسـمـر يــا بــو  الجديـلـة
دخـيـل عـيـونـا  الكحـيـلـة

وأنــا مـيـت عـلـى عيـونـا
مدفعـنـا عـيــارو تسـعـيـن

ســـت عـشــر  بـطـاريـة
بيـرقـنـا بـثــلاث شـكــال

وحـكــومــة  عـربــيــة
وعلينا الخيل من روس الجبال طلعت

ما منهاب الموت لو كترت ولو  قلت
وين الخـال يشـوف ابـن  اختـو

مـحـلا الشـايـب بـيـن  ولادو
دلــي دلــوك يـــا بـنـيـة

عـريــس الـزيــن يتـهـنـا
يطـلـب علـيـنـا  ويتـمـنـى

عريـس الـزيـن يــا  غـالـي
ويــا مسـهـرنـي اللـيـالـي

عريـس الـزيـن مــا  بيـعـو
لـو جبـلـي الـدهـب  غـالـي

شــن كليـلـة شــن كليـلـة
شـن كليـلـة شــو هالليـلـة

شـو هالليـلـة مــا  أحـلاهـا
لـلـحـبـايـب بنـتـمـنـاهـا

مـن هالليلـة مــن  هالليـلـة
مـن هالليلـة صـرلـو  عيـلـة

طقـي وجنـي حـيـص  بـيـص
نحـنـا فــي معـنـا عـريـس

اضــرب واجــرح لا  تـخـاف
ويـن السبعـة يجـاوب  تسـعـة

ويـن ستـنـدر ويــن  سـتـار
يـا ستـنـدر مـالـك خـرسـان

ويـا فشـك مـا لــك غلـيـان
سمعـنـي الـصـوت الـرنــان

وان هلهـلـتـي  هلهـلـنـالـك
حطيـنـا الـبــارود  قـبـالـك

وان هلهلـتـي يــا  نشـمـيـة
واحــد مـنـا يقـابـل مـيــة





يتبع----------------------- ............



تحيتي


   

هههههههههههههههههه
شي حلو مبك يسلموا ايديك
اقولك عقبالك ولامابدك
ههههههههههههه
عهووووووووووووود

الله يسلم هالأيدين وعقبال مانشوفك عريس
والشباب طالعين عراضة معك

انشالله يا تفاحتين ويا عهود

انتو كمان بنشوفكن عرسان

وشكرا على المرور

انا بدي قول يلي حافظ عراضةكمان يكتبها


تحيتي

يسلمو ايديك اخي Mbk على العراضة الرائعة

انا بحبها كتير العراضة الشامية و احنا عنا في منها بس ما بيسموها عراضة

بس بتكون فرقة و طبل و زمر و خيل و سيوف و مغنيين

يعطيك العافية

شكرا بقايا لمرورك الكريم

وانا بضيف مقطع عراضة كمان اهداء الك والحمد لله على السلامة واهداء لكل الاعضاء :

جاهد يا عربي جاهد ووقف بصف القائد

ورجع كل العوايد عاويدنا العربية ويلي كلا فروسية وماتقبل عدوانية .

عوايد خالد سيف الله من زمن رسول الله

عاويد صلاح الدين ويلي حرر فلسطين .

وعاويد زوار الشام وزوار الغوطة الأحرار  وما قبلو بالاستعمار

وزوارك يا سورية يا ام الراية العالية .

ويا عزتنا القومية وزوارك يا سورية وطلعو الفرنسية بالعزم والتضحية وبالهمم القوية

بالموس والشبرية ذكرتية ورجولية

وجاهد يا عربي وتذكر والجهاد مو بس عسكر والجهاد قلم ودفتر

وبعهدك يا قائدنا باب العدوان مسكر

وبعهدك يا قائدنا انفتحت للعلم ابواب ورجع عز العرب وعز العرب احلى عز

وهادا عزك قائدنا يا بو الهمة القوية وبهمتك قائدنا رجعت عوايدنا . عوايدنا العربية .

يتبع....................................

طبعا العراضة كلها مقتبسة من شريط عراضة وهي قديمة جدا



تحيتي للجميع

دمشقي وبحب العراضة

وهالوصفة قبل ما يدخل العريس صالة النساء يقال له

بدي وصيك وصية يا عريس يا عينيي 000

اوعا تنسا رفقاتك وروحاتك وجياتك  000

والسهرة بالبرية والطرنيب400  000

بدي وصيك وصية هي وصية اصلية 000

حاسب نفسك ونهيها وعلى كيفها لا تعطيها 000

ولا تاكل لقمة منان على طول يهتك فيها 000

واكسر نفسك للطفران الله بيعزك فيها 000

ولا تشرب مية بالكاس الا وتعرف شو فيها 000

وزفو العرسان زفوها 00000000000000

وبعدها يدخل العريس الصالة تحت اهازيج وزغاريد اصدقائه

ان شاء الله منشوف شباب المنتدى والصبايا كمان من احلى العرسان

عن قريب بجاه محمد الحبيب

مشكور اخي الكريم . موضوعك جديد و ممتع

تحيتي

اهلا صديقي المهاجر

شو هل العراضة وإن شاء الله انت بنشوفك عريس
.
.

رياح الشمال
.
.
انا صح ما بضيف رد على مواضيعك لاني ما بحسن عبر وما بعرف اكتب شعر

بس عم اقرئها انت مبدعة وشكرا على العراضة



عمرو
.
شكرا لك على المرور