طبعا مؤخرا اقدرت أعرف عنو أخبار
وحاولت اتواصل معو بس
يمكن عندو حياتو التانية الي مافيا أنا
يمكن أنا فهمت أو قريت كلام بعيونو ماكان بيقصدو
مابعرف .. 
طبعا حاولت حب غيرو بس الله ماراد
وبكرى مابعرف شو ربنا كاتب
يمكن خرجت عن السؤال بس
بنصح كل بنت تضل متل النجمة بالسما ماتنطال
وماتكون متل السمكة حتى ماتنصاد
والحمد لله

أهلا وسهلا بالأخت زهرة

وإن شاء الله اللي جايه أحسن


بالنسبة لجواب السؤال
وأنا كمان في بنات  بيقولو عني
" لئيم "!!


حتى لما كون واقف مع الشباب الطيبة
مابتقرب ولا بنت ناحنا!!!
بس عنجد مو لئم

في بنات عنا والله بعتبرون متل إخواتي ..  وبساعدون لما يعتازو شي ووالله بكون مبسوط ومرتاح
ولا بدي منن حتى كلمة شكرا

متل لما تصير عجئة العلامات مثلا .. أكيد مجربينا إي والله مو زابطة بالمرة تفوت بنت محترمة بهالعجئة!!!
ومتل هيك مواقف يعني

يعني ماني لئيم ها !
:)

الله يحفظ بناتنا وشبابنا

بعتذر أنا كما يمكن طلعت عن الموضوع
بس بظن وضحت وجهة نظري

يللا عم نستنى باقي الأعضاء

اممم

بما انو السؤال عن الجامعة فأنا ما جربت,,ما فيي جاوب..

بكره الجامعة بكرههااااااااااااا

بس بشكل عام ما في مشكلة انو اذا اضطر الواحد جدا جدااااااااا

 يتعامل أو يحكي مع الجنس الآخر ضمن الحدود ما فيها شي..

بس بيضل البعد أفضل...

مشان كلامك أختي زهرة

امممممممم

ما بعرف شو احكي

هيك نحن البنات ,, و هيك قلوبنا..

و آدم بكتير كتير أحيان ما بيقدر يفهم شو يعني "قلب حواء"

و منروح فيها...........

WA!T'K ... !! الله يسامحك ..
الشغلة مو متعلقة بإنو الواحد راح عالجامعة ولا لاء ..
القصة قصة .. فكر .. ومبدأ
بالجامعة أو بغيرها

وعكل حال أنا بوافقك الرأي ..
بيضل البعد أفضل ..


ألماسة فاتنة ..
ما بعرف ..
كتر الاحتكاك بين الطرفين .. رح يترك أثر بالقلب .. وممكن يحرك المشاعر عند أحد الطرفين تجاه الآخر .. أو التنين سوا ..
وهالشي غلط مهيك ؟؟

gentleman حلو سؤالك ، لكنه بيحتاج لتفصيل


وسابقاً خضت نقاش مثيل في بداية دخولي للمنتدي بعنوان :
"**آآآدم**هل تآمن بالصداقة بين الشاب والفتاة؟؟!!"

لو بيحب حدا يطلع على جملة الآراء اللي انطرحت حينها
https://www.jamaa.net/post584265.html#post584265


فأنا بأيد رأيك ، إنو الحكي والصحبة (ولو سطحية) مالها محمودة ،،

فأنا من البنات اللي مابحكي مع شب إلا في حال الضروة (كسؤال المعيد على شرح أو الإستفسار من أحدهم عن معلومة) ، أو وقت يجي ويسألني سؤال أو يطلب مساعدة بخصوص الدراسة ، وطبعا كله ضمن الحدود ..

هلأ بالنسبة للي بيسلموا ، فكانوا كتار واضطر غالباً رد السلام ووضحلهن اني محروجة ، لكن للأمانة في منن جد ناس محترمة وبحس انها بتسلم من باب الزمالة فقط ،،

لكن في منن حتى السلام مارده ، لأنو يكون بطريقة ممجوجة وواضح القصد منه ..


بالنهاية هو شي تقديري من حيث وضع الجامعة ، أما خارجها فالأمر مفروغ منه ..

السلام عليكم :

مممممممممممممم   

بالنسبة لرأيي بموضوع الصداقة بين الجنسين ( يلي بحب يعرف رأيي ) بيلاقيه على هذا الرابط

بالمشاركة رقم 5  ...

https://www.jamaa.net/post701172.html?&highlight=%E4%E6%D1+%C7%E1%D4%C7%C7%C7%E3...#post701172

حلو..
كأنو هالفكرة مطروحة بالملتقى من قبل..

طيب أنا عندي سؤال..

شو تعريفكن لكلمة الغيرة؟؟
و مين بيغار أكتر؟؟ آدم ولا حواء؟؟
و هل ممكن تزعج الغيرة اذا زادت عن حدها الطرف الآخر؟؟"يعني بيحس كأنو مخنوق"؟؟
...
..
.
و نقطة صغيرة للصبايا..
"بتغاري من الحور العين؟؟"... ^^

 الغيرة حسب تعريفي الشخصي هي شعور يصيب احد الجنسين كبيرا كان ام صغيرا بسبب قيام احدهما بفعل ما امام الآخر فيشعر الاخر بشعور الضيق و.و.و الخ.... 

وهناك غيرة الاطفال يعني الطفل بغار ازا الام صارت تلعب وتغنج ابن رفيقتها فبصير الولد يركض على حضن امو بسرعة

صدقيني نفس المستوى من الغيرة الموجود عند آدم هو نفسه عند حواء

اكيد بس الغيرة تزيد عن حدها رح تزعج الطرف الاخر ويصير في مشاكل

دمتم برعاية الله

يعني الغيرة ناتجة عن الحب مثلا؟؟

ولا ما إلها علاقة؟؟