اهلا رائد
و شكرا للشرح
 بس يعني معلوماتي الحمدلله مو غلط كلها

أهلاً مهاااا ولووو مشكورة عالشرح

السّــــــــلام عليكم :

مشــــــــــــــــــــــــــــــــــــــكورين كتيـــــــــــــــــتر عالتّوضيح ...

الله يجزيكن الخير .. والله يعطيكن العافية ..

طيب معليش تتحملوني كمان شوي      

  لا يحتسب العام الدراسي 2011-2012 بالنسبة إلى طلاب جميع السنوات من مدد فرص التقدم للامتحانات في حال استنفدوا فرص التقدم للامتحانات من داخل الجامعة في هذا العام.

طيب في حال أنو ما استنفذوا فرص التّقدم للامتحان ..

يعني مثلاً طالب سنة أولى ما قدم امتحانات السّنة فبيكون ساعتها راسب , في هذه الحالة

هل تُحسب هذه السّنة ضمن سنوات الرّسوب أو لا ...؟؟؟

وفي شغلة كمان برجع استفسر عليها بعدين بخصوص الفصلين أو 3 فصول ..

بس هلأ مستجلة شوي ... برجع بعدين - بإذن الله -

وشكراً مرة تانية عالتّوضيح ...     

مشــــــــــــــــــــــــــــــــــــــكور كتير أخي رائد ..           

الله يجزيك الخير ...

بالنّسبة للببند ( ج ) أنا فهمت عليك من المشاركة السّابقة بس كنت عم قلك إني مستغربة كيف هيك

زابط معهن لأني بصراحة حسيت أنو هيك بيصير فوضى يعني الواحد بيخلص سنة سنة أول بأول

وبيدرس مواد السّنة تبعوا منيح أحسلّوا ...

هلأ سؤالي عن دورات تقديم الامتحان .. مشان زيادة المعلومات يعني     

يعني وقت كان في فصل ثالث ( على حسب معلوماتي ) أنو بتقدم مواد الفصل الأول بالفصل الأول

ومواد الفصل الثاني بالفصل الثّاني , وبعدين في دورة ثالثة إذا كنت حامل 8 مواد أو أقل بتتقدم للدورة

الثالثة ( باستثناء العامين الماضيين عملوها مفتوحة ) وبعدين بتترفع إذا كنت حامل ما دون 6 مواد

( ويا ريت إذا في شي غلط بمعلوماتي تصححلي إياه من بعد إذنك .. ولو سمحت ..  

السؤال هلأ :

هنن لغوا الدّورة الثالثة , في حال مثلاً الطّالب حمل 7 مواد أو 8 مواد بالفصلين 

والتّرفع كان على 6 مواد ... بهالحالة شو بيكون وضعوا .....؟؟؟؟

بيرسب يعني , ولا كيف ...؟؟؟

- مع إني بحس أنو إذا الطالب حمل 4 مواد بيكون كتيير -بالنّسبة إلي -        

إن شاء الله يكو هاد آخر سؤال ..     

وشكراً لك مرة ثانية تحملتني كتير .. جزاك الله خيراً ..

ويا ريت يا أخي رائد لو تتكرم علينا وتحط هالخبر بموضوع أخبار جامعة دمشق , إذا ما عندك مانع

بالنسبة للبند (ج) طبيعي وهيك أفضل لأن الطالب وقت بكون راسب بالسنة مابكون حامل كل موادها مثلآً حامل 9 أو 10 مواد من كل السنوات وراسب  هو بينضاف إلو 4 مواد من سنة أعلى بيصيروا 13 يعني عدد مواد طبيعي للسنة اللي هو فيها..وبالمقابل وقت بيترفّع عالسّنة اللي نزّل المواد منها وكان ناجح بهالمواد أو ببعضها بكون خفف من ضغط المواد السنة اللي رح يترفّع عليها.. والأمر اختياري للطالب الرّاسب مو إجباري يعني فيه ماينزّل ولا مادّة من سنة أعلى.

بالنسبة لنظام الإمتحانات سواءً بالنظام القديم أم الجديد الترفّع النظامي هو على حملة 4 مواد على الأكتر ومن جميع السنوات ماتغيّر ومو بس 4 مواد بالسّنة اللي كان فيها.. وبالنسبة لقرار الترفّع الإداري اللي صار هالسنة على حملة 8 مواد أم اللي صار السنة الماضية على 6 مواد هاد ترفّع استثنائي مو قرار دائم متل نظام المساعدات.. وصدر هالقرار استثناءً بسبب أوضاع بعض الطلاّب اللي ماقدروا يقدموا بعض المواد بسبب الأوضاع اللي مرقوا فيها  يعني مو كل سنة رح يكون الترفّع على 8 مواد أو 6 والسنة الجاي الترفّع بيرجع على حملة 4 مواد إلاّ في حال صدور قرار بالترفّع الإداري متل اللي صار هالسّنة والسنة الماضية..

ملاحظة مهمّة: الترفّع العادي لازم يكون على حملة 4 مواد على الأكتر من جميع السنوات أو على حملة 8 مواد بالنسبة لهالسّنة فقط..مثلاً طالب سنة تالتة لحتّى يترفّع على السنة الرابعة مالازم يكون حامل  أكتر من 8 مواد من السنة التالتة والتانية والأولى.. مو بس مايكون حامل أكتر من 8 مواد بس بالسنة التالتة لحالها ويكون حامل من سنة قبلها..يعني وقت الطالب بدّويترفّع بيدخل بحساب الترفّع جميع المواد اللي حملها من أي سنة.

بالنسبة لهالموضوع ضروري يكون بموضع لحالو و مستقل عن غيرو طالما الموضوع عن قرار مهم وبيتضمّن فيه تفاصيل القرار.

مبروووووووك لكل يلي استفادوا من هالقرار

وبس بدي أعرف الدورة التالتة أكيد التغت السنة ولا لاء؟؟؟

صار شي مؤكّد العودة للنظام الفصلي القديم لهالعام فقط وإلغاء الدورة التالتة لهالسنة حصراً

شكراً كتير الك رائد على الرد السريع

raed_esmaeil

شكراً كتيييييييييييييييييييييييير ..

الله يعطيك العافية ... والله يجزيك الخير عالتّوضيح ...

بتمنالك التّوفيق والسعادة والنّجاح ...