بعد انتشار الجوالات بشكل كبير جدا ... وخاصة الجوالات الحديثة المليئة بالمواصفات ....( ومن بينها البلوتوث )

صار لازم نبه اللي ما بيعرف... لخطورة  هالميزة بالرغم من وجود ايجابيات الها

ليش ؟؟ 

لأنو نزل برنامج أو برامج للقرصنة على الجوالات عن طريق البلوتوث
والحقيقة وقع تحت ايدي هالبرنامج من مدة منيحة

وجربتو ع جوال من جوالات أهلي ... وبالفعل ... تحكمت بكل شي  ع الجوال التاني وشفت كل الملفات اللي عليه
/ صور ... فيديو ... صوتيات ... أسماء ... رسائل .. لك حتى ضبطت المنبه عندو عالساعة الفلانية...
وكل هاد وأنا من بعيد عم اتحكم فيه
لأ مو بس هيك ..كمان أتصلت من هداك الجوال لعندي ... يعني صاحب هالبرنامج فيو يعرف أرقامكم
وهو شغال ع معظم الجوالات ... وبينزل ع النوكيا والسوني ... ويمكن غيرن
ووقت القرصنة ما في مشكلة حتى لو الجوالين مختلفين بالماركة
واللي مو مصدق فيو يجي ويجيب جوالو .... وبخلي يتأكد بعينو

وبالوقت الحالي ... البرنامج ضعيف شوي ... لأنو لازم تعمل اقتران بين الجوالين بالأول .. يعني بدو موافقة الطرف الثاني
بس مع التطور اللي عم نشوفو هلأ ما بستبعد يكون نزل أو رح ينزل الاصدار الأحدث منو ... واللي يمكن ما يحتاج لاقتران أو موافقتك

وليش لهلأ لنبهتكن مع اني بعرفو من زمان ؟؟   لأنو لهلأ لحسيت بخطورتو بعد قصة سمعت عنها

وكرمال هيك بطلب منكن .. ما تشغلو البلوتوث الا بأماكن معروفة وبعيدة عن الغرباء

واذا اضطريتو تشغلو بمكان عام ... حطو ميزة الاخفاء عن الجميع .. وبالتالي ما رح يقدر يلقطكن أي جوال تاني

واذاخليتو اظهار للجميع ... الأحسن ما تقبلو تعملو اقتران بأي جوال غريب

وفوق كل هاد والأهم ... حاولو ما يكون في شي خاص ع الجوال... تحسبا من (سرقة / ضاع / قرصنة .....الخ)

وخلي كل ذكرياتك وصورك وخاصة العائلية ( ع كمبيوترك ... فلاش ميموري ... ميموري كارد تاني ....الخ)

وهالكلام موحه  للكل عموما .... وللصبايا خصوصا ... لأنو ولاد الحلال كتار ... وممكن ما يكتفو بأخد الملفات من صور وغيرو .... لأ يمكن كمان يحاولو يؤذوكم ...بعدة طرق من( نشر للصورة / التطبيق واللعب فيها .... وغيرو )

للتنبيه : نزلت كتير برامج مختصة بكشف أرقام الجوالات الأخرى عن طريق البلوتوث أيضا.....

أسأل الله أن يجنبني ويجنبكم  متل هيك مواقف .... لأنو عنجد مصيبة اذا صارت فيك

اي فعلا يا أيهم وصارت فيني هالقصة بس الحمدالله كانت عن طريق جوال اخي
وصار يتحكم بموبايلي ويتصل عن طريقو لموبايل اخي التاني هاد كلو والموبايل
قدامي بدون ما ألمسو

ومن يومها انا حذرة من هالقصة...

شكرا لتحذيرك وفعلا لازم كل اللي مابيعرفوا ينتبهو لهشغلات
وبالاخص شغلة الصور كتير خطيرة..

شكرا الك ايهم فعلا في خطورة بالبلوتوث  من هالناحية


وكمان انا شفت مرة برنامج لمعرفة رقم جوال بس بمجرد انو يمر الواحد من جنبك .




شكرا الك عالتنبيه .

الحقيقة بعتذر من كل اللي ردو ع موضوعي بعد تكرارو بالغلط 3 مرات    ولذلك تم تلافي الخطأ والابقاء ع الموضوع هنا

وبخص بالعتذار أصدقائي                     لون حياتك صاحبة الرد

فعلا موضوعك خطير وعم يصير...............

أنا جربت هذا البرنامج وفعلا بيتحكم بالجهاز بشكل مو طبيعي (طفي , اتصال, معرفة أرقام وأسماء..........)

ومتل ما قلت انت نحن يلي فينا نحمي حالنا , وما نستقبل بلوتوث من حدا غريب.

وللأسف هي شغلة منتشرة كتير وبخاصة بمقاصف  الكليات, يعني بكون بدي استقبل شي شغلة من رفيقتي وبتلاقي شي مية طلب رسالة استقبال واقتران.........

بتشكرك كتير على هالموضوع المميز والهام

ولك مني كل الود والإحترام


mercedes صاحب الرد


يسلمو ايديك يا سيلفستر و الله يخلينا ياك............ و الله معك حق هاليومين الواحد لازم يدير بالو كتير

مشكور كتير على حرصك واهتمامك

sweetlifeصاحب الرد
معقول في هيك
منيح اللي نبهتنا

مشكورين ع المرور أمان __ايهاب __لون حياتك__ sweetlife    __ mercedes  على موضوعي  وردودكم العطرة        

اقتباس

وللأسف هي شغلة منتشرة كتير وبخاصة بمقاصف الكليات, يعني بكون بدي استقبل شي شغلة من رفيقتي وبتلاقي شي مية طلب رسالة استقبال واقتران.........

والله معك حق والله يكون بعونك.........
بس فيكي أخت لون حياتك تعملي اخفاء عن الجميع وتعملي بس اقتران مع رفيقتك
وان شاء الله مابصير معكي غير كل خير

***********

والحقيقة متل هيك برامج عم تتنوع وتتطور بشكل رهيب وكبير ... من خلال ما لاحظت بعلي بالصيانة بالخليوي ........

وصرت شايف أكترمن 10 برامج مختصة بالقرصنة وكشف الأرقام حتى الآن ... والأسوء لقدام............... الله يجيرنا ويجيركم

الله يعطيك العافية عنجد موضوع مثير للإهتمام

بس في زاوية لازم الواحد يشوفها كمان

أولاً أنا عندي كل برامج هكر البلوتوث و الله شاهد ما بعطيها لحدا يلعب فيها و يستغلها حتى يأذي غيرو

يعني إذا بدك لحتى برنامج كشف رقم اللي فاتح البلوتوث عندي

بس كمان بعض هي البرامج إلها فائدة يعني في كتير أيام بكون بدي شغلة من واحد موجودة على جواله و ماله فاضي يعطيني ياها بفوت و باخدها لحالي بس على علمه

و في أكثر من مرة كنت بدي أعطي ملف لواحد على البلوتوث و كل ما أرسله يفشل
و ما ظبطت حتى اخترقت جهازه و حطيتله الملف بإيدي عنده بس كمان على علمه

و أنا بوافقك على أنه هي البرامج مشكلة بس حصراً لما بتوقع بيد واحد ما بيخاف الله

و بيحب الأذى لغيره

و عذراً للإطالة

مشكور صديقي محمد النجار ع مرورك الكريم ورد العطر

وأنا قلت انو للبلوتوث ميزات ايجابية أخرى

اقتباس

صار لازم نبه اللي ما بيعرف... لخطورة  هالميزة بالرغم من وجود ايجابيات الها

وحتى البرامج ممكن تفيدك ....... وأنا كنت ولا زلت منزل قسم منها

وليس الخوف منها وحدها ..... وانما الخوف يتعاظم عندما تقع بايد شي ابن حلال.....ههههه

مشكور  عالمرور والتوضيح

شكرا أيهم عالتنبيه فعلا شغلة خطيرة

وممكن تعمل مشاكل كتير ..................... الله يجيرنا

اقتباس

وهالكلام موحه  للكل عموما .... وللصبايا خصوصا ... لأنو ولاد الحلال كتار ...

اي والله ولاد الحلال ما في أكتر منهن 

يسلمو أيهم لأنك نبهتنا ... الله يجزيك الخير

والسلام عليكم

اقتباس

وهالكلام موحه  للكل عموما .... وللصبايا خصوصا ... لأنو ولاد الحلال كتار

انا بحب اقول انوصارت عنا حادثة مماثلة في وحدة ضاع جوالها ومتصوري فيو بحفلة وهلأ صورها منتشرة على كل جوال يعني يلي حابب يتصور نصيحة من اخت لاحدا يتصور على جوال و يحتفظ بصورو بفلاشة 

اول شي لازم تشكر كتير على التنبيه المهم.....
بالفعل انا سمعت عن ها الموضوع.....
الله يجيرنا.....
شكرا مرة تانية