مسا الخير زملائي صبايا وشباب منتدانا الغالي:

حابة آخود رأيكم بموضوع

يوم الخميس 89 هو أول أيام معرض الكتاب

وأنا بحب اقرأ كتير

بس كل سنة بروح على هالمعرض وبضيع فيه وما بعرف شو بدي اشتري

يعني انا بحب الروايات والقصص والمواضيع الثقافية والدينية بشكل عام

فلذلك الي عندو اسم موضوع أو كتاب معين أو رواية أو اي شي بينصحني فيه بتمنى

يعطيني رأيوو ويعطيني اسم الكتاب المفضل عندو واسم المؤلف

وشكرا كتير سلف

أنا بنصحك بكتب الدكتور "ابراهيم الفقي " وخاصة كتاب اسمو قوة التفكير ............ وكتب علم النفس بشكل عام لأنها بتغير الشخصية وبتغير بحياة الانسان
(هي وجهة نظري) تقبلوا مروري

كتب دار الفراشة حلوة كتير وهي كتب ثقافية وطبية ونفسية وشو ما بدك بنصحك فيها وكمان كتب دار شعاع اذا بتحبي الأدب والروايات لأنو كتبهم ثنائية اللغة و كمان عندك دار العلم للملايين

أنا بنصحك بمؤلفات الدكتور أحمد خيري العمري , منشورات دار الفكر ..

فيه عندو قصة " ألواح و دسر" من أجمل ما قرأت صراحة ..
سلسلة كتيبات "ضوء في المجرة" كمان كتير حلوة و مواضيعها مميزة
سلسلة كتيبات "كيمياء الصلاة" ...
كتاب البوصلة القرآنية ...

هذه المؤلفات تناقش مواضيع دينية بطرح مستمد من الواقع
و من اهم ما يميزها هو نَفَس الكاتب الأدبي و إبداعه في شرح الأفكار و إسقاطها على اواقعنا و حياتنا ..

ملاحظة للأمانة : بعرف بعض الناس ما كتير بيعجبها أسلوب الكاتب لأنه أحياناً " يستطرد" في شرح الفكرة .. فالناس يلي ما لها صبر على القراءة ما كتير بتعجبها ..
هاد الأمر ملاحظ في الكتيبات أكثر من القصة و الكتاب...
فاذا انت الك خلق على القراءة بنصحك ما تفوتيهم عليك ...

بتمنى كون أفدتك ...

بالنسبة للرويات
روايات اغاتا كريستي حلوة
اما بالنسبة للمواضيع الثقافية والدينية
بنصحك بكتب ابراهيم الفقي في البرمجة اللغوية العصبية واستراتيجيات النجاح
والنابلسي (ايات الله في الانسان  - ايات الله في الافاق)وغيرها

مسا النور دانا إلك ولكل الاصدقاء الموجودين أنا انصحك بالنسبة للكتب الدينية كتاب لا تحزن لعائض القرني وكتاب رجال حول الرسول لعمرو خالد وكتاب الفوائد الالهية لدرية وبالنسبة للكتب التي تتناول علم النفس أنصحك  بالدكتور المبدع ابراهيم الفقي كل كتبه ممتازة وقيمة وللكتب العلمية ما إلك غير كتب عالم المعرفة لكامل الأختصاصات وبالنسبة للروايات أنصحك بروايات الرائع نجيب محفوظ وخاصة أولاد حارتنا وبداية ونهاية وخمارة القط الأسود أو روايات وليم شكسبير متل الملك لير وتاجر البندقية او العين بالعين أرجو أن أكون قد وفقت بنصيحتك والخيار أولا واخيرا لك وحدك

تقبلي مروري ودمت بخير مع تحيات أبو الوليد حارس العدالة

شكرا كتير لنصائحكم وعنجد فدتوني كتير الله يجزيكم الخير

وببقى بخبركم شو جبت

دمتم بود

تكرمي عيونك خيتووو  اي ميت طلب متل هالطلب

هلأ خلينا نحكي شوي شوي

هي بدي أخدلك اللب و المفيد جدا ومن ذوقي و  رح تدعيلي

نبلش

عربي بحت

..جبران خليل جبران

أرباب الأرض

جبران كمان
الاجنحة المتكسرة
الطرائف
طيب

سعد الله ونوس الكاتب السوري الكبير
الفيل يا ملك الزمان (( هي صوروها مسرحية ))
الملك هو الملك

بهاء طاهر

الحب في المنفى

مي زيادة

اسطورة الحب و النبوغ


د. ناديا خوست

أعاصير في بلاد الشام



عالمية طبعا مترجمة

فيكتور هيغو
البؤساء  أكيد قريانتيها ما؟
أحدب نوتردام        رواية رائعة


مارغريت ميتشل

ذهب مع الريح

بابلو كويلو
الخيميائي (( هي لطلاب الصيدلة يعني الك ))


أغاثا كرستي ( حبيبة قلبي )
الأربعة الكبار
الحادث
الطائرة المفقودة
البيت المائل (( جدا طويلة ))


و بنصحك كتير كمان للدكتورررر الكبير الرائع الجميل  (( لك شو بدي احكي عنو و الله الكلمات ما بكفوا )) ::::::::::: أبراهيم الفقي

اذا بدك  شوفي فيديو  الو بيكون احسن على اليوتيوب
الإدراك الداخلي
لتركيز جدا رائعة

الركن الشخصي
العادات
الركن العائلي

كيف تنجز اهداف حياتك (( نصيحة مني الك والله ))

البرمجة اللغوية العصبية
بس يمكن هدول بيكفوووووووووووا ما؟؟؟؟؟؟؟؟؟

وبس تخلصي  قوليلي عشان أعطيكي غيرون


Pe@ce

ولييييييييييي شو بدي لحق للحق بدي ركب من بعد قراءة كل هدول نظارة خشب


عكل حال يسلمو كتير

وانا قارية بعضهم ورح أخود بنصيحتك بالبعض الآخر

ميرسي مرة تانية