السلام عليكم ورحمة الله وبركاته

بسم الله الرحمن الرحيم
الحمدلله الذي خلقنا عربا مسلمين والصلاة والسلام على رسوله العربي الأمين وعلى آله وصحبه ومن والاه وبعد:

نحن ننتظر بفارغ الصبر وزير التعليم العالي الجديد
وإن شاء الله يكون خريج جامعات سورية وزوجته سورية ويتمتع فقط بالجنسية العربية السورية يعني عايش بالبلد ومستقبله بالبلد ولا يسعى لجمع ثروة بخارج البلد كما فعل الوزير المخلوع غياث بركات

وطبعا حصل نقاش طويل وغريب وعجيب ضمن هذا الموضوع

https://www.jamaa.net/art273151.html

وتم الهجوم بعنف علينا حتى اتهمنا بوطنيتنا من قبل البعض وكل ذنبنا وضعنا طلبات مشروعة ومحقة وبسيطة تهدف إلى فصل العلم عن الأمور الماديةوالرشاوي والفساد وتهدف وتكون عونا لطلاب العلم ولرفع شأن جامعتنا وثقة طلابها فيها
فلا أعرف ما السبب لهذه التصرفات
فبعضهم طلب التأجيل وبعضهم اتهمنا بأن لنا مآرب أخرى وكثير من هذا الكلام الذي لا يقدم ولا يؤخر

والمهم اليوم جايب لكم توثيق لترتيب جامعتنا دمشق عربيا وعالميا بعد طلب من أحد الأعضاء والتريب لسنة 2011 يعني بعد قرارات غياث بركات الجديدة والقديمة يلي على الأساس تبدوا ظاهريا ولضعاف النظر لمصلحة الطالب وكدنا ننخدع بها ولكن كلنا رأى المفاجئة ونتيجة هذه القرارات مع أول فصل فنسب النجاح بالأدب العربي والإنكليزي كانت مفجعة 3% 7% 10% 14% وبالأدب العربي لم أرى أي مادة من المواد الإختصاصية ترتفع عن 20%  فيا آسفاه على هيك قرارات هدفها مادي وظالم بحت موجه ضد الطلاب السوريين

ورأينا كيف جامعتنا جامعة دمشق رجعت عشر رتب بعد هذه القرارات وهذا الموقع لايعطي ترتيب عشوائي بل مواكب لجميع جامعات العالم وبه إحصائيات كثيرة

http://www.webometrics.info

وطبعا هنا ترتيب جامعاتنا وجامعة دمشق صاحبة الترتيب 73 على الوطن العربي 5900 على العالم وللأسف مع احترامنا للدول العربية الشقيقة فمستغرب جامعات السودان ولبنان والأردن وفلسطين وحتى مصر أعلى من ترتيب جامعتنا عن جد هذلت
وهذا الترتيب موثق ويراعي كل شيء قبل أن يعطي الجامعة ترتيبها
ولا أحد يقول هذا الموضوع مندس أو يثير فتنة أو مؤامرة على أمن الوطن لأن بصراحة نحن كطبقة مثقفة وسوريين ومن أبناء أم الحضارة دمشق ما بدور على راسنا هيك كلام ونحن بنفدي الوطن وأمنِه وترابه بأرواحنا

http://www.webometrics.info/top100_continent.asp?cont=aw

وهي صورة



موفقين يا رب
وأمنيتي ما يخرج الموضوع عن مجراه فقط وضع للتوضيح لأحد الأخوات ولزيادة المعلومات عن جامعتنا وعن نتيجة قرارات الجامعة من الوزير لرئيس الجامعة للعميد لرؤساء الأقسام للدكاترة حتى
فيعني مؤوسسة التعليم العالي على شفا حفرة ونحتاج لمن ينقذها منها ويرى المطالب المحقة والبناءة والمنقذة
هنا
https://www.jamaa.net/art273146.html
وهنا
https://www.jamaa.net/art273151.html
وهنا
https://www.jamaa.net/art251620.html
وهنا
https://www.jamaa.net/art251799.html

فلن ينقذ التعليم والجامعة إلا طلاب العلم السوريين وإن شاء الله يتم ذلك

بيد أخوكم أبو صدام





اللهم أرحم شهدائنا بدرعا وسوريا وألهمنا وألهم أهلهم الصبر والسلوان
ودمر ومزق كل من باع وتاجر وهان عليه دم السوريين عاجلا غير آجل يا منتقم جبار يا ذا القوة المتين

يارب تحقق حلمنا بان تصبح جامعتنا الحبيبة تنافس جامعات الغرب و ان تصبح قبلة للعلم ةو الابحاث

و شكرا الك كتير اخي الغالي

و لا يهمك من الانتقادات لانو في ناس بس شغلتها النقد و توزيع الوطنيات

كلنا سوريين

خادم رسول الله

آمين يا رب مابدنا ياها اتنافس الجامعات الغربية بس على الأقل تنافس الجامعات العربية واستثني الخليج لأن هدول معهم مصاري كثير ومرفهين طلاب العلم عندهم
 بدنا الدول العربية يل متل حالنا وأقل يعني خطوة خطوة وحلو الحلم وإن شاء الله بيد طلاب الجامعة بنرتقي بجامعاتنا وبنافس جميع الجامعات العربية

عفوا وردودك الواقعية الجميلة تنير مواضيعي فلا عدمت تواجدك الدائم ضمن مواضيعي

يلا معلش هذول أصحاب الكلام الفاضي هي شغلتهم وما بنقدر نقطع بلقمة عيشهم فيعني قطع الأعناق ولا قطع الأرزاق وهمهم وكفاحهم من أجل لقمة العيش وواجبهم يرموا سهامهم ويكونوا عقبة بوجه الإصلاح ضمن مؤوسسة التعليم العالي لكنهم لن يستطيعوا إن شاء الله
أما نحن طلاب معترين همنا انكافح ونسعى لنقدر انزيل الظلم عن جامعتنا ونرتقي فيها ونرجع نفتخر فيها كما كان أجدادنا يفتخروا فيها وما بدنا ولا قرش سوري فقط  يعطونا مجال لنرتقي بجامعتنا وبالعلم فيها بس للأسف كل وزير برموه علينا أسوأ من يلي قبله وآخرهم المخلوع غياث بركات وياليت يكسروا القاعدة ويبعتوا وزير ابن الجامعة وابن البلد بلكي بنحط يدنا بيده وبنرجع جامعتنا منارة للعالم إن شاء الله

وحياك الله أخي الكريم وسعدت بمرورك الراقي
لا عدمناك

السلام عليكم

مو حرام بعد ما كنا منهل للعلم في جميع الازمان

صرنا شفقة للي بيسوا واللي ما بسوى

وهي احد الاسباب اللي خلت ثقتنا تتزعزع بأنفسنا وامكانياتيا

وصرنا بس بدنا نمشّي حالنا 

 المهم نتخرج ونشتغل ونعيش عيشة متواضعة مكفية فقط

خلص.............. لهون وبكفي

لا خوف بعد اليوم

لازم نطالب بكلل حقوقنا وصلاحياتنا ونرتقي قد ما بنقدر مشان ما يتوسع الفارق بينا وبين اللي سابقينا

وبهيك مواضيع وهيك نقاشات ممكن توصل لنتائج كتير ايجابية

ولازم نكون كلنا ايد وحدة  

في كتير حكي لازم ينحكى !!!!!!!!!؟؟؟؟؟؟؟؟؟؟

والله ولي التوفيق

الإعصار

عليكم السلام أخي الكريم
والله حرام وألف حرام وكل ما شوف التاريخ ببكي قلبي دما

معك ألف حق ومعك أنا بس بدك ناس اتشوف الحق حق والباطل باطل لأن هي نعمة محروم منها الكثير

وأهلا وسهلا فيك سعيد بمرورك اللبق
تحياتي

5900 على العالم !!!!!!!!

لاتعليق

والله شيء مؤسف إنه جامعتنا تكون بهالمستوى 5900 عالعالم!!!

يا ترى ممكن ترجع فيه جامعة دمشق لجامعة بيجولها الناس من مختلف أنحاء العالم .. لأنه من أقوى جامعات العالم تعتبر؟

اللي بيشوف المعدلات العاااااالية اللي بيطلبوها بيفكر الواحد حالو فايت على جامعة إكسفورد!!!!

اسيل

ما بنقدر انعلق بس ياليت يراجعوا قراراتهم يلي بتوهموا إنها ناجحة وإيجابية بس وهمهم صار هباء منثور وقت الطلاب نفسهم ذاقوا ذرعا بالفشل هذا

5900 معقولة هيك حالة جامعتنا للأسف هي حقيقة مرة علينا كطلاب حلوة على إدارتنا