هوووووووووووووي هاد اللي عم يصير ...

بس بدك اللي يفهم ...........!!!!!!!!   مع احترامي للكل

نحنا مرةلما صار في قصف بمنطقتنا  قام الأهالي كلن صاروا ينزحوا والمؤيدين بالمنطقة طلعوا قبل

المعارضين   حسبنا الله ونعم الوكيل ..

الله يحمي الكل ....

 حتى لو في مؤامرة هاد مو مبرر انو الشعب ينقتل صح أو لا أنا معك في مؤامرة بس هاد الوضع مين وصلنا إلو مين ؟ الناس أول ما طلعت بدرعا شو كان بدها مو بس يأخدهن حقهن صح أو لا ما كان بدهن لا سلاح و لا اسقاط نظام و لا شي الرئيس كان فيه ببساطة يحلها و ما يصير الي صار ليش وصلنا لهون ليش قتل كل هالناس شو السبب الكرسي المنصب انو يطل رئيس انو يبقى هو و بس أنا بأول الازمة بقلك كنت مع النظام ما بنكر و متلي كتير كنا جد فعلا شايفين انو الرئيس جد رئيس بكل معنى الكلمة بس لما بلش القتل و بلش القصف فوق راس الشعب لا هاد مو حكي الله ما قال هيك لانو هو الرئيس لازم يحمينا مو لازم يقتلنا صح في أطراف كتير استفادت من الي صار و بلشت بمؤامرة بس لازم كان النظام يكون اوعى من هيك و فعلا يثبت انو الشعب معو لانو بدهن ياه مو لانو بخافوا منو في فرق
بس نحنا لازم شو ما كان اتجاهنا السياسي مع او ضد ما بتفرق نحن منبقى سوريين و شعب واحد و سوريا بلدنا النا و نحنا لازم نعمرها نحنا الشعب مو حدا تاني لا ننسى انو هون سوريا الي عم تخسر سوريا الي عم تتدمر و سوريا هي أمنا كلنا حدا بيقبل  أمو تزعل
لازم نكون سوا بس عشان سوريا بلدنا وطنا مو عشان شي تاني بس سوريا
أسفة ع الاطالة بس نحنا لهلا عم تنخانق و عم نتهم بعض شي بالقتل و شي بالخيانة و شي بالعمالة و عم ننسى انو في سوريا بالنص عم تنطر لحتى ولادها يرجعوا شعب واحد و ايد وحدة و نعمرها سوا
ايدي و ايدك منخلي سوريا أحلى
الله سوريا وطنا و بس

((ومافكرتوا كيف بدأت المؤامرة والمظاهراات من الدول
العربية المجاورة بس لحتى توصل لسورية هاد مو دليل قاطع إنها مؤامرة
خارجيّة على سوريّة؟؟)) هذه المشاركة في الاساس من رائد اسماعيل

شوفولي هلمحلل الفذ
قناة الدنيا قليلة عليك يا سيادة الزميل

يا اخي العزيز معك حق دخلت اشياء بالمظاهرات هدفها التخريب والتحريض ما قلنا لا بس كمان ما فيك تنكر انو كان في تعامل غير مبرر من قبل النظام مع كتير مواقف ما بستاهل هاد التصرف
قصة درعا الكل بيعرفها ما في داعي نرجع نحكي فيها لو كان اي ولد من الي اتخلعت اظافرهن بمتلك بصلة من قريب او بعيد كنت رح تحكي هاد الشي شو؟
بس نحنا هون مو لحتى نحكي ع بعض و نخون بعض نحنا هون لحتى نحل أزمة ما حدا خسران منها غير نحنا و بلدنا القصة مو قصة رئيس يروح او يبقى مو نظام يسقط او لا قصة بلد خربت ناس ماتت ناس اتشردت من بيتها و خسرت كل شي ليش مين قلك نحنا منصدق الجزيرة او العربية او السعودية او قطر لا ليش كتير القطري و لا السعودي خايف كتير ع الشعب السوري لا هن اول واحد بدهن سوريا تخرب و كل شعبها يموت و اذا بيطلع بايدهن ما بقصروا و نحنا منعرف هاد الشي بس اذا ما نحنا كنا مع بعض و خفنا عم بعض و ساعدنا بعض و عمرنا بلدنا مين رح يساعدنا مين رح يكون معنا ما حدا
يا ريت نرجع متل الاول سوريين و بس لا مؤيد و لا معارض سوري و بس
او بفتخر اني سوري
الله يحميكِ يا سوريا  

يا رائد خلص لا بقا تناقش.. في ناس مابدها تفهم ولا رح تتقبل رأي غير رأيها...
صح في قتل.. بس يلي بلش القتل بدرعا الرئيس حطو بالإقامة الجبرية و ممنوع يطلع من بيتو..

لا تفكرو انو كل يلي انقتل بباقي المحافظات هو برئ و انو الجيش قتلو تبلي..في منهم مجرمين. وماشالله الطرف التاني ماقصر بقتل الأبرياء كمان هاد بيخليهم مجرمين و قتلة.. مو اذا الجيش بلش القتل يعني الجيش الحر مو مجرم!!!! المهم التنين ماعم يقصر.. ونحن عم ناكلها..و يلي مابدو يعترف انو في مجرمين من المعارضة معناها لاعتب على المؤيدين يلي عم يدافعو عن النظام.....

المؤامرة الوحيدة هي انو ننقسم.. يعني (فرق تسد) و عأساس نحن جامعيين و لازم نتقبل الآراء شو ماكانت بدون تخوين.. لأنو ماحدا شايف حالو غلطان.. هون بتبلش الديمقراطية يلي عم نطالب فيها
مابدنا نتطلع بغيرنا و نستناه انو يتقبلنا.. كل واحد يبلش من حالو...مشان الله قرفنا وملينا..

 مو اذا الجيش بلش القتل يعني الجيش الحر مو مجرم!!!! المهم التنين ماعم يقصر..

بدّي علّق على شي بهالفكرة بتمنّى الالتفات إلو هلّق وقت بصير إطلاق نار وتفجير وغيرو من قبل المجرمين وهالمسلّحين مو معناها الجيش والأمن السوري لازم يحطّوا إيدهون على خدهون ويسمحولهون ويتفرّجوا عليهن وهون أكيد رح يحاربوا ويدافعوا ورح تصير إشتباكات ممكن كتير من الأبرياء يروحوا فيها بس بهالإشتباكات مو معناها مثلاً إذا انصاب حدا بريء برصاص الجيش السوري عن غير قصد مثلاً هاد يعني إنّو الجيش مجرم أكيد لاء لأن هالحالة اسمها حالة ضرورة متل ماأخدنا بمادّة قانون العقوبات  وهي التضحية  بشي بسيط أو خاص لدفع خطر عام وأكبر وهو قتل عدد كبير من الأبرياء والعائلات فيما لو مادافعوا الجيش واشتبكوا معهون بإطلاق النار غير إنّو العسكري أو الشرطي بكون عم يقدّم حالو قبّل مايكون قدّم هالشخص اللي صابوا عن غير قصد.. وطبعاً كل هاد سببو وخطيتو برقبة هالمجرمين الأندال.. والإجرام كلو من هاد اللي اسمو الجيش الحر

على كل حال الأوضاع عم تتّجه بعون الله نحو الأفضل وعم تتحسّن الأوضاع كتير طالما كل يوم عم يكتشفوا أكتر من وكر لهالأندال ويقتلوا بلاوي منهن..

انتو طق شر الحيا بين عيونكن وماعد تذوقوا على حالكون طبعاً قصدي عن اللي عم يتّهم النظام والجيش السوري بالبطش وعم يصدّق القنوات المغرضة..

 

يعني إنتوا عم تتبلّو تبلّي ولا فعلاً مصدقين وقدروا يضحكوا عليكن؟؟

 

بغض النظر عن التأييد والمعارضة ماعندكن عقل تفكروا فيه قبل ماتخلي هالكم شيخ منافق وهالأخبار المحاكة من قنوات مغرضة ومنافقة يضحكوا على عقلكون؟؟

 

طيّب ماسألتوا حالكون ليش الرئيس والجيش رح يقتلوا الناس يعني شو مصلحتون؟؟!! قبل ماتصير هالفتنة وهالمؤامرة ماتساءلتوا ليش صارت؟؟ وكيف بلش القتل وعلى أي مصلحة؟؟

 

طيّب من وقت ماصارت هالفوضى والقتل والخطف مافكرتوا مين اللي عملها؟؟ الجيش السوري ليش بدّو يعملها وشو مصلحتو إذا وقتها كانت الأوضاع سليمة قبل ماتصير المؤامرة؟؟ ومافكرتوا كيف بدأت المؤامرة والمظاهراات من الدول العربية المجاورة بس لحتى توصل لسورية هاد مو دليل قاطع إنها مؤامرة خارجيّة على سوريّة؟؟

 

مافكرتوا بالفيتو اللي استخدمو روسيا والصين لصالح سورية ولولاه لكانت أمريكا دخلت عسورية بحجّة الدفاع عنها وهي بالأصل مشان تسقطها.

 

ماتساءلتوا من وين هالأسلحة اللي عم تكتشف بأوكار المسلّحين كلها أسلحة إسرائلية الصنع وأمريكيا؟؟

 

لك ياغبي اللي مابتفهم حاج تغشّم حالك هي مؤامرة مصدرها أمريكا لحتّى تفـتّت الشعب السوري وتقلب النظام طالما رئيسنا ماوقف مع أمريكا ووضلّت سوريّة هي الدولة الممانعة ضد العدو الصهيوني وضد أمريكا وإذا سقطت سوريّة سقط الشرق الأوسط..

 

 يافهيمين اللي عم تتغشمنوا هاد هدف أمريكا تأليب الشعب ضد الرّئيس مشان يسقط الحكم وهيك ممكن يستلم الحكم رئيس خاين يتعاون معها على سقوط الوطن العربي.. وهاد السبب بمحاولة أمريكا تشعيل الأوضاع بسورية من جميع النواحي الطائفية وغيرها طالما إنّو الرئيس علوي يعني عن هالطريق بتألّب السنّة ضدّو لأن السنّة هنن بشكلوا معظم العدد وبالنهاية مشان يسقط حكموا ونحنا شو بهمنا يكون الرئيس علوي ولا سنّي ولا مسيحي ولاغيرو غير يكون رئيس منيح.. يعني بالمختصر أمريكا لابهمها علوي ولابهمها سنّي بهمها اللي متعامل معها بس.. والدول العربية الخاينة عم تساعدها بهالمهمّة ضد سورية عن طريق القنوات المنافقة والمغرضة اللي بتجيب عن سوريّة كل يوم خبر شكل ماأنزل الله عليه من سلطان وإرسال جماعات مسلّحة وتمويلها بالمال والأسلحة المتطوّرة..

 

حاج بقى عيب عليكن تخلّو هالكم حسالة يضحكوا على علقلكون

 

الله سورية بشار وبس

ومارح يجي رئيس أفضل منّو سكتو ولاعاد تتبلّوا تكتبوا شي بسيئ للنظام ولسورية وإلاّ رح ينخرب بيتكون بهالكلام.. أخدتوا وجه ذيادة وقللتوا أدب

 

مافي داعي لكتر الكلام  كل شي واضح وأصحاب هالمظاهرات هنن اللي خربوا وقتلوا وماحدا ضاربهون على إيدهون لحتى يعملوا اللي عملوه بالنسبة للوضع بدرعا أنت الصادق أوّل مابلشوا يطلعوا مظاهرات ساووا حالهون عم يطالبوا بالإصلاح ووقتها الرئيس بشار الأسد استجاب لمطالبهون مع إنّو  في ناس كتير مابتستاهل وأصدر كتير قرارات إيجابيّة وبتقضي بزيادة الرواتب بس من هون طلعوا مابينعطوا وجه وماصدّقوا حالهون وضلّوا عم يطلعوا هالمظاهرات تاريهن طلعوا منافقين مابدهون لاإصلاح ولابدهن شي غير إسقاط النظام دون سبب مبرّر بس بحكم الطائفة.. وهدفهن من ورا هالقتل وهالمظاهرات كانت لهالهدف فقط..

تانياً بالنسبة لبقاؤو بالحكم أي حدا بيعرف استقالة الرئيس من منصبو  برضاه هاد دليل بحد ذاتو على الجّبن ومو خرج رئاسة لأن المفترض بهيك ظروف يضل مو يطلع لأن هاد هدف الدول الخائنة وشيوخ الفتنة.. هاد غير إنّو مانو مطّر يطلع لرغبة ناس خونة ومابيعرفوا من الدّين غير اسمو مابدهون غير يخربوا البلد ويسقطوها..

بالنسبة للمظاهرات للي عم يتفزلك شو علاقة المظاهرات بالدول المجاورة بقناة الدنيا!!! بعدين من كل شي حكيتو هون توقفت الشغلة ياسيادة المستنتج العبقري!!

الإجراء الوحيد واللي كان لازم يتخذ من قبل النظام السوري هو الحسم المبكّر ضد المسلّحين من قبل الجيش والأمن بس رغم هيك كان لهالشي ظروف مو واضحة إلنا النظام هو بيعرفها أكتر مننا إنّو ليش مابدأ الحسم المبكّر.. ورغم هيك كل هالكلام ماببرّر الخيانة من قبل بعض السوريين وإلقاء التهم بأنّو النظام والجيش هنن اللي عم يقتلوا وبانّو مافي جماعات مسلّحة عم تقتل لأن الجيش هو اللي عم يقتل أوتصديق القنوات المغرضة متل ماشفتي من كلام البعض الغير وحتّى هون..

 

إلقاء التهم وتبلّي النظام والجيش والاستماع لشيوخ الفتنة هو بحد ذاتو أزمة ومشكلة تانية غير الفوضى والتخريب اللي عم يصير واللي مسؤول عنها بعض السوريين الجهلة اللي بيقبلوا يبيعوا ضميرهون وبلدهون

 

واللي بحياتها مارح يعمر البلد لو بضلو على هالمستوى العقلي والأخلاقي المتدنّي