السلام عليكم
                                                                         
من كتر شو تكررت هالقصة تبع المي وعلاجاتو المختلفة
                                                                   
بدي اعمل دراسة لأعرف إذا هالشي صحيح

 مع اني مابعرف التفسير لشرب الماء بهالطريقة وكمان مابعرف اذا المعلومات صح

...بس اللي متأكد منو ان فعلا كل شي إله مواقيت معينة يستحسن الأخد بها

حتى مرة سمعت من الدكتور جميل القدسي أنو أكل 5 وجبات منتظمة  حول أوقات الصلاة مفيد جدا

وحتى قال في مادة بتساعد على حرق المدخول بشكل مفيد بأوقات الصلاة (بدي اعرف اسم هالمادة ان شاء الله)

وفعلا الأخ زيد معه حق ..باعتبار هي الأفكار موجودة فمن واجبنا نحن الصيادلة تنسيق وتنقيح ومعرفة المواقيت الصحيحة والأسباب  .. وإزالة ماشابها من كلام العوام..

السلام عليكم:
بدي أعرف الموقف الشرعي من تبديل الدواء الذي في الوصفة من قبل الصيادلة وبحب حدا يجاوبني عن بعض الأسئلة:

هل نحن الأحق باختيار الدواء والشركة؟

هل يجب علينا الالتزام بأوامر الطبيب حتى لو كنا على يقين بأنها مضرة أو غير صحيحة؟

هل من واجبنا النصح فقط أم هل يحق لنا التدخل المباشر وبقوة في الدواء؟

وجزاكم الله خيراً...

هلأ هو ما خلصنا حديثنا هههههههههه

عم بمزح بس لو عرفانة انو بتتنشطو .. كنا اتحدثنا من زمان عن الكتب والقراءة ..

جوابي عن المي .. "وجعلنا من الماء كل شيء حي" .. يعني ما في شي مستبعد

أما عن حقوق الصيادلة:

فهدول يفترض انو الصيدلي هو أحق الناس بانو يبدّل الدوا أو ينتقي الدوا المناسب .. إلاااا عنااا

فبرأيي ما في مشكلة انو يراعي الشروط الموجودة وما يبدّل الدوا إلا بنقاش مع الطبيب وبحال أصرّ الطبيب عالغلط .. فوقتها ماله غير يكون صريح مع المريض ويقله كيت كيت القصة ... والقرار بضل عند المريض ولمين حاببب يعطي ثقته ومين الاجدر فيها ..

السلام عليكم

وقت سجلنا بالنقابة خلونا نشتري قانون النقابة
                                                     
كل مرة بقول بدي اقرؤو
                                 
بس شي بجيب الجلطة
                                                               
نشالله بدي دوّر فيه على موضوع تبديل الدواء

========

بس في فكرة

الأدوية يلي هامشها العلاجي ضيّق الأفضل ما تبدّل

لأنو الاختلاف البسيط بالسواغات بغيّر من التركيز

متل ادوية التيوفللين وأدوية الصرع
                                                         
                                                         

بس لا تواخذوني بهالكلمة ... نحنا أكثر الناس دراية ومعرفة بالدواء من الألف إلى الياء "يعني هيك المفروض"...مو؟!

يعني الطبيب بيشخص المرض بعد الفحص السريري
والصيدلية بيقترح الدواء وبيصرفوا وفقاً لمعطيات الطبيب
والمريض بيلتزم بتنفيذ الخطة العلاجية

وهيك بيصير الحق 50% على الطبيب و 50% على الصيدلي في أي مشكلة ستحدث....صح ولاصح؟!!!    

السلام عليكم
                                     
لسا دراستنا مو كافية لنصير بنوصف الأدوية بذاتنا
                               
مثلاً لسا التداخلات الدوائية مو دارسينها بشكل وافي
                                                   
بدها برنامج صيدلة سريرية من السنة الأولى
                                                     
صار ببعض البلاد هالاختصاص
                                                             
متل مصر والأردن وقطر

شكرا كتير لاقيت كلشي ماعدا التنافرات ما لاقيت عنا شي ابدا مع اني دورت حتى عن المواد الفعالة في aloe vera

أنا مع scorpion بكلامو.. هالشي بيفعل دور الصيدلاني أكتر وبيخليه حريص عالمعلومات اللي تعلمها خلال الجامعة.. بس ما بتزبط بوجود جيل قديم من بعض الصيادلة اللي صارت الصيدلة عندن تجارة وبس..

مرة من المرات كان دكتور واصف للمريض  اريوس 3 مرات يومياً..  ما عرفت شو وضعو لهالدكتور..  أو ممكن يستعمل هالدوا بهالجرعة الكبيرة بحالة مرضية وأنا مالي دريانة!!!

بس I beg you pardon Zaid
يعني إذا نحنا مو أولى وأدرى الناس بالدواء لكن ليش عم ندرس 5 سنين!

أو بالأحرى شو عم ندرس بهالخمس سنين!!
أكيد ما عم ندرس رياضيات!

وإذا الطبيب بيفهم بكل شي : دوا + تشخيص + فحص سريري

معناها ما كنا سمعنا عشرات الحالات من الوفيات التي سببها سوء تقييم أو تشخيص من قبل الطبيب!!!

أنا مرة كنت عم أتفرج ع برنامج مستضيفين فيه طبيب وممرضة وصيدلاني ..
كانت مقجمة البرنامج ما توجّه أيسؤال دوائي إلا للصيدلي!!!
وهذا باعتقادي هو الصحيح وأنا بوافق nanon بأنوا الجيل القديم من الصيادلة آن له أن ينقرض ويترك المجال لنا .. نحن المهتمين بالدراسية بفرعيها النظري والعملي في أرض الواقع في الصيدلية...
والسلام