سلام الله عليكم وشكرا على الموضوع عنجد موضوع جيد للنقاش اكيد الواحد عندو رفقات بتاع مصالح وعندو رفقات او بالأحرى اصدقاء حقيقيين 
ومتل ما قال الامام الشافعي رحمه الله
نعيب زماننا والعيب فينا وما بزماننا عيب سوانا
نهجوا ذا الزمان بغير علم ولو نطق الزمان لنا هجانا
وليس الذئب يأكل لحم ذئب ولكن يأكل بعضنا بعضا عيانا


                      دمتم برعاية الله وحفظه



                    آثاااااااااااااااااااااااااااااري على وشك التخرج

اقتباس

الصديق فقط لتمضية وقت الفراغ والتسلية والترفيه ....

ولكن ليس لمشاركة الهموم والأسرار والمشاريع ...

وقابل صديقك خارج منزلك وبعيداً عن عملك .... كي يكون أبعد ما يمكن عن نقاط ضعفك .

انا بوافقك الرأي مو مية بالمية ...مليون بالمية

نورت ودمت بخير

أخ محمد

اقتباس

نعيب زماننا والعيب فينا وما بزماننا عيب سوانا
نهجوا ذا الزمان بغير علم ولو نطق الزمان لنا هجانا
وليس الذئب يأكل لحم ذئب ولكن يأكل بعضنا بعضا عيانا

والله كلام رائع
رحمه الله
نووورت اخي

في الصالح وفي الطالح
ما فينا نعمم

بيقولو:
خلقنا ما فينا نختار قرايبينا بس الحمد لله فينا نختار رفقاتنا

أهم شي بالصداقة الكفونة والتضحية
والابتعاد عن الحساسية واللت والعجن المكروه

ساعتها بتكون أحلى رفئة....

مو كل زميل رفيق....لأنو الحياة بتحكم علينا انو نجتمع بأشخاص
بس مو بالضرورة نقوي علاقتنا فيهن
لذلك ما فيكي تسميها رفقة مصالح
لأنها بالأصل ما اسها رفقة

السلام عليكم
هلا مو كل اصابعنا متل بعض
في صاحب وصديق بتخلي عالجرح بيطيب وتحس انو اكتر من اخ
وطبعا في العكس
بس في هذا الزمن كلشي جايز وممكن بس مافينا نعمم على كل الاصدقاء في يلي بيستاهل منا كل احترم وتقدير
والصديق الجيد انصح بالتمسك فيه لان اذا راح صعب نلائي حدا متلووو
موضوع حلو الواح يتناقش فيه ويسمع اختلاف وجهات النظر
دمتم بود

اقتباس

في الصالح وفي الطالح
ما فينا نعمم

بيقولو:
خلقنا ما فينا نختار قرايبينا بس الحمد لله فينا نختار رفقاتنا

بدي علق ع شغلة صغيرة بس
انت من شوي رديت ع موضوعي تبع الاقارب عقارب
بس اللي لفت نظري انو كاتب هالجملة

اقتباس

مافينا نختار قرايبين

هادا يعني انو ممكن يكونو قرايبينا مو مناح النا او سيئين ,,,يعني ممكن بيوم من الايام ننلدغ بلدغة من طرفهم وتعلم طول الزمن مو؟

كرم

اقتباس

بس في هذا الزمن كلشي جايز وممكن بس مافينا نعمم على كل الاصدقاء في يلي بيستاهل منا كل احترم وتقدير

والله بهالزمن متل ما حضرتك تفضلت وحكيت كلشي جايز
بس ان خليت خربت
والأغلب صاايرين ما بينفعو
ان كان في مية شخص ان شاء الله تلاقي واحد او تنين بينفعو
دمت بخير

شمرحبااااا

الموضوع كتير حلو ومهم .... بشكرك على طرحو

اكيد ما فينا نعمم .. واكيد صحبة المصلحة موجودة ... وبكثرة كمان ..

بس إلا ما يكون في في رفيق مخلص وما بدو منك شي وهاد الشخص لازم نقدر وجودو بحياتنا .

يعني نحنا ممكن نعرف 50 شخص .. بس من 50 يمكن بس شخص أو اتنين هن أصدقاء  حقيقيين ..

في أمان الله

صح ...بس اللي بدو قولو...انو اللدغة ممكن تجي من أي انسان
قريب ولا صاحب
لكن هل لدغة ما بتعني نهاية العالم
ممكن يكون في سوء تفاهم , ممكن تكون عن طيب ألب
وممكن تكون سامة, لكن هاد ما بيعني الخصام ونهاية العلاقة
في شي اسمو عتاب الأصحاب, في شي اسمو فركة أدن
بس اللي بدي قولو انو لو الصديق كان ديماً سيء معك
فيك بسهولة تبعد عنو وتتقي شرو
اما القريب رح تضل قرايبو, بس هون في مشكلة كبيرة
انك لو تبريت منو رح يكون هل شي عار

بس بالنهاية نحنا كمسلمين, ولبقية الديانات, أخوة وإن تعارضت مصالحنا
ما بيعني تتباغض قلوبنا

اقتباس

بس بالنهاية نحنا كمسلمين, ولبقية الديانات, أخوة وإن تعارضت مصالحنا
ما بيعني تتباغض قلوبنا

هادا هو الحكي المظبوط
الله لا يفرق بيناتنا نحنا العرب جميعاا
دمت بخير ونورت