السلام عليكم طلاب طب الاسنان

حبيت اعمل هل الموضوع حتى كل طالب طب اسنان

عندو اي شكوى    او استفسار حول المنتدى او كليتنا   

او اقتراح لتطوير المنتدى او إضافة اي شيء جديد عليه

يتفضل و يعرضوا هون

وانا بصفتي مدير المنتدى فمن واجبي ساعدكم و رد على استفسارتكم

و رح يساعدني بالاجابة المشرف ابي قاسم

كل ما عليكم هو ان تضعو تعليقاتكم بشكل مشاركة ضمن هذا الموضوع

حتى يراها الجميع و يناقشها

و اي استفسار آخر بإمكانكم ارسال رسائل مستعجلة لي

تتضمن الشكوى

دمتم بكل خير

       

السلام عليكم ..

أخي أبي .. قرأت أنه ستتقبل الاقتراحات على ترتيب موضوع الفلورايد هناا :

بسم الله :

1. أحتاج إلى بعض التفاصيل التي تدل على أن الطب المادي هو المسيطر ..؟ يعني متل ما سئلتك من قبل .. هو أنو المنظمات الطبية هلأ نظامها مادي ..؟

ولا شو ؟

2. مشان الترتيب .. بعد اللي شفتو باللي صار بأول الموضوع ما ضللي حكي .. .. .. جهد واضح الحقيقة .. وإن شاء الله بميزان حسناتك ..

3. مشان المواد البديلة عن الفلورايد .. إذا أثبتلي فشل استخدامو أنا ممكن ساعدك ببعض الأشيا .. إذا بدك ..

4. آخر شي .. لا تتردد بحذف أي مشاركة .. حتى لو كانت إلي .. يعني أنو تراعي أنو ما عندي مشاركات .. وما بدك تحرجني .. عادي والله..

بس المهم يصير الموضوع كلو متل ما صار بالأول ..

آخر شي .. برجو ترجع ترتيب صفحات الموضوع ضمن توقيعك .. إذا ممكن طبعاً ..؟


بالنهاية بحب سلم على مدير المنتدى و قلو إن صار أي شي أكيد رح نسألك و إن شاء الله أنت بتجاوبنا .. و لا تآخذني على الرد هون .. بس كان تحت طلب الأخ أبي ..

يلا دعولنا ..

سلام

أهلا اخي الكريم

وشكرا لإفتتاحك الموضوع

اقتباس

بالنهاية بحب سلم على مدير المنتدى و قلو إن صار أي شي أكيد رح نسألك و إن شاء الله أنت بتجاوبنا .. و لا تآخذني على الرد هون .. بس كان تحت طلب الأخ أبي ..

الله يسلمك حبيبي و لا ولو هاد واجبنا
الموضوع مخصص لهيك مناقشات خارج المواضيع حتى نعرف كل واحد شو بدو
و ما نعجق المواضيع

اقتباس

يلا دعولنا ..

سلام

ان شالله موفقين جميعا و الله يقدرنا على المساعدة  قدر ما كان
و الله ولي التوفيق

تحيتي
أحمد الحريري

اقتباس

. أحتاج إلى بعض التفاصيل التي تدل على أن الطب المادي هو المسيطر ..؟ يعني متل ما سئلتك من قبل .. هو أنو المنظمات الطبية هلأ نظامها مادي ..؟

أي أخي .. تماام .. سؤالك واضح .. ومشان التفاصيل رح جيبها بعدين .. بس أنا ما بحب أنو واحد يحكي شي بدون دليل

بس كرمالك .. رح أحكي شوي .. أي المنظمات أخي .. هاي هية .. بس مشان الأدلة .. بدك اتابع معنا الموضوع ..

يعني من خلال حكيي عن الفلورايد رح جيب الأدلة .. أنا شفت أنو هيك أحسن .. فهمتني أخي ؟

اقتباس

مشان الترتيب .. بعد اللي شفتو باللي صار بأول الموضوع ما ضللي حكي .. .. .. جهد واضح الحقيقة .. وإن شاء الله بميزان حسناتك ..

شكراً أخي .. ولا يهمك .. بس مشان المتابعة رح أجلها لأني تخنتا يعني .. الشغلة بدها شوية زووء .. يعني صار لازم أدرس

اقتباس

3. مشان المواد البديلة عن الفلورايد .. إذا أثبتلي فشل استخدامو أنا ممكن ساعدك ببعض الأشيا .. إذا بدك ..

إن شاء الله خير أخي .. برجو أنك تساعدني .. و ليش لأ .. ؟ يمكن نخترع شي جديد ؟؟

اقتباس

4. آخر شي .. لا تتردد بحذف أي مشاركة .. حتى لو كانت إلي .. يعني أنو تراعي أنو ما عندي مشاركات .. وما بدك تحرجني .. عادي والله..

تسلم يا رب ..

يا هلا دكتور ,,, ويا ريت نشوفك أكتر بالمنتدى .. بعيلتك التانية ..

سلااام

ارجعنا للدكتور أحمد ....... المدير الكريم ..

أخي شو رأيك أنو تحط المنتدى الخاص بالمواضيع المتنوعة .. محل منتدى التعويضات .. و تحط منتدى التعويضات محلو

( يعني أنو تنقل التعويضات للسنين الدراسية ) ...

وكمان شغلة .. ما رح قلك ضيف منتدى للاختصاص .. لأنو ما في مشاركات كتير ..

بس شو رأيك تضيف منتدى خاص بالكتب ... أنا عندي كتير بحب شاركن فيه .. وخاص بالأسنان .. يعني مو ضروري نحطو بالمكتبة الخاصة للمنتدى ..

هاد اللي شفتو ... وبرجو الرد إذا كان الجواب أي أو لأ ... مع التوضيح ..

دعولنا ..

سلام

السلام عليكم اخي الكريم

اول شي شكر لإقتراحاتك اللي عم تنور الموضوع

نحنا دائما بالخدمة

اقتباس

أخي شو رأيك أنو تحط المنتدى الخاص بالمواضيع المتنوعة .. محل منتدى التعويضات .. و تحط منتدى التعويضات محلو

( يعني أنو تنقل التعويضات للسنين الدراسية ) ...

تكرم اخي الكريم الفكرة حلوة و معقولة ما بتشكي من شي
بس بدك تستنا علينا شوي بس يعني للصيف
بتعرف هلئ شوي مشغولين بالفحوصات العملي و النظري بعدين

اقتباس

بس شو رأيك تضيف منتدى خاص بالكتب ... أنا عندي كتير بحب شاركن فيه .. وخاص بالأسنان .. يعني مو ضروري نحطو بالمكتبة الخاصة للمنتدى ..

الفكرة اكتر من حلوة ان شاء الله رح ساويه بأقرب وقت
بعد ما أغريتني بالكتب اللي عندك


و شكرا جزيلا لك على اقتراحاتك و اي اقتراح آخر نحنا بالخدمة

دمتم برعاية الله
أخوكم أحمد الحريري

مشكور دكتور أحمد على ردك السريع .. وبصراحة أنا آسف لأني بلشت شارك قبل الامتحانات ..

بس يلا على كل .. شكراً ..

و إن شاء الله بالصيف رح ضيف الكتب اللي عندي ..

و شو عندي اقتراحات كماااان ..

سلام

السلام عليكم

الدكتور ابو محمد

تم بعون الله تعالى ما طلبته

و بخصوص تنزيل الكتب على الموقع خذ راحتك

الكل يدري أهمية الفحوصات العملي في هذا الوقت

و الكل ينتظر للصيف

شكرا لاقتراحاتك

أخوكم
أحمد الحريري

بسم الله ،، السلام عليكم

أولا كلي اعتذار على وضع سؤالي هنا ،،

مع علمي أنه في المكان غير المناسب

لذلك بإمكانكم حذف المشاركه بعد اجابتي ان استطعتم (  )


هل هنالك انواع معاجين اسنان ليس لها رائحه مرافقه قويه ؟

مع العلم انّي من مستخدمي سنسوداين واحيانا كولجيت !!

لكن في الوضع الراهن ،،

أصبحت هذه الانواع تساهم في تسبيب دوخه شديده أقع منها ،،!

ربما هي ليست سبب رئيس لكن حتماً لها دور ،،

او اني اصبحت اتاثر بأي رائحه ،، أيًّ كانت !

أيضاً  بمحض الصدفه والارهاق يسقط في جوفي قليل من المعجون،،

وهذه أتقيأ منها ،،


لذلك كان سؤالي ،، هل هنالك انواع معاجين تخفف عني السابق ذكره !

او ليس لها رائحه نهائيا ،، او رائحه خفيفـــه ( )


مره اخرى اكرر اعتذاري ،، فاقبلوه !



شيء أخر ربما لم يلفت نظركم ،،

اسماء المواضيع في اعلى الصفحه المقترح بزيارتها ،، غير مفعله ،،

يظهر فقط الاسماء ،، بدون السماح بالانتقال الى الموضوع ،،

اعتذر ايضا ان كانت هي كذلك اصلاً ( )



لكم مني خير الدعاء واصدقه 

السلام عليكم اختي السوسنة

اهلا و مرحبا بك في هذا الموضوع

ممكن الموضوع ليس مكانه هنا لكن لا بأس ابدا المنتدى بحاجة للتعديل بشكل جذري في الصيف ان شاء الله

الحقيقة دون مبالغة ابدا انا اتحسس من معاجين الاسنان كثيرا

لذلك لا استخدم إلا السواك و لا الجأ إلى معاجين الاسنان ابدا

اما بخصوص المعاجين الغير حاوية على رائحة نعم تتوفر في السوق و لكن مليئة بالفلور

اللي حكا زميلي ابي عن ضررو

لذلك اختي الكريمة انصحك بالتقيد بسنة حبيبك المصطفى محمد صلى الله عليه و سلم

و لمزيد من المعلومات حول السواك يمكنك مراجعة الموضوع التالي

http://den.jamaa.net/post420948.html#post420948

و ان شاء الله ستجدين الخير فيه

اقتباس

شيء أخر ربما لم يلفت نظركم ،،

اسماء المواضيع في اعلى الصفحه المقترح بزيارتها ،، غير مفعله ،،

يظهر فقط الاسماء ،، بدون السماح بالانتقال الى الموضوع ،،

اعتذر اختي السوسنة عن هذا الخطا
لكن المواضيع فعالة بالضغط على اول كلمة من الموضوع فقط لا كل الجملة

اقتباس

لكم مني خير الدعاء واصدقه 

و لكي منا آلاف الادعية الصادقة

حماك الله و ابعد عنك الهم و الضرر ان شاء الله تعالى

دمتم بكل صحة و عافية
أخوكم
أحمد الحريري