نحنا ما بدنا نقتل حدا

نحنا بس بدنا ندافع عن أنفسنا ضد يلي بدهن يقتلونا

وسيدنا محمد صلى الله عليه وسلم كان وقت الحروب

يوصي أصحابه أنو مايقطعوا شجرة حتى

معناها كمسلمين يحرم علينا نعمل هيك شي

وفعلا يا دينا مين نحنا ومين أنتو

ياريت تفهمونا...............

يا ريت تجو تشوفوا بعيونكن شو في عنا

وشو في بقلبنا

   

اولا اسمه الجيش العربي السوري الباسل ثانيا وااله انا مستغربة انه كلكم طلاب جامعيين واعيين شلون بتنطلي عليكم حيلة القصف يعني كانت واضحة الجثث انه مقتولة بشكل فردي يعني انا بحياتي ماشفت جثة كاملة وبملابس بيضاء ناصعة واثار الرصاص عليها وقال شو من تحت انقاض لقصف حاجة استخفاف بالعقول ةوقيموا الاحقاد من قلوبكم وفكروا بالاهم بقى

سامحوني أمانة لأني حكيت بطريقة كتير بشعة ... أنا بعمري ما فكرت أقتل أو حتى أحقد على حدا ... ما بعرف شو اللي صابني لحتى حكيت هيك ، كرهان كل شي بهالدنيا ، يا ريت موت ، متأكد بإنو الله رح ينصرنا و ما عندي أدنى شك إنو رح تسقط هالعصابة ، بس أنا أحد الناس اللي دفعو ثمن غالي ، كتير من رفقاتي اللي بحبون استشهدوا ، واحد منون أيام ما كنا ساكنين بدرعا كنت شايلو و حالتو كلا دم و دموعي عم يهرو ع وشو ....كان عم يقلي عاهدني إنو ما تتخلو عن دمنا ، لسا بحمص ماتلي رفقات اتنين ، ماما أغلى شي بحياتي تصاوبت بإيدا و لهلأ موجوعة ، كنت أفتخر بحالي زمان لما كنت إسمع الآية " الكاظمين الغيظ ... و العافين عن الناس " ، كنت فكر حالي من هالصنف لأنو بعمري ما كنت إتوقع إني أحقد على إنسان مهما ظلمني ، عم أكتبلكون هلأ و دموعي عالكيبورد ، القتل شي كبير عند الله ، أنا غلطان سامحوني .

ولمين عاملين الاستفتاء؟
إذا كل واحد مؤيد يا مخفية مشاركتوا يافورا بعد مايحكي رح تنخفى وهلأ بدكن تخفوا الشبيحة والآنسة بنت البلد بدا تخفي الجيش الي مافي بيت بكل سوريا إلا ومنو واحد من هادا الجيش
ومشان شو مشان حرية إخفاء الأصوات
والله إنها دعوى الجاهلية
اللهم اكفنا إياهم بماشئت وكيف شئت إنك على ماتشاء قدير
والبارحة وكل يوم ينير الحق فأرهم يارب ونورهم به ودمر أعداءك يارب أعداء الدين 
آمين

الله يرحم رفقاتك وكل أحبابك يا رب

ويجعلهم من الشهداء

عادي أخي العزيز ما في مشكلة , بعد كل شي صار معك أكيد أنا , أو أي شخص ثاني كان محلك كان رح يفكر بهالطريقة.

بس دائما بدنا نضبط أعصابنا ونرجع لشرع الله , ودائما نعرف أنو لكل عمل عم نساويه في حساب بالآخرة , والحمد لله نحنا منشتغل مثل ما أمرنا الله عز وجل.

مو مثل الأنجاس يلي ما بيعرفو لا الله ولا دين ولا خلق ولا أي شي

همهن الوحيد هو الحفاظ على مناصبهن ومصالحهن , والعالم الله لا يردها

هدول الأشخاص مفكرين حالهن مخلدين وما في حساب بالآخرة وكلو على الجنة

طول بالك وهديلي أعصابك واتكل على الله لأنو الله ما بينسى حدا

وكل شي إلو حساب

طبعا هذا الكلام لا يلغي حق الدفاع عن النفس

قال الله تعالى:{إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ وَتِلْكَ الأيَّامُ نُدَاوِلُهَا بَيْنَ

النَّاسِ وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنْكُمْ شُهَدَاءَ وَاللَّهُ لا يُحِبُّ الظَّالِمِينَ}

انا مع عمليات استراتيجية ضد النظام...مو ضد مؤيدي النظام.
                                 

والله يا أخواني السوريين الله قادر أنو يخسف الأرض

بكل ظالم ...

وقادر أنو يشل إيد كل إنسان يرفع السلاح بوجه أخوه الإنسان ..

بس الله تعالى يمهل ولا يهمل ...

والفرج من عند الله ما بيجي بيوم وليلة ...

أما أنا فقط مع الدفاع عن النفس , وحماية المدنيين الأبرياء...

وحسبنا الله ونعم الوكيل ...

ولا حول ولا قوة إلا بالله العلي العظيم ...

يا الله ما لنا غيرك يا الله ...

بابا عمرو الآن..تحت نير القصف..والاحتلال !




شهداء البوكمال اليوم :

1- صبار غالب الصبار (شهيد)
2- خالد غالب الصبار (شهيد)
2- ماجد غالب الصبار.. اصابة بالصدر بشظية
وجميع هؤلاء اطفال تتراوح اعمارهم مابين 12 و13 سنة.

اخي العزيز james maxwell

والله بعد ما كتبت الرد انقطعت الكهربا دغري

فصرت فكر بكلامك وقلت بقلبي أكيد هاد الشخص مو قصدو هيك

وحقيقتو مو هيك

بس بظن انها نزوة غضب وما بلومك

وتوقعت أنك تندم عكلامك وقررت لتشعل الكهربا أنو أكتب

وأطلب منك بس ليهدى غضبك شوي تفكر باللي قلتو

قام هلأ أول ما شعلت الكهربا فتحت لهون آم لقيت ردك الأخير

عنجد أثرت فيني وحسيت قديش كنت متدايق لحتى طلع معك هالحكي

آسفة لأني طولت بالحكي بس بدي ياك تريح بالك

وماتفكرنا ما فهمناك

وانشاءالله الله بيعافي أمك وبتشوفك زينة شباب سورية المستقبل

والله يرحم أحبابك كلون تذكر أنو هنن شهداء بكونوا هلأ عم يطلعوا عليك

وهنن حاليا أسعد مني ومنك

أرجوك اقبلني صديقة

واعذروني ثانية للاطالة