السلام عليكم



اسفة رح احكي بالعامية

حتى ما حدا يمل من القراءة

بتمنى من الكل يقرء بتمنى

لغة الفرانكو ارب:

هي اللغة معروفة وانتشرت بطريقة كبيرة فى الشات والنت عموما  والطلاب المغتربين

دايما متلاقى واحد بيحاكينا بطريقة غريبة لا هي انجليزى ولا هي عربى ومنحس كأننا بتفك شيفرة 




طيب حد سال حالو شو هو الفرانكو ؟؟
طيب شو اصل اللغة من وين اجت؟؟

معظمنا او اللى بيحكو  فرانكو مابيعرفو  غير انها لغة منتشرة بين الشباب والبنات فى عالم النت

بس الموضوع طلع اكبر من هيك ويمكن مافي  ناس كتير بتعرف هالشي



المهم انا رح حاول  اوضح الصورة لكل االناس اللى ما بيعرفو الفرانكو 

ما هو الفرانكو

هو بكل بساطة مكس بين العربى والانجليزى

شو يعنى  مكس ؟

يعنى بناخد الحروف الانجليزى والنطق من العربى ونعمل منهم الفرانكو

او بمعنى ابسط اننا بنكتب الكلمات العربى متل ما بننطقها بس بالحروف الانجليزى

متل هيك:كلمة قلب بنكتبها هيك ---> 2alb
كلمة عامل بنكتبها هيك---> 3amel

رح تقولولي طب شو معنى 2  و 3

فى عندنا حروف فى العربى ما الها مقابل فى الانجليزى
هي الحروف بنستبدلها بارقام

طيب شو هي الحروف

ق او الهمزة ---> 2
ع ---> 3
ح ---> 7
خ ---> 5
ط ---> 9 او 6

وساعات بيكتبوا
خ ---> 7'
غ ---> 3'



وهيك عرفنا شو هو الفرانكو ارب

ان شاء الله تكونو فهمتو علي ^_^




طيب شو اصلو؟؟؟

تاريخ الفرانكو بيبدأ من زمان من ايام سقوط الاندلس في ايدي الفرنجهوايام محاكم التفتيش الاوروبيه....طبعا كانت الاندلس مليانه مسلمين بعد ما احتلها الاسبان
هذا غير الناس اللي هاجروا الى المغرب والى الاراضي العربيه....
بس كانوا بيتعاملوا بقسوه شديده جدا من قبل محاكم التفتيش...في البدايه اخدوا المصاحف ومنعوا الصلاه في المساجد وبعدين عملوا شي خطير  كتير.....  



شو الشي اللى عملو؟؟

خلوا الناس تحكي عربي عادي بس خلوهم يكتبوا اللغه العربيه بحروف لاتيني

اللى هلأ نحنا منقول عنو فرانكو ارب

وللاسف ضلو يضيقوا عليهم لحتى طلع منهم جيل  ما بيعرفو حالن هنن مسلمين ولا مو  مسلمين

والناس هدول كان اسمهم الموريسكيين او اختصارا" المور"



ظهر ناس كتير مؤييدين لهذه الفكرة ومن ابرزهم

القاضي الانجليزي "ويلمور" وهو مستشرق مشهور
وكانت له دعوه بجعل "لغه الخطاب هي لغه الكتاب" يعني العاميه تكون هي لغه الكتابه والعلم


وظهر فى القرن العشرين بعض المثقفين
قالوا ان الحرف اللاتيني اصلح من الحرف العربي شكلا وموضوعا وقالوا انه من الافضل اننا نبدل الحرف اللاتيني بدلا من الحرف العربي في كتابتنا


ومن ابرزهم الشاعر اللبنانى سعيد عقلهذا الشاعر
كتب ديوان اسمه "يارا" بالفرانكو في بيروت
بس الديوان فشل ولم يلق نجاح



و هالوقت هاد  صارت هاللغة لغة الفرانكو اراب منتشرة بشكل كبيررر واستخدامها في سوريا والدول العربية من خلال استخدام الانترنت خصوصا في المحادثة والايميلات المرسلة وللاسف

وكمان العرب الموجودين فى البلاد الاجنبيه وماعندن  كيبورد عربى
لك حتى ولو كان عنددن عربي عم يكتبو بالفرانكو  شي بخجل اي والله بخجل  وعار علينا ننوصف ااننا عرب اذا كناا منكتب بهاللغة  

وادى انتشار هي اللغة بين الشباب ان بعض الكتاب بدؤا يكتبوا فيها مشان يوصلوا بسرعة للشاب
منهم الكاتب الشاب عمر طاهر
مثال

salam 3licom wa ra7mat allah

وهي طريقة تبدو أنها تقربه من الفئة المستهدفة للكتاب، فئة المراهقين. 



مع فائق الود والتقدير لكم جميعاااا
     

والله بصراحة معلومات كلها جديدة بالنسبة الي

بس بعرف انو فرانكو كان باسبانيا ملك بيشجع وبيدعم ريال مدريد 
بس أكيد مو نفس الفرانكو لان هاد حديث شوي

عكل حال

انا اكتر شي بكرهو هالطريقة بالحكي وبدي ساعة حتى اعرف اقرا الجملة..يعني اللغة العربية سهلة وواضحة..ومع اني بحب الفصحى اكتر بس حتى العامية احسن من هي الحروف اللي بيحكو فيها...بس هالايام كل شي صاير موضة 

السلام عليكم

على طول عالفيس منشوف هي العبارة:

كل الذين يكتبون اللغه العربيه بحروف إنجليزيه

إليكم هذه المقوله :

يقول أحد المستشرقين:
"ليس على وجه الأرض لغه لها من العظمه والروعه مثل اللغه العربيه، ولكن ليس على وجه الأرض أمه تسعى بوعي أو بلا وعي لتدمير لغتها مثل الأمه العربيه"

لغه كرمها الله بنزول القرآن بها ، يهينوها بأيديهم ... :)


هاد المستشرقين هيك عم يحكوا عن لغتنا........ ونحنا أصحاب اللغة العربية لغة القرآن منكتب بالفرانكو ارب!!!!!!!!.........
أكيد هيك عم نشوه لغتنا وثقافتنا
لهيك لازم الكل يتعاون لحتى نقضي على هي الظاهرة يللي انتشرت كموضة عالنت
وخلينا نرجع للغة العربية أمجادها

يسلمو ايديكِ صديقتي العزيزة على هالموضوع المهم
وبتمنى لائي تفاعل من الأعضاء فيه


"يسقط فرانكو ارب يسقط يسقط يسقط"

فعلا معلوه غريبه بس حلوه ومفيده الله يعطيكي العافيه بنت الشام

شفتها  كتير .. ولقيتا مو حلوة .. ولا أنو سهلة ..

بس للناس فيما يعشقون مذاهب ..

العربية عندي شيء مقدس .. مو لأني عربي لأني بلاقيا أشمل من العرب ..

وأذكر في ذلك حديث الرسول " إن العربية ليست لأحدكم بأب ولا بأم ، إنما هي لسان ، فمن تكلم بالعربية فهو عربي ،"

الراوي: أبوسلمة بن عبدالرحمن بن عوف . المحدث: ابن تيمية - المصدر: اقتضاء الصراط المستقيم - الصفحة أو الرقم: 1/460
خلاصة حكم المحدث: ضعيف وكأنه مركب على مالك ، لكن معناه ليس ببعيد ، بل هو صحيح من بعض الوجوه

...

فأنا مع كل خطوة مع العربية .. وبظن أنو عيب علينا نذل لغتنا .. لغة من أعظم اللغات .. لغة أكرمها رب العالمين ..

تحيتي لكاتبة الموضوع ..

أحمد

السلام عليكم ورحمة الله وبركاته""

يسلمو بنت الشام عالموضوع  
بصراحة,"
أنا ما حبيتها لهالقصة والظاهرة المنتشرةة عنجد
يعني بيقى الحرف حرف والرقم رقم
اي شو بعرفني شو جاب هاد ل هاد



             

أنا ما بحبذ هالطريقة بس متل ماذُكر موضة بس بشكل عام أنا مقتنعة بلغتي والحمد لله .........."
لازم نبدأ من أنفسنا  وما نلحق هالكتابات "

ممكن غرابتها هي يلي خلت الناس تنجذبلها ..."مع هيك ما حبيتها

يسلمو       

لأنو مرة سألت واحد كان عم يكتب هيك.. قلتلو ليش هيك عم تكتب (طبعاً أنا سألتو بالأحرف العربي) ؟؟

جاوبني (بالفرانكو) لأني مالي حافظ موضع الأحرف العربية عالكيبورد ,, بس حافظ الإنكليزية.. فمشان أكتب بسرعة صرت أكتب بالأحرف الإنكليزية (فرانكو)...










,ويلي حافظ أحرف اللغة العربية ليش بيتبع اسلوب الكتابة بالفرانكو؟؟؟؟؟؟؟؟؟؟

                       

بالفعل ظاهرة كتير مسيئة

ومشوهة لصورة الاسلام الحقيقة

اعظم لغة العلم لغة القران لكريم

فلم نششوهها ببدع وتقليد الاخرين بشكل اعمى؟؟