قرر مجلس إدارة منتدى جامعة دمشق في دورته الاستثنائية الطارئة التي عقدها

صبيحة يوم الاثنين : 20/10/2008 بحضور كل من معالي رئيس  مجلس الادارة:

السيـــــــــــــــــــد ياسر نت


وعطوفة مدير التحرير السيــــــــــــــــــد : ماهر الزعبي 

وعدد لا بأس به من الاخوة المشرفين 

أقول تقرر  إيجاد ملتقى يجمع المراهقين واهل الحب والغرام في هذا المنتدى

ـــــ طبعا أحسب نفسي كبير المراهقين ومختار العشاق في هذا المنتدى وقائد سربهم ــــلانو مو ناقصني انتقادات


فكرة الملتقى تسللت الى مخيلتي من خلال زحمة المواضيع التي تحكي الحب

طبعا اقول الحب بقسميه العذري والعمري حتى غدونا اقرب مانكون الى سوق جرير

الذي كان مرتعا خصبا للحب وقصائده وعمر بن ابي ربيعة ............الخ

مواضيع تحكي الشوق واللهفة

وأخرى تحكي البعد واللوعة

وثالثة تحكي الحرمان وسهر الليالي

والكل عم يحب ويعشق والبيع شغال


طبعا لاسلطة في العالم ممكن ان تمنع الإحساس الصادق من الظهور الى صفحة الحياة

ولا يمكن لاي منفذ حدودي عربي ان يصادر عبير زهرة

ولا حتى أعتى أجهزة المخابرات تستطيع قتل كلمة بحبك من صدور العشاق


ولكن ؟؟؟؟؟؟؟؟؟؟؟؟؟

كثرت هذه المواضيع ها هنا حتى غدت تسونامي مخيف يكتسح براءة ماتبقى من

الغرض الذي وجد لأجله هذا المنتدى


ومن يستغرب  كلامي

ومن يجيش الجيوش ضدي لمحاربة ارتدادي

ومن يتهمني بالتقوقع خلف بحور التخلف


فليراقب شريط المواضيع الجديدة يوميا ويلتمس صحة كلامي





على فكرة:


بالنسبة للإجتماع اعتبرو كذبة تشرين الاول

لكن احببت ان يكون مدخلي الى هذا الموضوع

واتمنى ان  تجد فكرة ملتقى المراهقين والعشاق قبولا لديكم

وبانتظار تفاعلكم

https://www.jamaa.net/showarticles.php?p=158973#post158973


الشيء بالشيء يذكر لذا يرجى من الاخوة الاعزاء  تصفح هذا الرابط


ودمتم ذخرا لهذا الوطن

شباب واضح من التسمية : ملتقى المراهقين؟؟؟؟؟؟ انو الموضوع نقد لا اكثر لمواضيع الغزل يلي طغت عالمنتدى


انا مابأيد فكرة هالملتقى لكن عم اكتب عن مشكلة مواضيع الحب باسلوب غير منفر اوك

وبالنهاية طلبت رأيكن فيما كتب

الكثير  من القصائد التي  تنشر هنا  لا ترتقي للمستوى المطلوب . بصراحة أنا أطالب  بإيجاد رقابة  تطلع على المواضيع قبل نشرها  لمنعها أو السماح بها ولأن فكرتي لن تلقى القبول أقترح أن تكون الرقابة لاحقة  بمعنى  فور نزول الموضوع الاطلاع  عليه  وحذفه مباشرة  إن كان لايحقق  سياسة المنتدى.

     

صديقي مصطفى معك حق لازم يكون في رقابة بس كمان بنفس الوقت مابيصير تحرم الأعضاء من التعبير عن مشاعرون حتى لو كانت قصائدون لا ترتقي للمستوى المطلوب ما بعرف أنا هيك رأيي
يعني لازم نستوعبون ونوصلون فكرة أنو مش كل واحد كتب كلمتين بتطلع معو قصيدة بس نوصلون الفكرة بطريقة حلوة وما نجرح مشاعرون

كلامك صحيح المواضيع الغراميه هي التي تقرأ

مرحبا ماهر ...

موضوعك منطقي وبيحكي عن مشكلة ممكن المنتدى عم يعاني منا بس طبعاً مو لهالدرجة ...

أنا عليي اني احكي عن حالي

أنا مواضيعي دائماً عم تكون الخواطر اللي بكتبا
وما بتوقع اني تافهة او سخيفة لهالدرجة لاني بكتب هيك مواضيع
كل انسان عندو هواية وانا هيك هوايتي انشالله تقبلوا
ومشان الرقابة يا مصطفى ليش شو شغلة المشرفين
لما المشرف بيلاقي الموضوع تحت المستوى المطلوب فبيحذفو أكيد
واذا المشرف خلا فهاد دليل انو مالو بهالسخافة ...



سلام

اهلا ماهر
موضوعك جديد وانا بهنيك عليه وعلى انك دائما صاحب السبق في المواضيع المميزة
بس يعني هذه هوايات يعني كل واحد بيجد حاله في شي معين
حتى اللي بيكتب عن الحب شايف نفسه في هذا النوع من الكتابات واللي باردو بيقرا عن الحب شايف نفسه في هذا النوع من القراءات يعني عمره ماكانت الكتابات في الحب نوع من انواع المراهقة واذا كان نذلك فاذن نحن نسير تحت لواء المراهق الكبير نذار قباني
يعني شكرا ماهر على الموضوع وهو فكرته متميزة
تقبل مروري
هيبانوس

سلام ماهر .. تحية طيبة يعني أنا بصراحة مع العزيزتين هبة وولاء  لأنو هي مواهب ما حدا بيقدر ينكرها والحب هو أكبر رافد للاحساس والابداع , بس بالنسبة لانشاء ملتقى خاص لهالشي ...
فليش لأ ولو انك كنت عم تمزح  .. بس انا مع الموضوع