مشتاقة حبيبتي..

داومت الأسبوع الماضي
و رح كمل إن شاء الله..
انتي شو اخبارك
طمنيني..

ليكي‏ ..3>..‏ ‏إنتي‏ ‏وأختي‏ ‏سلام‏ ‏...‏ ‏تطمنتوا‏ ‏عبعض‏ ‏وسلمتوا‏ ‏عبعض‏ ‏...‏ ‏‏ ‏وكل‏ ‏شي‏ ‏تمام
رح‏  ‏نتغاضى‏ ‏ونسمح‏ ‏بالأحاديث‏ ‏الجانبية‏ ‏بالقاعة‏^_^ ‏...‏ ‏بس‏ ‏لااااازم‏ ‏تشاركوا وتنزلوا‏ ‏صور‏ ‏إنتو‏ ‏مصورينها‏ ‏...‏ ‏ولا‏ ‏منحرمكن‏ ‏من‏ ‏المادة‏ ‏ها‏ ‏*_*


عم‏ ‏امزح‏ ‏خدوا‏ ‏راحتكون‏ ‏القاعة‏ ‏قاعتكون‏ ‏^_

ههههه
مدري ليه دايما هيك بيصير بموضوعك هاد
منشتاق لبعض فجأة
....

طول بالك عالصور
ان شاء الله هالكم سنة

مسا الخير
هههههه شكرا الك تحملنا
بدي ابعت رسالة مستعجلة لصيدلانيتنا بسسس ما كانت تتفعل عندي هي الخاصية
بسيطة بتكسب ثوابنا ههههه
و لسا بدي رد على سؤالها
.
.
و انا عم داوم بعد سنة و نص انقطااااع
و ان شاء الله حاطة ببالي استمر لو شو ما صار

الله يفرج و يرجعو الكل يداومو
ادعولنا :)

الله‏ ‏يحفظكون‏ ‏ويوفكون

جنتل اسمحلي بكلمتين
معلش..


:-)
سوسو حبيبتي موفقة.. بدنا نداوم اي والله
الله يكون بالعون
طيب وين كليتك انتي؟؟  ما بعرف كتير أنا
فيكي تجي ع كليتنا.. بأي وقت بأي يوم
؟؟

أخي جنتل , إيمتا بدك تحكيلنا عن شي جديد بالكاميرا و التصوير ؟!
منتظرين ..

أهلا‏ ‏وسهلا‏ ‏أختي‏ ‏عرين‏ ‏..

رح‏ ‏احكي‏ ‏قريبا‏ ‏إن‏ ‏شاء‏ ‏الله‏ ‏عن‏ ‏موضوع‏ ‏الإضاءة‏ ‏والظلال‏ ‏وشوية‏ ‏حيل‏ ‏حلوة‏‏ ‏وبسيطة‏ ‏باستخدام‏ ‏فلاش‏ ‏الكاميرا




شكرا‏‏ ‏كتير ‏لمتابعتك‏ ‏أختي‏ ‏عرين‏

عذروا‏ ‏تقصيري‏ ‏وتأخري‏ ‏أحيانا‏ ‏...‏ ‏بس‏ ‏الدنيا‏ ‏أحيانا‏ ‏بتمنع‏ ‏الواحد‏ ‏يكون‏ ‏بالمكان‏ ‏اللي‏ ‏بيحبه‏ ‏‏..

بسم الله ..

من أهم العوامل اللي بتحدد مدى روعة وجودة الصورة .. ( الإضاءة ) : شدة الإضاءة - زاوية الإضاءة - حدة الإضاءة
وبينتج عن الإضاءة ( الظلال ) اللي بتأثر كمان عجمال الصورة وبتعطي أبعاد إضافية للأجسام اللي بالصورة

الإضاءة القوية بتعطينا أريحية بموضوع التصوير .. لأنه ما منعود نخاف من تأثير (هزة الإيد ) السيء عالصور .. ولا من تفاصيل غير واضحة بالصورة .. بعكس التصوير بالإضاءة الخافتة .. اللي يفضل دااااائما إنه يتم تثبيت الكاميرا فيه على قاعدتها ( تريبود ) أو على أي سطح ثابت

تغير زاوية الإضاءة ممكن يأثر عالصورة بشكل كبير ومفاجئ أحياناً ( إما سلباً أو إيجاباً )

حدة الإضاءة : ممكن يكون ضوء ناعم .. أو ضوء حاد ورح نحكي عنن إن شاء الله


في مصادر إضاءة بتلاقوها بالإستديوهات وعند محترفي التصوير .. أكيد مو بالضرورة يكون الواحد عنده نفس هالأدوات لحتى يحسن يتلاعب بموضوع الإضاءة .. دائما في بدائل بسيطة وسهلة

أول مصدر للإضاءة رح نحكي عنه هو ( فلاش الكاميرا - الأساسي )
يعتبر نوعاً ما ضغيف وبطيء .. لكنه جيد ومفيد بكتير مواقف

الشي السيء فيه .. إنه داااائماً الإضاءة رح تكون من نفس اتجاه التصوير تماماً وهالشي رح يعطي صورة ممسوحة و بلا ظلال أبدا

الشي السيء التاني .. إنه يعتبر ضوء حاد .. يعني إنعكاسه بيكون شديد جداً خصوصاً إذا كان في أسطح عاكسة في مجال الصورة

للتغلب على العقبة الأولى .. ممكن نعمل كزا حيلة لحتى نتخلص من التوجيه المباشر للضوء .. وحدة من هالحيل إنه ممكن نحط إيدنا قدام فلاش الكاميرا بزاوية 45 درجة (وننتبه إنه ما نقرب لعند العدسة )  بحيث ينعكس الضوء باتجاه السقف أو أحد الجدران وبينعكس مرة أخرى للهدف .. وهيك منكون وجهنا إضاءة الفلاش على الهدف بس بزاوية مختلفة وبطريقة غير مباشرة ..
وبيصير عنا بالصورة في تدرج بالإضاءة والألوان

يتبع ..

إذا في أي شي مو واضح بيسعدني كتيييييير إنه جاوبكون عليه ..