موضوع جريء

اولا :انا جدي 
ملول
احب تكوين الاصدقاء
طموح فطموحي بعيد جدا
عصبي جدا وبنفس الوقت اروق وكان شيء لم يكن
لا اطيق الهزيمة
احب ان اكون متميزا
متواضع
اسمع اراء من هم اكبر واصغر مني
لا اطيق بل اموت من الذي ينتقدني اذا لم يكن انتقاده في محله
احب الالتزام
صادق مع غيري
احقد على من يكذب علي لاني لااطيق الكذب
بحب مساعدة الاخرين لي لكن لااقبل احد ان يتدخل فيما يخصني
عجول
ومتسرع
وهذه هي صفاتي لتي انا اعرفها بنفسي ولا ادري ان كان هناك اكثر منها
شكرا

شكراً أنسة بنان عالفكرة عجبتني كتير
أنا الغريب بحب هالأسم وبيعبر عن شخصيتي بكتير شغلات أول شي أنا بتصف بالغموض ما بدخل بخصوصيات حدا ولا بحب حدا بيعرف عن خصوصياتي شي.
بس بالنسبة لشخصي أنا ..... فكالتالي
هادئ لأبعد الحدود , أعصاب باردة , بس وقت تطلع براسي ما عد شوف قدامي..
الشخص يلي بكون قاعد معه بيتمنى يعرف أنا بشو عم فكر .
بأمن بلغة العيون ومتقن لهاللغة وعندي القدرة لتحليل  الأمور بشكل كتير حلو.
واثق من نفسي لدرجة كبيرة. حساس ورومنسي برغم من أنه الكل بيقلي يا جبل ما يهزك ريح . يلي بيشوفني بيفكرني نفسية ولئيم وشايف حالي بس أنا عكس هالشي تماماً . قلال كتير يلي ممكن يدخلو لقلبي . عقليتي صعبة شوي . وبرغم من أنه عندي صحاب ومعارف كتير بس ولا واحد منهم عايش بعالمي الخاص يعني بكون معهم بس بنفس الوقت هنن بوادي وأنا بوادي . علاقتي طيبة مع أهلي بالبيت . نفسي عزيزة جداً . بحب أبتعد عن المواضيع المادية بيني وبين أصدقائي لأنو المادة هيي الوحيدة يلي ممكن تفرق الأخ عن أخوه. مؤمن بؤب العالمين وإيماني فيه كبير . مجتهد بدراستي . بحب الدنيا وبحب اتعلم منها . وبشوف الحياة تجربة . ما بندم على شي . جريء نوعاً ما . بحب الضحك بس مو لحد المسخرة . يلي بيعاشرني بيكتشف معدني لأنو بعتبر حالي رجل المواقف الصعبة . ويلي بيدق بابي ما برده خايب . كريم . أصيل . وأهم شي عندي النظافة الشخصية لدرجة أنه كل يوم إلي حمام . بحب بطني كتير وبحب الأكل . باّمن بالحب . فيني شغلة مو حلوة أنه صعب أغفر للشخص يلي بيغدر فيني أو بيخدعني أو بالأحرى مستحيل أغفر .
يعني بتصور هاد شرح مطول عن شخصيتي و كتير ناس وحتى القراب مني ما بيعرفو هالصفات عني ...
بكتفي بهالكلام وبشكر عهالموضوع الحلو يا بنان وفرصة سعيدة وما تنسي هالأسم
الغريب  .....  الغريب ... هيك أخترت حياتي ....غريب
تقبلي مروري

       

أما صفاتي فهي قوية الشخصية وواثقة من حالي اجتماعية
من ميزاتي  عندي كلمتين بيقولو عادي وناس كتير صعب يحكون ازا  غلطت مع حدا بيقول اسفة ما عندي مشكلة فيها بنوب
واذا حدا قدملي معروف بيقول شكرن
اما السلبية في يمكن اني عنيدة وازا اصرت علا شي بعملو حتى لو كل الكون الي لاء
مزاجية عصبية
عيب الواحد يمدح حالو بس بظن بحب اخدم غيري
بيقلولي البي طيب بس اكيد مو مع سزاجة لانو عندي ميزة ممكن اعرف شخصية يلي معي وازا عم يكذب او يصدق من تصرفاتو ومن حكيو

فارس

أشكرك على مرورك.. وعلى فكرة صفاتك التي ذكرتها كما قلت تحتمل الإيجابية والسلبية..
أنا مزاجية في الغضب والسعادة ربما ليس دائماً لكن في كثير من الأحيان..

شكراً لجرأتك...

تحياتي لك




فوق العادة
هل ننتظر شخصيتك؟؟




Pharma87

اقتباس

بحب شغلي وما بحب أعمل شي إلا من أحسن ما يكون...................

لكان المجتمع بحاجتك كتير.. فيا لكثرة (قلال الأمانة)... ومن لا يتقنون العمل...

وخلص لكان منخلي الوالدة تفوت هون مشان تعرف حنيتك..

شكراً لجرأتك...
تحياتي لك





sweetlife

اقتباس

صفاتي بفكر بالناس زيادة عن اللزوم وما بحب أؤذي حدا قد ما ضايقني...
الشخص يلي بيهتم فيني بهتم فيه كتير ومستحيل أنسى معروف عملو معي حدا
بس سلبية فيني إني حساسة كتير ...
بحب ساعد الناس كتير
بس لما عصب ما بحب أحكي أبداً لأني ممكن أغلط
ما بحب أبداً كون السبب بظلم حدا أو عذاب حدا وخاصة إذا كان شخص عزيز عليي

على فكرة لربما لم أتطرق إلى علاقتي بالأصدقاء والناس من حولي في صفاتي.. لكنكِ هنا تحدثتِ عني بالكثير.. فأنا لا أستطيع أن أجرح أحداً أو أنسى معروفاً لأحد أو لا أهتم بأحد.. لا أحب أن أرى فتاة ضعيفةً أمامي فقد أنشئ معها صداقة وأنا لا أحبها فقط لتحس بأن هناك أحد معها أو يحبها.. لا أحب أن أرى دمعة أحد..

أما العصبية.. فأنا بصراحة    برا البيت إذا عصبت مصيبة فبحاول امسك حالي قدر الإمكان.. أما جوا البيت ف....... مع إني حاولت اخلص منها كتير كتير....

تحياتي لكِ
وشكراً لجرأتكِ


أختكم بنان

HIBA1
طالما من صفاتك الصراحة فخبرينا عن شخصيتك... 

تحياتي لكِ وشكراً لمرورك




Dr.majed
كعادتك يا أخي جريء...
على فكرة صفاتك أظن منها الكثير واضح في شخصيتك في المنتدى.. ليس كل شيء لكن الكثير منها..

والله هي مشكلة العصبية مشكلة.. ما في حدا عنا مو عصبي؟؟؟

شكراً لجرأتك
تحياتي لك




إنسانة فضولية
اختاروكِ يوماً كأفضل ابتسامة في المنتدى  ...... ولا تخفى ابتسامتكِ على أحد مع أنا لم نركِ يوماً...
وهلأ لح حاكيكِ بالعامية مشان تروقي...  ...

بتعرفي لح علق بس عالمجاملة.. المجاملة شغلة صعبة كتير.. أنا بعرف جامل لحد معين بعدين متل ما قلت بيبين عليّ... يعني إذا شفت وحدة غليظة لدرجة (وبالذات لو كانت بتكذب كتير).. ممكن استحملها بزيارة مثلاً بس بعد هيك ما بحسن دغري بيبين عليّ إني ما حبيتها .. وإذا كانت كذابة أحياناً بستحمل حالي وبعمل حالي متل الجدبة... بس بعدين بصير كل شغلة إنه شلون هيك؟؟!!!!!! (طبعاً لو كنت مضطرة احكي معها).....
بس أنا بجامل بشغلة إنه إذا لقيت بابا أو ماما جايبينلي شغلة وكتير مبسوطين فيها ولو ما كانت عاجبتني ببين إنه كتير حلوة.. والله يعوض عليك.. وممكن البسها كتير مع إني مو مقتنعة فيها...... هي الشغلة أنا بتعجبني شوي  ....

على كلٍ شكراً لجرأتك..




hayelsh
أخي/أختي
والله شخصيتك على فكرة حلوة.... بغض النظر عن ملول.. لكن كإجمال شخصية فيها الكثير مما يميزها عن غيرها فعلاً.... الصدق، والجدية، والتواضع، والتميز.. جميلة.. بس لو ترافقها ابتسامة  ....

شكراً لجرأتك...

تحياتي لك

بنان

الغريب
يبدو أن اسمك المستعار هو اسم على مسمى؟؟

اقتباس

هادئ لأبعد الحدود , أعصاب باردة , بس وقت تطلع براسي ما عد شوف قدامي..

ممتاز وجدنا أعصاباً باردة.. ولكن احذروا ثورة الحليم إذا غضب..

على فكرة لا أحب الجلوس مع أحد يؤمن بلغة العيون.. لأنه يكشف الكثير من أسراري فعيوني لا تخفي شيئاً مما في داخلي....

أنا أرى أن أي إنسان استطعت الوصول إليه فستجد فيه طيبة يجتمع عليها كل البشر.. فلربما يجدني أحد يتحدث عني بأشياء هي ليست إيجابية فيظن الناس أني شخصية .... و.... لكني لست كذلك، فأنا عندما أتحدث أعرف من أي منطلق أتحدث...

شكراً لجرأتك.. ولن أنسى اسمك بالتأكيد..
تحياتي لك




MOODY GIRL
شكراً لمروركِ..
يالله اتفقنا عنيدة ومزاجية....

شكراً لجرأتك..

تحياتي لك

أختكم بنان

أختـــــــــــــــي بنان

موضوعك رائع بالفعل

وقداعتدنا على تميز مواضيعك


لن أستطيع ان امر دون ان أشكرك


لأننا بفكرتك هذه  سوف تتوسع مخيلتنا عن بعضنا وتلامس قلوب  أعضاء المنتدى


وأتمنى الصراحة التامة لكي لانخدع بأي شخص مهما كان

أما عني انا فلي عودة بأذن الله

لأنها تحتاج لوقت  .......................أنا جريدة مابتتلخص بكلمتين

هاد إذا بدي كون صريـــــــــــــــــــــــحة ع الآخر

أهلاً وسهلاً بكِ سدورة....

بالتأكيد سأسعد إن تعرفت على شخصيتكِ عن قرب..
وعم نستنى صراحتك.. وأتمنى من الجميع الصراحة بالتأكيد..
أنا بالنسبة إلي والله صريحة عالآخر لأنه ما بعرف اكذب.. دغري بيبين عليّ.......

وأنتظر عودتكِ إن شاء الله..

تحياتي لكِ
بنان

موضوع جميل وأتمنى المشاركة ممن لم يشارك بعد وبكل صراحة طبعا ...

أنا جدي نوعا ما ... ديبلوماسي الى أبعد الحدود ... اجتماعي مع ميلي للوحدة والصمت ولا أحب الاكثار من الكلام ... أغلب أصدقائي يستغربون مزاجي الصافي والرايئ  في أحلك الظروف ... مولع بمتابعة الأخبار ومتابعة كلام السياسيين على اختلاف مشاربهم وخلفياتهم ...

كترت حكي    شكرا كتير خيتو بنان مو بيان    ....

شخصيتي المختصرة في صورتي الرمزية و توقيعي أدناه
و شخصيتي المفصلة تبقى طي الكتمان
من أجل ذلك أعتذر عن الرد عليك يا سيد فارس .....
و السلام...