حكيلنا عن أحلامك ..

كل شخص يكتبلنا حلم حلو .. حلم غريب .. بيتمنى إنه يتحقق أو بيتمنى أنه ما فاق هديك الليلة واستمر بهالحلم ...

رح بلش أنا ...


حلمت اليوم (العصر) ^_^  كان راسي عم يوجعني قمت نمت شي ساعة العصر مع إنو من عوايدي .. بس هاد اللي صار

المهم حلمت إني بالبيت اللي أنا فيه حالياً لابس ومجهز حالي لأطلع من البيت .. الحلو بالحلم إنه كان معي إنسان غالي علي كتير .. وكان كمان مجهز حاله ليطلع بس عم يحكي مكالمة عالتلفون وعم إستنى هالمكالمة لتخلص .. وما كانت تخلص هالمكالمة  .. وما كانت تخلص .. وما كانت تخلص
^_^ بيحب طء الحنك

قمنا ما بعرف ليش حملنا هالتلفون (الأرضي) ومشينا فيه لعند باب البيت ولبست حذائي ولبس هاد الشخص حذائه بعد ما عانى هو وعم يحاول يثبت السماعة على إدنه بكتفه وبعد خلصنا لبس الأحذية تركنا التلفون بالأرض بس أخدنا السماعة معنا لقادم الباب ( السلك طويل ) وسكرنا باب البيت أد ماننا مستعجلين .. وصرنا عدرج البناية ولسى هالشخص عم يحكي عالتلفون .. بس للأسف خذله طول السلك وما عاد يحسن يمشي ولا خطوة زيادة .. قمت وقفت جنبه وصرت إتأمله .. وهو عم يحكي ... وأخيرا بعد ما خلص مكالمته علقنا السماعة عباب البيت من برا وانطلقنا ...

كان حلم حلو ... إن شاء الله يتحقق ... ( الله يعيني عفاتورة التلفون ^_^ )

حكيلنا عن أحلامك ..

كل شخص يكتبلنا عن حلم حلو .. حلم غريب .. بيتمنى إنه يتحقق أو بيتمنى أنه ما فاق من الحلم

رح بلش أنا ...


حلمت اليوم (العصر) ^_^  كان راسي عم يوجعني قمت نمت شي ساعة العصر مع إنو من عوايدي .. بس هاد اللي صار

المهم حلمت إني بالبيت اللي أنا فيه حالياً لابس ومجهز حالي لأطلع من البيت .. الحلو بالحلم إنه كان معي إنسان غالي علي كتير .. وكان كمان مجهز حاله ليطلع بس عم يحكي مكالمة عالتلفون وعم إستنى هالمكالمة لتخلص .. وما كانت تخلص هالمكالمة  .. وما كانت تخلص .. وما كانت تخلص
^_^ بيحب طء الحنك

قمنا ما بعرف ليش حملنا هالتلفون (الأرضي) ومشينا فيه لعند باب البيت ولبست حذائي ولبس هاد الشخص حذائه بعد ما عانى هو وعم يحاول يثبت السماعة على إدنه بكتفه وبعد خلصنا لبس الأحذية تركنا التلفون بالأرض بس أخدنا السماعة معنا لقادم الباب ( السلك طويل ) وسكرنا باب البيت أد ماننا مستعجلين .. وصرنا عدرج البناية ولسى هالشخص عم يحكي عالتلفون .. بس للأسف خذله طول السلك وما عاد يحسن يمشي ولا خطوة زيادة .. قمت وقفت جنبه وصرت إتأمله .. وهو عم يحكي ... وأخيرا بعد ما خلص مكالمته علقنا السماعة عباب البيت من برا وانطلقنا ...

كان حلم حلو ... إن شاء الله يتحقق ... ( الله يعيني عفاتورة التلفون ^_^ )

حلوة فكرة الموضوع..
و أنا طرحتها من فترة بس ما كان في تجاوب أبدا قمت طلبت حذف الموضوع....

...

أنا بأحلامي عايشة تماما دنيا تانية ,, و بتكون أحلامي بكتير أحيان متواصلة مع بعضها ,,
يعني يوم بحلم انو صار مشكلة,, بتنحل بالليلة اللي بعدها..
يوم منسافر,, وبعده منرجع,,
 "عنجد شي ممتع"..حيآآة تانية

و بتمنى لو بلاقي تفسير علمي لحالتي,,

بأحلامي كل يوم بعبيش مع يلي بحبن,,متل ما بحب
 حتى ستي يلي توفت بالحقيقة ,, بأحلامي لساتها عايشة ,,  :)

...

حلو الموضوع و إلي رجعة ان شاء الله..

والله منيح متذكر الحلم منيح....وكاتب عنو كل هل أد.....
أنا في كتير أحلام حلوة صايرة معي.....
بس الحلم اللي كنت ديماً شوفو اني عم اوقع من بناية لتحت.....

ولهلأ حاسس الدنيا عم تفتل فيني متل الحلم

!!!!!!

كتير أحيان بتكون احداث الحلم عم ترمز لشي معين بحياة الانسان,,
دكتور بشري ما تحقق شي بحياتك بيشبه الحلم؟؟ .. و ما كنت تخاف منو؟؟
ان شاء الله تكون هالوقعة بحضن أمك ,,^^

...كمان بحلم جنتل مان,, ممكن انو الشخص عم يحكي عالتلفون,, يعني انو مشغول عنو,,
و الشغل عندو كتير,, بس إلا ما يخلص بالنهاية,,
:)

أهلا وسهلا wait'k
أهلا وسهلا دكتور

كتير أحيانا بنسى الحلم وما بتذكر منه إلا (لقطات) بس اكتشفت إني إذا حاولت اتذكر الحلم أول مافيق بيقوم بينحفظ معي

أما إذا ما راجعته .... بعد ساعة مابعود اتذكر منه شي

عفكرة ^^ لسا في شوية تفاصيل بالحلم ما حكيتها (قلت لحالي حاجة... اختصر  لما يملو الشباب)

أما حلمك سمعت إنه هاد الشي من الشيطان خصوصا إذا بيتكرر كتير ... مشان هيك أخي قراء آية الكرسي قبل النوم فقرائتها ترد الشياطين عن قارئها حين ينام حتى يستيقظ وفي ذلك حديث عن الرسول
wait'k
حلو الواحد يلاقي عالم خاص فيه ليهرب من عالمنا الــ.. اللي متل الخلاط ^^

بحب قول لكل عضو بالمنتدى
أحلاما سعيدة ^_^

soso
نشالله يتحقق يلي ببالي وببالك
لا تقنطوا من رحمة الله
تقبلوا مروري (^ _ ^)

ان شاء الله يااااااارب قريبا

الله يفرج عن الجميع عاجلا غير آجل و يفرحنا بعرس النصر

شكرا لك

كأني ما انتبهت انو شرط الموضوع انو يكون الحلم حلو...

آسفة

wa!t'k ....

نحنا ما بدنا نحكي الأحلام اللي مو حلوة ..

فعن أبي سلمة بن عبد الرحمن قال: إن كنت لأرى الرؤيا تمرضني قال: فلقيت أبا قتادة، فقال: وأنا كنت لأرى الرؤيا فتمرضني، متى سمعت رسول الله صلى الله عليه وسلم يقول: "الرؤيا الصالحة من الله، فإذا رأى أحدكم ما يحب، فلا يحدث بها إلا من يحب، وإن رأى ما يكره، فليتفل عن يساره ثلاثاً، وليتعوذ بالله من شر الشيطان، ولا يحدث بها أحداً، فإنها لن تضره". قال أبو سلمة: إن كنت لأرى الرؤيا أثقل عليَّ من الجبل، فما هو إلا أن سمعت بهذا الحديث فما أباليها.


فمن الأفضل ما نحكيها لحدا ...

الله يبعد عنك كل شر