حب الجامعة مجرد عواطف تبدا بين طالب طالبة
وسرعان ما تنتهي عند اول مشكلة يتعرض لها الطرفين

فانا برايي الشخصي لا اعتقد ان هناك حب حقيقي في الجامعة

فانا افضل الصداقة فقط دون ان يؤدي ذلك الى مايدعى الحب

شكرا
تقبلو مروري

مسالخير
يا جماعة ليش مكبرين الموضوع
مجتمع الجامعة متل اي مجتمع برا فيو المنيح وفيو العاطل يعني ممكن يكون في قصص حب حقيقية وممكن تكون لعب وتسلاية
وهاد ممكن وين ماكان

اول شي بحب اشكر كاتب الموضوع على فكرته 
لانو ذكرني باول موضوع  بكتبو  هون بالمنتدى  بعنوان حب  فاضي
وان مع الراي يلي بيقول انو حب الجامعة مجرد سراب لغاية 90 % 
والنظرة المبنية على اساس الحب  نظرة تنتهي بمجرد انتهاء الدراسة في اغلب الاحيان
  فانا افضل ان تكون الحياة الجامعية  حياة  صداقة    وان يكون الحب  حب عذري
وان تبقى الصداقة الى ما بعد الدراسة
وهذا يتحقق اذا كانت العلاقة هي على صداقة 
اما اذا كانت العلاقة علاقة حب  فهي تنتهي بمجرد حدوث اي مشكلة بين الطرفين  في اغلب الاوقات وانا لا اجزم بكلامي ولكن اعمم ولا اشمل  غير ان  كثيرامن الاحيان  يكون كل من الطرفين له عادات وتقاليد تبعده عن الاخر
اسف على اطالتي فهي وجهة نظري 
شكرا لك على موضوعك مرة اخرى واتمنى ان تقبلو مروري

الحب شي حلو كتير بس بالنهاية رح تكون نتيجته الفشل ورح يلاقوا للي حبو بعضن انو كل هالحب والأحلام كانت وهم                    وشكرا

يا جماعة عن جد أنا بحس انكون مو طلاب جامعة
يعني الزلمة طرح موضوع لنقاش مو كل واحد يحكي سيرة حياتو


أول شي بالنسبة لسؤال الاول
هل الحب ضروري  في المرحله الجامعيه  ليعيش الطالب حياته الجامعيه...؟
هيدا الشي عايد لنفسية الطالب يعني يمكن لما يشوف البنات لأول مرة و بجو مختلط يحب يجرب هيدا الشي و كمان يمكن أصدقائه و الجو المحيط به يؤثر عليه و يدفعوا لهيدا الشي
بالنسبة الي أي الحب شي ضروري مو بس بالحياة الجامعية بل حتى بالحياة العادية ما هو الانسان كلو كتلة مشاعر و احاسيس
السؤال التاني
هل يتطلب  ذلك  ........ان يكون الشاب او الفتاه  يتعاملان  بصدق تجاه بعضهما...؟
طبعا صديقي اذا كان في حب لازم يكون في صدق و الا واحد من التنين عم يضحك على التاني
بس على فكرة يمكن تبلش الشغلة انو تكون بس لتضيع الوقت و بعدين يوقع بالفخ (يعني بيصير يحب الشخص التاني عن جد )
بس انا رأي انو الحب الحقيقي هو الحب يلي بيكون قائم على الصراحة بين الطرفين لك مو بس الحب حتى الصداقة لحتى تستمر بدها تكون قائمة على الصدق و الا بيكون مصيرها الفشل
السؤال التالت
ما رأيك صديقي وصديقتي  ......... بالعلاقه  من حيث  استمراريتها  الى ما بعد الجامعه..؟
هلا هيدا الشي ما حدا بيقدر يحكم عليها لانو شغلة الزواج ما في اي سي بهيدي الدنيا متلها نصيب
يعني ممكن يكون حبكم صافي و حقيقي بس ما تكون لبعض
و ممكن تشاء الاقدار و تكونوا زوج و زوجة في كتير حبوا بعض و تزوجوا بعض و بعد الزواج طلقوا
و في كتير كمان حبوا بعض واستمروا بالزواج
و في كتير حبوا بعض بس ما كانوا لبعض


بتمنى  مصداقيه  الرأي  من الطرفين...........
يعني بظن اكتر من هيك ما في مجال
و بعتذر على الاطالة بس هيدا هوي رأي
و شكرا على الموضوع الحلوووو

انا برأيي انو الحب بالجامعة من النادر ان يستمر.
يعني احتمالية استمراره ضئيلة جدا ..انا هيك وجهة نظري بالموضوع
يعني من النادر جدا انو نشوف تنين متزوجين بعد قصة  حب بالجامعة.
                            ..  مع كامل احترامي..
ميرسي ameroo                               

انا برأيي انو الحب بالجامعة من النادر ان يستمر .
يعني احتمالية استمراره ضئيلة جدا.. من النادر انو نشوف تنين متزوجين بعد قصة حب بالكلية. انا هي وجهة نظري بالموضوع.
ميرسي ameroo

بصراحة مو دائماً الحب بالجامعة وهمي و بينتهي بالفشل
بالعكس أحياناً بتنشأ قصص حب بالجامعة و بتوصل لدرجة الجنون  
لكن أكيد هالمعيار نسبي بيختلف باختلاف وجهات النظر من شخص لآخر
وبما إنو الجامعة وجدت حتى تكون مدرسة علم بفضل نحافظ على هالهدف السامي
و إذا كان لابدّ عند البعض وجود علاقة مع الجنس الآخر بفضل إنة تكون علاقة صداقة فقط و ماتتطور لدرجة الحب لأنو هالشي برئيي بيتعارض مع الدراسة بأغلب الأحيان
                                                     



                                  أرجو تقبّل مروري

على قولت أم كلثوم
حب ايه اللي أنت جاي تقول عليه


مو لأنزل على الجامعة بالأول لحتى حب ؟؟
أنا  بتمنى أني  حب  وخاصة من الجامعة بس الظروف ما قدرت وإحدى هي الظروف هو كالتالي عدم الانسجام بالأفكار مع العنصر البناتي يعني بحس أنو تفكيري أنا بالشرق وتفكير البنات اللي بعرفهن بالغرب وكمان مافي توازن بالتوجهات بس مع هيك  نحنا رفقات 
أما من ناحية الإعجاب فكل نزلة على الجامعة بكون معجب بشي أمورة بس هالشي ما بيتعدى الإعجاب

الحب احلى شي بالدنيا 

ان صرلي 6 اشهر مخطوبة لحبيبي يلي حبيتو من اول سنة بالجامعة

هلق انا بدرس حقوق وهو بيدرس ادب انكليزي ونحنا جيران بس حبينا بعض اول مادخلنا الجامعة ولاني بعرفو منيح حبيتو


بس كمان الحب الحقيقي ممكن يكون بين شخصين من نفس الجامعة وهلق رفيقتي قربت تنخطب للشب يلي حبتو اول سنة بالجامعة

يعني مو اي علاقة فاشلة معناها ان حب الجامعة وهم  بالعكس اذا كانو متفاهمين واسسو علاقة الحب على الصراحة والاحترام واسس تانية بتساعدعلى نجاح العلاقة اكيد رح يستمروا  ويتزوجوا وعقبال الكل انشالا