أخت باسمة أشكر  لك ردك واهتمامك بما كتبت من رأيي عن هذا الموضوع .؟؟

بالنسبة لمن أخطأت وتابت وطلبت الغفران فالله رؤوف رحيم فيجب على العبد ان يغفر ولكن هنا نعود لنفس النقطة بأنه لابد من المصارحة والوعي عند الطرفين ..؟؟

الحد يا أخت باسمة يقام في لحظة وقوع الحدث او عندما يتم ضبطها بالجرم المشهود وهناك فرق واسع بالتوقيت بين الحد والتوبة والتوبة لايمكن ان يتحدث فور وقوع الجريمة فهذا يعني ان كل من يفعل جرم ويطلب التوبة نغفر له .. ولكنني اعتقد أنك تتحدثين عن من فعلت الزنى واستطاعت ان تبقي الأمر سرا" وبعدها وبينها وبين نفسها قررت التوبة وأيضا" لم يعرف أحد عنها فهذه يمكن مسامحتها لانها هي طلبت الغفران من الله وطلبت الغفران من نفسها فلابد أن نقف الى جانبها وأن نساعدها وتقديم العون لها بكل الوسائل ..

بالنسبة لاخبار الأهل لابد لنا أن نخبرهم وانت تقوليين لايجرؤون على ذلك لا أعتقد يا باسمة بأن هذه الطبقة من البنات موجودة الآن والآن هناك جرأة كبيرة من الأولاد وهناك مجال على الأقل بإخبار الوالدة ...

بالنهاية الموضوع بالإجمال يعود الى الوعي عند الأهل والأهل أولا" لأنهم أساس الأسرة فعندما تكون القاعدة مهتزة سيكونوا الأبناء ذات شخصيات مهتزة وخائفة ومتسترة على كثير من الأمور التي تحدث معها ..

أشكرك

وأتمنى دائما" أن نتحاور في كل المواضيع التي تهمنا وتهم أبناء مجتمعنا ومنهم من هم اخواننا واخواتنا ..

أيهم المعلم

اختي الكريمة  موضوعك كتير مهم
وانا رأيي انو يتعامل الانسان بحذر ووعي  شديدين
ويحاول يمتص فورة الدم  مشان مايندم بعدين (بعد ما توقع الفاس بالراس)
ويكتشف بعد ذلك انو كان غلطان

اول شي كتير منيح انو هيك مواضيع صارت عم تنطرح انا برأي انو حرام يللي عم بيصير  بغض النظر اذا كا نت البنت غلطانة او لا مالازم تحكم على حالها بالموت ولا اي شخص يبحق الو انو يحكم عليها بالموت لأنو هيدا شغل ربنا سبحانو للاسف بس تصير هيك امور مع اي حدا بيزيدو الغلط بدل ما يصححو  وبصراحة    هي جرائم الشرف  ما بتقطع بعقلي وما في اي مبرر لأي شخص انو يقتل حدا     

الموضع مهم جدا بس انا بئلك انو  الحد الشرعي لازم بس كمان انو الحد ينقام على عالم وعالم ما بصير
والوعي يلي عم تئولي عنو للاسف مو موجود عند كل الناس والسبب اكيد هو المجتمع والعادات والتقاليد

مع الاسف الشديد لسا مجتمعنا عايش بتقاليد كتير بالية
الموضوع ما بيتوقف اذا كانت البنت غلطانة الموضوع اكبر
يعني كالعادة  مجتمعنا اذا شك بالبنت بشي فورا بكون مصيرها القتل
مع انو حتى بالدين فرض عقوبة القتل بس عالمتزوجة
بس نحنا كالعادة منخلص على حياتها قبل حتى ما نتاكد انو هي غلطانة ولا لاء

وسؤالي للمجتمع وين دور الشب وليش ما حدا بعاقبو مع انو الحد انفرض عالاثنين
بس لانو كالعادة شب مسمحلو يعمل كلشي
وانا بلومو هو بالدرجة الاولى مو البنت لانو هو ما عندو شي يخصرو