عالجنة.. رايحين..
شهداء بالملايين
عالجنة.. رايحين..
شهداء بالملايين
سلمية.. حرية..
هتفوا أبناء الدين

قومي.. قومي.. قومي يا درعا الأبية
ثوري.. ثوري.. ياشباب المعضّمية
عـلّي.. عـلّي.. علّي الصرخات القوية
الشعب السوري والله ما بينذلّ

يا دومـا.. يا جبلة..
يا بانياس الأبية
داريـّا.. والكسوة..
وحمـاه واللاذقية

قومي.. قومي.. قومي ياحلب الشهباء
صدّي.. صدّي.. صدّي ياحمص الإبـاء
هـزّي.. هـزّي.. هـزّي أركان الطغاة
الشعب السوري والله ما بينذلّ

يا سوريا لا تنحني  أنا لا أذل و لا أهان
خلّي جبينك عاليا    ما دمت صاحبة المكان
درعا فديتك يا مدينة الا اشهدي
قولي لهم أنا لست بالمتمرد
متظاهر ومسالم ما في يدي
الا شعارات تندد بالهوان
أنا لا أذل و لا أهان
حمص الأبية ذاك حلمي فاحتمي
بي، لا تخافي من رصاصة مجرم
أنا لست أعبأ من أحمله دمي
تكفي بأهلك كنت شاهدة علي
أنا لا أذل و لا أهان
دوت هتافات الكرامة في حلب
حتما سيرجع حق شعبي المستلب
ميلاد حلم كل يوم نقتريه
في صفحة يطوي مآسيها الزمان
أنا لا أذل و لا أهان
يا موطني أنت البريء من الفتن
هي ثورة من وحي وجدان الوطن
هي ملكنا وسيذكر التاريخ مَن
ضحى ومن وفى ومن للعهد خان
أنا لا أذل و لا أهان ...

يعطيكن الف عافية رح نزلهن كلهن بالفيس ان شالله
جهود مباركة الله يقويكن

          انتي المجد وانتي الغار        يللي ع جبين الثوار

انتي المجد وانتي الغار        يللي ع جبين الثوار
قدامك يا شام العزة      مهما كبرنا منبقى صغار
شو ما ساوو ما رح نركع    أرضك حرة للأحرار

طيرت أحلامي معك .. ورميتها أوجاع
سبتك انا وعم اقنعك .. دخلك يا عمري رجااع

وأختك معي ودموعها .. احترقوا على خدها
بدها بسجن ضلوعها .. طفي القلب بدها

وبالجو أمك قلبها .. قلقاااان
وبلوعة قهر عم يعصر الوجدان

قلبي سأل عنك ..
عيوني عم تنادي ..
وينك تعى ضمك .. قلي وأنا بلاقي

محمد رحل عني ..
شهيد بالجنة .. إي والله
ترك الدنيا وسافر .. على جنتو هاجر

ما بنسى ضحكاتك ..
ما بنسى أيامك ..
ما بنسى كلماتك ..
ما بنسى أحلامك ..

تعا عند أختك ..
اغفا على تختك ..

وعدتني إنك .. يا خيي ما تتركني
وبإيدك يا محمد .. طول الدهر تمسكني
تدفيني وتحميني .. تواسيني تنسيني

بحبك يا خيي .. يا نور عينيي
بحبك يا خيي .. يا نور عينيي

بيك حضن عمك .. لما البحر ضمك
والله يعطي الصبر .. للصابرة أمك

صحابك إجوا عالبيت .. تيبوسوا عتابو
محمد مشي ويا ريت .. يرجع مع صحابو

منحبك ومنضل ..
بحبك يا حمودة ..
روحك بجنة رب .. بتضل موجودة

ما عرفت نسق الكلمات .. بس الكلمات روعة .. شلون ما تنسقت ..

وهي الفيديو :

قلبي سأل عنك ..
عيوني عم تنادي ..
وينك تعى ضمك .. قلي وأنا بلاقي

محمد رحل عني ..
شهيد بالجنة .. إي والله
ترك الدنيا وسافر .. على جنتو هاجر

ما بنسى ضحكاتك ..
ما بنسى أيامك ..
ما بنسى كلماتك ..
ما بنسى أحلامك ..

صحابك إجوا عالبيت .. تيبوسوا عتابو
محمد مشي ويا ريت .. يرجع مع صحابو

أختي ميس شهدائنا بالجنة

رواحهم بترفف حوالينا

بدنا نصبر والله بياخذلنا بثأرنا

حسبنا الله ونعم الوكيل

ما سأورده الآن ليست شعارات .. ولا أغاني ثورية .. لكنها ربما خواطر ..

* * * * * * *

يخلد أطفال العالم الآن للنوم ، بعد قبلة أب حانية. . إلا الطفل السوري ، يضم قميص أبيه الشهيد ، وينام رغما عن صوت القذائف !
- لم تعد أمه بحاجة أن تحكي له قصة مرعبة من بلاد الهنولولو. . فقط ستحكي له ما حصل أسفل منزلهم قبل ساعة !
- لم تعد أمه تهدهده وتغني له :" نم يا حبيبي نام. . على صوت الحمام " .. فلقد هددت القذيفة أمه وهدت المنزل !
- وقد كان قبل أن ينام ، يأخذ من أبيه قسما ، أنه لن يخرج مظاهرة إ...لا وهو معه. . و"الرصاصة اللي بتصيبك بتصيبني بابا " .. أصابت الرصاصة بابا ورحل !

- تتأكد الأم من محتويات حقيبة مدرسته للمرة الأخيرة:" اللثام ، اللافتة ، الضمادات ، الياسمين ،كثير من الحرية" حسناً . . إنها جاهزة !
- ويأتي ابن العاشرة راكضاً يلهث . . " خير يا ابني شوفي ؟! "
"مافي شي بابا مافي شي ، بس سيارتين أمن كانوا عملاحقوني ! "
فترد الأم " بسيطة مبالي في شي مصيبة تغسل وتنظف دخيل عينك ! "

- ويسأل أستاذ الصف :" انتا حبيبي شو بدك تصير لما تكبر ؟! " .. " بدي صير غياث مطر " ..
" وانتي يا حلوة ؟! " .. " بدي صير طل الملوحي " !
- كان أبو حمزة الخطيب يعده بمفاجئة إن أحرز درجات عالية ، وجاب الكفاءة. . بعد ستة أشهر ، علم أن المفاجأة كانت في السماء !
- وفي كرة القدم تختبيء قنبلة ، وفي المسدس البلاستيكي رصاصة ، وفي بيت الدمى قذيفة !

- من أطفال سوريا إلى أطفال العالم :" تركنا لكم الطفولة والبراءة والمدارس والملاعب .. في ملاعبنا وحوش .. وفي الجنة متسع أكثر

* * * * * * *

طبعاً منقول ..

أشكر كل من شارك في هذا الموضوع

و كم  قرأت أناشيد للثورة و الحرية رائعة

 

أرجو المتابعة يا منضل هون يا منصير كلنا ببيت خالتنا

 

و رجاء هاد الموضوع لأغاني الثورة السورية ممنوع النقاش للجميع

 

دمتم بخير جميعا

النهفات حقيقية( وليست نكت)
==========================

قام بعض الشباب في أحد أحياء حمص بجمع القمامة في اكياس ووضعها على عربات لإخراجها من الحي بعد أن قام الشبيحة بمنع سيارات البلدية من الدخول .. وعندما مر الشباب امام حاجز الأمن أوقفهم الشبيحة وسألوهم باستهزاء .. شو بأديش كيلو الزبالة اليوم ؟؟ فرد عليه أحد الشباب قائلاً: . . . . . إنت دوقن، إذا عجبوك ما منختلف عالسعر