جواہرالايمان شرح اللؤلؤوالمرجان فيمااتفق عليہ الشيخان

للمؤلف: حافظ عمران ايوب لاہوري
ائمہ محدثين کے ہاں مسلّم ہے کہ قرآن کريم کے بعد صحيح ترين احاديث وہ ہيں جوصحيح بخاري اورصحيح مسلم دونوں ميں موجود ہيں- اللہ تعالى رحمت فرمائے علامہ محمد فؤاد عبدالباقي پر جنہوں نے نہايت عرق ريزي سے بخاري ومسلم کي متفقہ احاديث کو اللؤلؤوالمرجان کي صورت ميں يکجا کرديا- بعد ازاں کتاب کي اسي اہميت کے پيش نظرسينکڑوں مدارس کے نصاب ميں اسے شامل کرليا گيا-ليکن چونکہ اس کتاب کي کوئي مستقل شرح نہ تھي اس لئے مدرسين وطلبائے علوم دينيہ کو بعض مقامات پراسکے حل وتفہيم ميں مشکل پيش آتي –اسي مشکل کے پيش نظرعصرحاضرکے معروف ريسرچ اسكالرحافظ عمران ايوب لاہوري نے اسکي شرح کا بيڑا اٹھايا جوآج بفضل اللہ زيورطباعت سے آراستہ ہوکرآپ کے ہاتھوں ميں ہے-
موصوف نے متن اورشرح کي تمام احاديث کي تخريج کي ہے-شرح ميں جہاں صحيحين کے علاوہ ديگرکتب کي احاديث نقل کي ہيں وہاں ان پرصحت وضعف کا حکم بھي لگايا ہے- تشريح کيلئے زيادہ تر فتح الباري اور شرح النووى کو ہي پيش نظررکھا ہے-شرح ميں طوالت سے بچتے ہوئے اختصاراورجامعيت کو ملحوظ رکھا ہے- ہرحديث کے بعد مشکل الفاظ کے معاني وفوائد بھي قلم بندکئے ہيں- بطورخاص ہرمقام پرتعصب سے بالاترہوکرکسي خاص فقہي مکتبہ فکرکے بجائے محض دين اسلام کي ہي ترجماني کي ہے-
يوں سرورِعالم کے سنہري فرامين پرمشتمل قيمتي ہيرے اورجواہرات کي چمک دوچند ہوگئي ہے،جوطلبائے علوم دينيہ اوراساتذہ کرام کے علاوہ عام لوگوں کے دلوں کو بھي نورِايمان سے منورکرنے کيلئے نہايت اہميت وافاديت کي حامل ہے- دعا ہے کہ اللہ تعالى اس مفيد شرح کوسب کيلئے ذريعہ ہدايت بنائے – آمين!
الدين الإسلامي -> كتب إسلامية متنوعة