السلام عليكم جميعاً:
العزيزة سالي... كلماتك فعلاً كلمات, وبتضرب عالوتر الحساس.. يعني عن جد شي بيخجل ((في بعض المصطلحات لسه ما مرقت معي لهلأ!!) انحدار مستوى الكلام فعلاً بيدل على انحدار مستوى التفكير وبعد كل هاد بيسألو: (ليش ما عمنتطور ليش ما عمنلحق بركب التقدم!!؟؟؟ لإيمتى بدنا نضل من دول العالم التالت.... (بعد المية))
هاد والكلمات يللي ذكرتيها ما بتطلع شي قدام كتير وكتير من أساليب الحديث المغرقة في التفاهة.... 
على كل حال موضوعك ذكرني بإيميل إجاني من صديقتي joy باعتبار أنو ما حدا بيبعتلي إيميلات غيرها طبعاً...
.. شابان يعملان حتى ساعة متأخرة من الليل في إحدى ضواحي مدينة طوكيو ، في مركز ابحاث كبير ..
- كم من الوقت يلزمنا لصناعة شريحة بلورية أو معدنية تغنينا عن استعمال اللغة؟
- ماذا تقصد يا عزيزي؟
- أنا أعتقد أننا نستطيع اختراع خلية الكترونية شبيهة بالخلية الدماغية، تعمل على قراءة الافكار عن بعد، وتترجم ما يدور بأفكار الاخرين دون الحاجة الى استعمال اللغة ..
- هل تقصد جهاز لقراءة الافكار دون الحاجة الى استعمال اللغة؟
- نعم.. مثلا ً .. ازرع هذه الشريحة في رأسي تحت الجلد.. وتكون ذات حساسية عالية وكأنها خلية دماغية تستطيع قراءة الافكار وترجمتها وبثها فوراًً إلى شريحة أخرى مثبتة برأسك، فتقوم بالتقاطها وترجمتها لك بسرعة هائلة، وبالتالي.. نوفر الزمن ونتجاوز الصعوبة في التعبير عن الاشياء المعقدة ..
- حسناً .. فكرة شبه مستحيلة، لكن لا مستحيل تحت الشمس ..
.. شابان اثنان في إحدى ضواحي مدينة ميونخ الالمانية .. يقومان بنشاط استثنائي ويعملان دون كلل أو ملل حتى ساعات الصباح الاولى ..
- كيف لنا أن نكتشف محركا يعمل على الطاقة البديلة؟
- الحق معك يا سيدي.. ربما يأتي يوم وينفذ فيه النفط وعندها ستكون الكارثة..
- لذلك يجب أن نعمل من الآن ونبدأ التجارب لاكتشاف البديل قبل ان يأتي ذلك اليوم ونتفاجئ.. عندها، لن نستطيع عمل أي شئ، وسنقف عاجزين أمام هول الصدمة ..
- صحيح.. صحيح.. وأنا أحب أن نكتشف الوقود البديل من مواد ليست سامة كالهواء والماء مثلاً . .
- حسنا يا صديقي.. لنعمل من الآن..
.. أربعة شبان عرب في إحدى ضواحي عاصمة عربية والساعة الآن الرابعة فجراً ..
- ولك يا كر بحياتك ما رح تعرف تلعب .. يخرب بيتك ولك.. برميلك سبات، وانت بتردلي بستون؟ شو مجنون يعني !
- ولك يا تيس أنا ما معي إلاّ البستون، ومقطش على السبات، وإذا برميلك ديناري..... رح يطرنب عليك ويخسرك الاربعطعش '14 '
- ولك حاج تحكي انت وياه.. ما بتعرفو تلعبو إذا ما حكيتو... بتحداكن تاخدو دق واحد بلا حكي .
- لا حبيبي.. أنا بعرف انو شريكي حمار بالطرنيب.. منشان هيك.. بجيب الاربعطعش بلا ما اعتمد عليه
- معلم والله.. أصلا لولا ما أرميلك بنت الكوبا وتاكلها.. بعمرك ما كنت جبتها ..
- اي والله.. بس أنا اكلت البنت لاني بحب البنات حتى لو كانو بالطرنيب .
وما حأحكي شي بعد هالحكي لأنو .... خلص الكلام...
تحياتي إلك عزيزتي وشكراً على مواضيعك المتميزة
كلمات ليست كالكلمات ....بقلم lovelyface
.....يلي لولا رحمة الله ورئفته بالعباد ....كان انفجر من زمان هذا من جهة ..... 
ايـــــــــــــــــــــــــــــــــون 
