الى طلاب الهندسة المدنية رابعة حدا يخبرنا اذا في محاضرات ولا لسا

سلما

هي رابط قسم المدنيّة فيك تسألي بالدخول عليه:

http://civ.jamaa.net/forum.html

*The Lord

ان شالله الف مبروك ,
حكينا وما حدا رد علينا ^_^

ومنه للاعلى

بشاركك المباركة وألف مبروك لكل مين فادوا القرار وترفّع

بتمنّى من الإدارة تثبيت الموضوع لأهميتو

مشكور يا رائد على نقل الخبر

و مبروك لكل من استفاد منه و التوفيق للجميع

mahoha
مشكور يا رائد على نقل الخبر

و مبروك لكل من استفاد منه و التوفيق للجميع


أهلاً مها وبشاركك المباركة وألف مبروك لكل مين استفاد من القرار والله يعوّض الباقي ويترفّعوا السنة الجاية

برجع ببارك للي استفاد من الترفّع الإداري

وانشالله بهاليومين رح تنزل اللائحة التنفيذيّة لتطبيقو.

السّـــــلام عليكم :

مممممممممممممممم ...

معليش أخي تتحملني بكم استفسار .....؟؟؟              

من باب زيادة المعرفة يعني , رغم إني ما استفدت شي من هالمرسوم ...

ويا ريت تتحملني لأني لسا جديدة بالجامعة ما بعرف كتير عن نظام الامتحانات وغيرو ...

يحق للطالب الراسب في مختلف سني الدراسة تقديم أربعة مقررات من السنة الأعلى.

انا الي فهمتو من هالحكي انو الي ترفع اداريا و عندو 8 مقررات فيه يقدم معها اسا 4 مواد جديدة من السنة اللي ترفع عليها


لا يحتسب العام الدراسي 2011-2012 بالنسبة إلى طلاب جميع السنوات من مدد
فرص التقدم للامتحانات في حال استنفدوا فرص التقدم للامتحانات من داخل
الجامعة في هذا العام.

هي بتوقع انها واضحة يعني ما في داعي للطلاب الي رح يستنفذوا انو يخافو هالسنة من الموضوع لانو السنة الجديدة غير محسوبة الى جانب عدد السنوات السابقة يعني بالعامية بيقدموا السنة و كأنوز هالسنة ما انوجدت بحياتهم الجامعية

ونوه السيد
الوزير بأن العام الدراسي 2012/2013 ستطبق الجامعات النظام الفصلين ، أي
يحق للطالب تقديم مواد الفصل الأول ومواد الفصل الثاني إذا كان الطالب قد
درسها.

اما هادا الاستفسار يعني بنرجع هالسنة للنظام القديم يعني الفصل الي جاي بنقدم مواد الفصل الاول و مواد الفصل التاني الي قدمناها من قبل و رسبنا فيها و الفصل التاني و التالت نفس القصة

عفوا ما انتبهت ع اخر جملة من مشاركة نور الشام بس اذا بتسمحي حابي انا اعطي رأيي
انا قدمت بالنظام القديم و النظام الجديد
لقيت انو النظام الجديد افضل لطلاب السنوات التلات الاولى لانو في محاولة للتخلص من المواد الحملة
و انو نطلع عالسنة الجديدة بدون حمل اي مادة
والي ما بدو او عندو سفر فيه ما يقدم
اما بالنسبة لطلاب السنة الاخيرة فهني بدون نظام جديد عندن تكميلي
بس الفرق بنشوفو لما طالب التخرج بيكون حامل مواد من السنوات السابقة فبيزيد عدد المتقدمين للمادة في الفصل الصيفي و بيزيد خوفو من النتائج هي في الفروع الي بتتأثر النتيجة فيها بمعدل المتقدمين و الناجحين و الخريجين
و بتوقع انو تلات ارباع فروعنا هيك
بس هالشي بأكدو بكلية الخقوق لانو عندي خبرة فيا

نور الشااام...

ج- يحق للطالب الراسب في مختلف سني الدراسة تقديم أربعة مقررات من السنة الأعلى

بهالبند المقصود الطالب اللي رسب بالسّنة وماستفاد ولاترفّع إداريّاً وكان عدد المواد اللي حاملها بمجملها هي أكتر من 8 مثلاً 9 ومافوق متل لو كان سنة تانية ورسب بالسنة التانية هالسّنة وقت بعيد السنة التانية بحقلّو ينزّل أربع مواد من السنة التالتة ويقدّمهون وهاد الشي بيفيدو أكيد لأن بخف ضغط المواد بالتالتة طالما مابكون عندو غير كم محدود من السنة التانية اللي رسب فيها..

هـ - لا يحتسب العام الدراسي 2011-2012 بالنسبة إلى طلاب جميع السنوات من مدد فرص التقدم للامتحانات في حال استنفدوا فرص التقدم للامتحانات من داخل الجامعة في هذا العام.

من المعررف إنّو صار مدّة مكوث الطالب بالجامعة محدودة فمثلاً لو  طالب كانت هالسّنة هي الأخيرة اللي مسموحلو يبقى فيها ورسب فيها فبسبب تكرار رسوبو أو تجاوز المدّة المحدّدة بمكوثو بالجامعة فبهالحالة رسوبو هالسنة مابأدّي لفصلو من الجامعة في حال تجاوزو عدد سنوات الرّسوب اللي مسموح فيها يعني مابيستنفذ وبصحلّو بموجب هالقرار يقدّم هالسّنة ومابتنحسب هالسنة اللي رسب فيها من مدّة مكوثو بالجامعة.. يعني السنة 2011-2012 مابتنحسب من مدّة المكوث بالجامعة لأي طالب

ونوه السيد
الوزير بأن العام الدراسي 2012/2013 ستطبق الجامعات النظام الفصلين ، أي
يحق للطالب تقديم مواد الفصل الأول ومواد الفصل الثاني إذا كان الطالب قد
درسها.

هون بيرجعوا وبطبقوا هالسّنة أحكام النظام الفصل القديم يعني بتتقدّم جميع المواد بكل فصل بغض النظر عن فصلها اللي بتدرّس المادّة فيها مثلاً لو طالب حامل مادّة فصل تاني بيرجع بيقدّمها بالفصل الأوّل هالسّنة أوبالعكس.. وطبعاً بالنسبة للأفضل هاد الأمر بيرجع للطالب بس هيك برأيي أفضل بكتير وإيجابيّاتها كتيرة منها الطالب اللي واقف تخرجوا على مادّة فصل تاني مابيقعد بيستنّى سنة لحتّى يقدّمها بصير فيه يقدّمها بالفصل الأوّل أو مثلاً طالب رسب بمادّة معيّنة مابكون في بُعد كبير بينو وبين الفصل الجاي لحتّى يقدّمها ولسّاه محتفظ بمعلوماتو.. يعني بشكل عام لاقيت هالنظام أكتر شي فاد طلاّب السنة الأخير طالما بكون إلهون دورة استثنائيّة بعد امتحانات الفصل التاني وبنفس الوقت بيستفادوا من تقديم المواد بغض النظر عن فصلها.