سلاماتي للجميع
انا عم عاني بهالمنتدى بصراحة
لانو بسأل او بستفسر و ما حدا بيرد
بكل الاحوال رد حاول هالمرة


و مشان استفساري هالمرة
بدي اسأل اذا في امتحان معياري للتقدم لماجستير الحقوق للسنة الدراسية 2012/2013غير امتحان اللغة
ما بعرف شو اسمو الامتحان بس ما كان في السنة الماضية امتحان متل سبر معلومات

رجاء حدا يخبرني

أول خطوة للتسجيل في الماجستير هي الخضوع لامتحان اللغة الخاص للقيد بدرجة الماجستير

يتم التسجيل على هذا الامتحان في المعهد العالي للغات في تجمع كليات الآداب في المزة

وللتسجيل يجب أن يكون معك صورة مصدقة عن مصدقة التخرج وصورتان شخصيتان وصورة الهوية الشخصية، بالإضافة لرسم التسجيل 500 ل.س

عادة يتم إجراء ثلاث أو أربع دورات في العام الدراسي ليتسنى للخرجين في الفصل الأول والثاني وخريجي الدورة التكميلية التقدم لهذا الامتحان.

لا تهم علامة هذا الامتحان، وإنما المهم فقط هو اجتياز هذا الامتحان، وهو امتحان متوسط المستوى ولا يصعب على طالب الجامعة اجتيازه

بعد اجتياز امتحان اللغة الأجنبية، يتوجب على الطلاب الخضوع لامتحان معياري في بعض المواد التي تحددها الكلية، وهو عبارة عن امتحان مؤتمت يتألف من 200 سؤال

وعلامة هذا الامتحان مهمة جداً، لأنها تدخل في حساب معدل التفاضل النهائي للطلاب في مفاضلة أقسام الدراسات

حيث يتم جمع علامة معدل التخرج مع علامة الامتحان المعياري وتقسيمهما على 2، وهذا الناتج هو الأساس في التفاضل على أقسام الدراسات العليا


يتم التفاضل على ستة أقسام مختلفة من أقسام الدراسات العليا وهي:

القانون التجاري - القانون الدولي - القانون الجزائي - القانون العام - القانون الإداري والمالي - القانون الخاص

ويتم تحديد عدد المقاعد المطلوبة في كل سنة حسب حاجة الكلية، كما يتم تحديد عدد المقاعد على أساس التسجيل الموازي

كما ويحدد أيضاً عدد المقاعد المطلوبة من التعليم المفتوح في كل قسم من أقسام الدراسات العليا

شكرا الك فراس
انا عم اسأل عن هيدا الامتحان المعياري لاني سمعت انو يمكن يتم الغاؤه
بصراحة انا ممكن قدم اذا في بس امتحان انكليزي اما اسا بدي ادرس لا هيك كتير صعب
شو رأيك

وبكل الاحوال انا عندي بس مادة التجاري و بخلص بس اسا ما طلعت النتيجة
بس حبيت استفسر اذا بجرب حظي بس طالما اسا بدي راجع معلوماتي القانونية  صعبة

العفو  و اهلاو سهلا ..
بصراحة بالنسبة للامتحان المعياري ما التغى و لحد الآن ما بلش الامتحان و بالعادة ببلش بعد انتهاء الدورة التكميلية و صدور النتائج . و طبعا ممكن يتأجل بسبب الوضع الراهن حاليا ..
برأيي اذا قدمتي الامتحان اكيد ما بتخسري شي  و فيكي ما تدرسي و تراجعي كثير من المواد لانو بإمكانك تعتمدي على اسئلة الدورات الخاصة بالفحص المعياري  و كثير ممكن تتكرر الاسئلة على حسب ما سمعت  ...
عدا عن ذلك و بفرض انك رسبتي لا سمح الله بالامتحان المعياري بتكوني اكتسبتي تجربة و فرصة كبيرة بالتعرف على طبيعة الاسئلة  و بأمكانك السنة التالية لتقديم الامتحان المعياري التسجيل من جديد على مفاضلة الماجستير و هيك بتكوني وفرتي وقت من حيث ما في داعي تعيدي  ( امتحان القيد بالنسبة للغة ) و بتكتفي فقط باعادة  (الامتحان المعياري  ) ..
و بشكل عام كثير من الطلاب بتتقدم لهيك امتحان رغم انهم بكونو دارسين منيح و مع ذلك بيرسبوا بهالامتحان و العكس ممكن يصير  وينجح الطالب يلي ما درس شي  ..و المواد يلي بيطلبو دراستها غالبا هي المواد يلي تحتاج الى فهم  و اكيد راح تكوني متذكرة مثل هالاشياء  ..
بالنسبة للتجاري ان شاء الله بترفيعها و بأعلى معدل  مع انو هالاسئلة كانت اصعب من الدورة الاولى و ما تكررت اسئلة الدورات فيها  ....
بالتوفيق ان شاء الله 

شكرا مرة تانية
والله حكيك صحيح خصوصا اني اعتمدت بدراستي بالجامعة ع الفهم مو البصم
و بدي عذبك مرة تانية و اسألك ايمتى بيكون الامتحان المعياري اذا كان امتحان اللغة 13/10
ووين بلاقي اسئلة دورات هيدا الامتحان (الانكليزني+الاختبار)

وبالنسبة للمعدل قديش لازم يكون تقريبا اذا عندك فكرة

السلام عليكم
كان رد الأخ فراس وافي كما أظن لكن بالنسبة للامتحان المعياري فهو ليس مشترط أو يتم تقديمه في كل سنة..وللاشارة فهو في بعض السنوات يتم فرضه على الطلبة المتقدمين للماجستير وفي بعض السنوات يكون الاكتفاء بالامتحان اللغوي وبالنظر الى (معدل التخرج) وبهذا العام كما نلاحظ يوجد تأجيلات كثيرة ولخبظة لا يعلمها الا الله ونرجو أن يتم الاكتفاء بالمعدل وعدم طلب المعياري .مع العلم انه في السنة الماضية قد اشترط الامتحان المعياري وتقدم له الطلاب ..التقدير والتحية

ووين بلاقي اسئلة دورات هيدا الامتحان (الانكليزني+الاختبار)
،،،
ربما تسمحون لي بالرد قليلاً لكن بالنسبة لامتحان اللغة فهو يكون بالنسبة للدورات لمن يرغب (معهد آسيا في الحلبوني)(المعهد العالي للغات)ويتم تقديم أقراص ليزرية فيها شرح وافي وأيضاً ايراد لنمط الاسئلة وحتى تقديم أسئلة مقترحة وممكنة ومدة الدورة تقريباً شهر وأظن انها بدأت في معهد آسيا للغات وطبعاً يتم اعداد الطالب بشكل جيد ليكون مستعد لتقديم الامتحان اللغوي هذا..
بالنسبة للمعدل المطلوب للمعياري فهو غير ثابت ويتفاوت من سنة لاخرى لكن ان كان المعدل فوق السبعين درجة فأنت في أطمئنان جزئي باذن الله ..وهنالك اسئلة لدورات الماستر متواجدة في المكتبات المختصة بخدمات طلبة الحقوق ..

شكرا و جزاك الله خيرا

بس القصة انو ايمتى ممكن تعرف اذا في امتحان معياري للسنة او لا

وبالنسبة لمعدلي فوق 63 بس ما بيوصل للسبعين مشان هيك انا مو متشجعة بس فكرة خطرت عبالي

و بالنسبة لامتحان اللغة
انا بالنسبة الي مستواي جيد و عندي اسئلة دورات للماجستير

بس دورت هون .......يعني ما في اسئلة محلولة للامتحان المعياري لاني انا مو من الشام

بس القصة انو ايمتى ممكن تعرف اذا في امتحان معياري للسنة او لا
(تكرمي اختي العزيزة رح شوف الأمر مع انو من كم يوم سألنا ولهلأ ماقرروا لكن منرجع منسأل وبدنا متابعة للموضوع لأن في كتير طلاب محتاجين لجواب مريح )
،،
وبالنسبة لمعدلي فوق 63 بس ما بيوصل للسبعين مشان هيك انا مو متشجعة بس فكرة خطرت عبالي

..اختي ان في امتحان معياري فيتم عندها جمع نتيجتك بهذا الامتحان مع معدلك ويتم تقسيمها على 2 لذلك ان كنتي على مقدرة لدراستة الماستر فبرأيي أن تتشجعي لها وتعدي نفسك للأمر انشاء الله ..
،،

يعني ما في اسئلة محلولة للامتحان المعياري لاني انا مو من الشام

..بالنسبة للأسئلة كمان رح أقوم بايراد بعضها غالباً يوم الاربعاء القادم ان وفقني الله لذلك فأرجو أن تتطلعي عليها وعندما اقوم بادراج شيء منها سابعث لك الرابط أن شاء الله..
التقدير اختي واسفين جداً على التقصير وماكان من سهو فمنا ومن الشطان والتوفيق والصواب من الله

شكراااااااااااااا كتير.............

القصة انو الواحد شو لازم يدرس
بصراحة ما تفكرني اني شايفة الموضوع معقد
بس القصة انو مواد الحقوق كتيرة و ضخمة
يعني اذا في اسئلة + شي محدد ندرسو بتكون الشغلة اريح لانو كمان بدنا نحضر لامتحان اللغة