اهلا اختي بيان
و سهلا بك في رحاب منتدانا الطيب
أرجو أن تتم الفائدة المرجوة قدر المستطاع
اقتباس
منذ صغري وحتى الآن لا أحب العمل في هذا المجال
أقصد أنني لا أحب أن أفتح فم مريض وأعالجه
أختي بما أنك اعجبك هاذا الفرع فلابد انه سينال اعجابك بالمستقبل
بخصوص انو ما بتحبي تفتحي تم المريض و تشتغلي فيه
هاد موضوع بكير عليه شوي
يعني لازم اتحبيه بالمستقبل ,,, و تشتغلي فيه ,,, أما ازا كان و لابد ,,,
فيكي تشتغلي استشارية بعد تخصص ثلاث سنين ,,, او تشتغلي بالصناعة و تركيب البدل
هدول القسمين ما فيهن شغل كتير بالحفرة الفموية
اما الحل الاول و الاخير ان تنهي هذا التوتر النفسي لديكي ,,,, و لا تاكلي هم بكرا بعد ما تشتغلي كم مرة بالمخابر و العيادات
و اتشوفي الجثث و تلمسيهن بايدك رح يروح هاد الخوف كلو
كلنا كنا هيك اول ما بلشنا بالعمل المخبري بروح هل الخوف للأبد
بس برجع بقلك حاولي تقنعي نفسك بهاد الشي ازا فعلا حابي طب الاسنان و رغبانيتو
اقتباس
ولدي خوف شديد بأن أكون فاشلة في المستقبل
فما العمل يا ترى هل سأحبه فيما بعد
اختي لابد من هذه الانواع من الارتكاب قبل ان تدخلي اي فرع
لكن انتي جدي و اعملي و ادرسي و باذن الله رح تنجحي
فرعنا حلو جدا و مسلي و ممتع و بكرا بتشوفي بعيونك بالذات لما تدخلي المخبر
و تمسكي الميكروموتور و اتبلشي على وززز وزززززز بتصير عندك سوسة اسمها وزززز وزززز
بتصيري بس بدك تشتغلي بالميكروموتور و اتحفري بهل الاسنان المكسرة ,,, جد العمل المخبري بطب الاسنان من أجمل انواع العمل ,,,, و بكرا بمادة الجراثيم لما تزرعي مستعمرة جرثومية و اتشوفيها على المجهر ,,,, و اتشوفي هل الحلوين الصغار قدامك ,,,, جد شعور و لا أحلى من هيك
كل حركة بطب الاسنان فيها لذة خاصة و متعمة العمل الاكاديمي بتجنن بطب الاسنان
المهم اولا و اخيرا انكم انتي و غيرك و كل الطلاب الجدد اتحبو هل الفرع من كل قلبكم
و بالتوفيق للجميع
و ان شاء الله تستفيدو و اتفيدو هل المنتدى بقدر الامكان
------------------------------------------------------------------------------
دمتم بكل صحة و ود
أي استفسار أو شكوى أو اقتراح تفضل هنـــا .. //طب أسنان//
و رح تلاقي الخير ان شاء الله تعالى ,,,,
