جميل هادا الكلام SCORPION 05

وأنا مع انو اختيار الاسم التجاري وتبديله يكون  بايد الصيدلاني لأنه الأكفأ لذلك  بشرط كفايته ماديا للحد من  عدم لجوء البعض من الصيادلة الى التصرف بنظرة تجارية بحتة

وهنا تكون مسؤولية وصف الدواء مشتركة بين ثلاثة أشخاص هم  صيدلي المجتمع (الذي يختار الاسم التجاري )  والصيدلي السريري (الواصف الأساسي للاسم العلمي للدواء ) والطبيب (الذي يشخص الحالة ويشارك في وصف الاسم العلمي للدواء )

السلام عليكم

أنا بقلّك يا (عقرب) :))) شو عم ناخد بالكلية

عم ناخد مواد كيميا لطلعت الكيميا من قحف راسنا

وسموم 4 مواد

وعقاقير

ومدري شو كمان

وكلو ما بتستفيد منو بأي شي بالمرة بالصيدلية

مادة صيدلة المجتمع بس مادة وحدة
ومادة وحدة صيدلة سريرية

مو حرام

هلأ بتعرف تحط بروتوكول لعلاج داء السكري أو الضغط أو أي مرض تاني؟؟؟

==========

مشان الأوريوس

صحيح بينعطى مرة وحدة باليوم

بس ما بتعرفي

بجوز الطبيب عندو وجهة نظر معيّنة

دورنا أنو نحكي مع الدكتور لأن بجوز نسيان ومفكرو دوا تاني

لأنو صاير ما عم استبعد أي استطبابات ولو حسيتها غريبة

مرة قالتلنا (golden pill) أنو في مرأة مرضع واصفلها الطبيب الدومبيريدون كمدر للحليب
ما كنت متخيل أنو يكون في إلو هيك استطباب
                                                                           
                                                                     

هلأ هو نظرياً يفترض الصيدلي انو يتهيأ مو بس ليشتغل أو يفتح صيدلية ..

وإنما كمان ليكون اختصاصي بمخبر سمومي أو بمعامل الأدوية النباتية وتحليلها الرااائع برأيي ومعامل ومخابر الجودة والايزو والمراقبة وتصنيع الدواء .. ومخابر الأحياء الدقيقة والطفيليات والدمويات والمناعيات والابحاث ... إلخ إلخ

بسسسس لا المنهج يلي أخدناه بيسمح وخصوصاً انو عنجد صرت بكره الكيميا كره مو طبيعي .. بدال ما يكون العكس ..

وكمان المجتمع والمؤسسات ... يعني ما في هالطلب للصيدلي بهالاختصاصات وفي نظرة مجحفة بحقه ..

.. والله انو علم العقاقير مثلاً علم بطير العقل بس المنهج كرهنا فيها .. ومتله السموميات بأنواعها والله انو هلأ عرفت أديش إعطاؤه حلو والدليل انو لما اتغير نمط الأسئلة بآخر سنة صرنا نعرف نحل ونستمتع بدراسة المادة .. ووووو 

يعنيييي

it's soo commmplicaaaaated ...

انشالله خير

مزبوط حكيكن زيد ومها  ........

خطة المناهج وطريقة تدريس المنهج هي المعضلة الكبرى .....

بس احنا لازم عنجد نكون أكثر تفاؤلا وعلى الأقل انو نضمن انو الأجيال الجاية من الصيادلة ما يقعوا ضحية  الفجوة بين المنهاج والحياة العملية وأنا من جهتي  أثناء الاشراف ع العملي عم حاول غير كتير في الطريقة التقليدية للتدريس حسب ما اقدر بس عم لاقي معارضة من قبل غيري من  المشرفين والدكاترة  اللي بدن يضلوا ع الشيء التقليدي ولعمرينو الطالب يستفيد أو مايستفيد

والله عنجد بتمنى تصير ثورة على مناهجنا القديمة وطرق التدريس ونصير نحبب الطلاب بالمواد اللي بيدرسوها ويكون الها ربط مع الواقع العملي للمهنة ....وأنا متفاءل بقرب ذلك ......

أنا بحترم جميع الآراء

بس والله أنا برأيي قد ما كانت الظروف سوداوية

منقدر نحنا نغيرها و نحسنها بالتخطيط والعمل و التوكل على الله

لكان ليش ربنا عطانا العقل؟!

السلام عليكم:
على علمكم كم جلسة عملي بقيان بالضبط بهادا الفصل . وايمتى فحص العملي.
إذا حدا بيعرف لا يبخل علينا.
   

اقتباس

على علمكم كم جلسة عملي بقيان بالضبط بهادا الفصل . وايمتى فحص العملي. إذا حدا بيعرف لا يبخل علينا

بالنسبة لفئتنا ... خلصنا ...
الأحد الجاية فحص المراقبة + السريرية لأنو الأحدات يلي بعده عطلة ..
بس يمكن غير فئات فحصون الأسبوع بعد الجاية .. ما لي متأكدة من هالمعلومة ..

السلام عليكم

***

~[[طوبى لمن شغله عيبه عن عيوب الناس]]~

***

السلام عليكم...

لو سمحتو اذا حدا بيعرف مواقع عن النباتات بس تكون بالعربي...

لانو عندي حلقة بحث عن القات وما عم لاقي مقال متكامل متل ما بدا الدكتورة

يعني عن النبات من الناحية الطبية...

فإذا حدا عندو شي بيتعلق بالقات يا ريت يخبرني لاني كتير دورت وما لقيت..

   

اقتباس

نسيان كوم ما بياخد منك يومين لأنو كتير حلو وخفيف وبدو قعدة بعد ما تقريه لنتاقش فيه ..

قرأتو وزعجني كتير هالكتاب 

خلص حددي يوم لنقعد فيه سوا للمناقشة

أصلاً صرلنا زمان ما شفنا بعض

وأخبارك مقطوعة

يا خوفي تكوني...........