السلام عليكم ورحمة الله و بركاته

صديقاتي و أصدقائي الطلاب في ظل هذه الحملة التي تتعرض لها سوريا سمعنا عدة قرارات للاصلاح من الدكتورة بثينة شعبان

لكن نحن الطلاااب أين حقوقنا فلتهتف بها ( بما انو صار و صار اصلاحات )

يعني يا طلاب نحنا زيادة الرواتب أو خدمو العلم أو حتى غيرها شو بتهمنا ما نحنا بالاخير طلاب

وكل هالقرارات ما بتشملنااااا


زملائي زميلاتي ادخلوا و ضعوا متطلباتكم و ليصل صوتنا الى وزير التعليم الدكتور غياث بركات

و وائل معلا رئيس الجامعة ( يعني بكرا ما رح تروح الا علينا ؟!! )

(لأن ما حدا من طلاب الجامعات عم يطالب بشي )

و الرجاء من جميع أعضاء الممنتدى الطلاب و الطالبات وضع مطالبهم و اصلاحاتهم

فنحن نريد اصلاح على مستوى جامعة

مثلا : نريد تغيير رئيس جامعة دمشق الدكتور وائل معلا و ذلك بسبب الفساد الكبير

و ووزير التعليم ( طبعا في تغيير بالوزارة أكيد )

- بدنا ترجع علامة المساعدة اذا واحد اخد 48 مو حرام يرسب مابالكم يلي بياخد 49 و رسب بسبب مادة

- و نريد ايضا أن ترجع الأتمتة إلى بعض المواااد

- فتح المصليات في الكليات


                      و هناك الكثير من الاصلاحات التي نريدها ... يتبع


الآن ادخلوا و ضعوا ما يخطر ببالكم مطالبين بذلك

مع تحياتي للجميع
           

بارك الله فيك على هذه الخطوة والله من أسبوع وأنا عم اقترح انو نعمل صفحة عالفيس بوك

الشعب يريد تغير وزير التعليم

أهم شي لازم تكون الدورة الصيفية متاحة لجميع الطلاب مو يلي معهم أقل من 8 مواد

يعني متل الدورة الأستثنائية التي يصدرها لنا قائد الوطن الدكتور بشار الأسد

مشكور على الفكرة
أنا معكن مشان قصة علامات المساعدة 48 و49 يعني أنا رسبت سنة مشان مادة بهيك علامة
وعنا في ظلم كبير بالعلامات يعني في مادة هاد الفصل نسبة النجاح ماوصلت ل2%
وكمان مشان تكون الدورة الصيفية مو محدودة يعني مفتوحة ومنقدر نقدم كل المواد يلي حاملينها متل الدورة الاستثنائية يلي منحنا ياها سيادة الدكتور السنة الماضية
لأنه هاد الفصل انظلمنا بتقديم المواد وماكان معنا وقت ندرس لأنه الفحص كان أسبوعين وخلال كل أسبوع قدمنا 3 مواد فيا ترى هالوقت كافي لحتى نقدر ننجح منيح
ياريت يوصلوا
والله يخلينا سوريا شامخة تحت كنف سيادة دكتورنا القائد بشار الأسد

مرحبا موضوعك حلو ومهم يا عادة وزيرة الثقافة ونحن انشأنا رابط لصفحة على الفيس بوك مشان هذا الموضوع لكن على ما يبدو ان ادارة المنتدى مشكورة متمسكة بقرارها منع اي رابط للفيس بوك مشان هيك رح حط اسم الصفحة وانتم ادخلو عليها وبتمنى اني ما كون هيك عم خالف تعليمات المنتدى العزيز لان قبل شوي اخفوا لي مشاركتي لان فيها رابط للصفحة:!
معا لفتح المصليات في الكليات
وانشا الله ما يحظر مشاركتي من جديد

تقبلوا مروري

موضوع جميل و نحن كطلاب سوريين نطالب بحقوقنا بطرق حضارية
اولا عودة المصليات الى كل الجامعات
و عودة نظام المساعدات يعني عالاقل 59 او 58
لاني انا و كتير طلاب عم نعاني من هالعلامة..

علا - لولو - حمورابي

والله صح كلامكم و نريد تغيير وزير التعليم بالاضافة لريئس جامعة دمشق د وائل معلا

و هناك الكثير من الاصلاحات التي نريدها و نطالب بها و هي من حقنا

قرار انو الواحد بس معوا سنتين يرسب بالجامعة و بيطلع برا ظلم

خاصة انهم صاروا يرسبوا طلاب بالقصد لكي ينقص عدد الطلاب

 

نحن لا نريد التخريب لكن ... نريد مطالبناااااا

 

 

the forty

بتشكرك صديقي و أهم قرار المساعدة يلي كانت ع 48 أو 58

 

_________________________________________________

الكل يدخل و يحط اقتراحاتوا و مطالبوا

 

بكرا بيصير اصلاح و تغيير بكل شي الا عنا بالجامعات لأن ما حدا عم يطالب

 

و الكل خايف يطلع أي اعتصام أمام وزارة التعليم أو أمام كلية الاداب اوستراد المزة

 

اذا ما نحنا طلعنا و طالبنا ما حدا رح يحكي عنا و لشو الخوووووووف

 

هي الناس طلعت طالبت بحقوقها و احترمها سيادة الدكتور بشار الأسد

و نحنا بدنا نطلع و بتمنى من كل طالب و طالبة هون يشارك معنا شفنا انو الدكتور بشار نفذ مطالب الشعب و يلي بدهم ياه صار

 

زيادة رواتب و قوانين طوارئ بس نحنا ليش خايفين ؟!

 

بدنا شباب توجهنا لنطلع و نحنا معكم ع المووووت

 

تحياتي للجميع

 

و نطالب أيضا بأن يكون هناك في نهاية كل عام دراسي دورة استثنائية خاصة

 

للطلاب الذين يستنفذوا في نهاية الفصل التاني و أن يكون هذا المرسوم كل عام و خاصة لمن وصل للسنة الثالثة لانو حرااام و ظلممممم طالب وصل للسنة التالة و يستنفذ

 

أو يلغوا قانون تنظيم الجامعات انو معنا رسوب سنتين و استنفاذ بعدها

 

هناك أمر مهم أيضا ألا و هو الفساد و الكذب في الكليات خاصة عنا في كلية الاداب جامعة دمشق

السرقة على عينك يا تاجر بيقولوا بعد الامتحان قدموا اعتراضات و مبلغ الاعتراض 500 ليرة سورية ؟!!! ومن دون فائدة بالاصل ليس هناك تغيير للعلامات بل شكليات فقط

 

ما رأيكم؟

 

بعدين شو عمداء الكلية أنبياء و لا رسل اذا منروح نقابلهم يتم بهدلتنا و تقليعنا و لا يسمح لنا بالدخول و لا عرض مشكلتنا

 

عفوا منكم سيدنا عمر بن الخطاب كان ما ينام بس لأن يخاف انو يكون ظلم حدا من الناس؟!!!