السلام عليكم

آية الرحمن

اقتباس

والحمد لله مرت القصة على خير

الحمد لله على سلامته ... عنجد عم تتكرر هالشغلة ... يعني هاد علم يفترض ما يكون في اختلاف عليه

ــــــــــــــــــــــــــــــــــــــــــــــــــــــــــــ

سلام

اقتباس

طيب بتعرفي شي أي نوع من أنواع الغلوبولين مرتفع

لا والله ... هو ما محللين الأنواع ... محللين مثلاً الألبومين - الغلوبولين .... الخ

وحاطينهم كقيم مو كمخطط

اقتباس

الغالبية العظمى من الخباثات بتكون غير مؤلمة بالجس

الحمد لله ... معناها في أمل أنو ما يكون شي خبيث

أنا سألت الصيدلانية أنو ليش ما مباشرةً بيعملو خزعة ... قالتلي أنو الناس عنا لما يسمعو هالكلمة دغري بيحسبوها أنو هي مو سلمية وبيتكركبو ساعتها

ومن التفاصل التانية عن الحالة:

الكتلة أسفل البطن - وقابلة لأنو تنمسك - ما صرلها زمان - وما ناتجة عن رض

الصيدلانية طمنت والد الطفل أنو عالأغلب كتلة عقدية إن شاء الله وقالتلو على دكتور فهمان ... وإن شاء الله تكون سليمة

اقتباس

إن شاء الله ما يكون في شي خطير يا رب والله يسلمو لأهلو.....

آمين ...

ويسلمو أول شي عالمعلومات ... وتاني شي لأنو فهمت منك أنو طلعنا بهالـ5 سنين (إذا الله خلانا طيبين ) حنتعلم أشياء منقدر نكون فيها فهمانين الحالات منيح ... صحيح ما حنكون متل الطبيب المختص بس كمان ما أنو ما عنا معلومات أبداً وما منقدر نحكم أبداً

السلام عليكم

Color your life

[[لا والله ... هو ما محللين الأنواع ... محللين مثلاً الألبومين -
الغلوبولين .... الخ



وحاطينهم كقيم مو كمخطط]]

يمكن لو الدكتور شاكك بشي لكان طلب تحليل الأنواع تبعو وتفصيل كل وحدة... بس شكلو شبه متأكد إنو كتلة عقدية.. فإن شاء الله يكون تشخيصو صحيح...

[[يسلمو أول شي عالمعلومات ... وتاني شي لأنو فهمت منك أنو طلعنا بهالـ5
سنين (إذا الله خلانا طيبين ) حنتعلم أشياء منقدر نكون
فيها فهمانين الحالات منيح .]]

الله يسلمك يا رب.... بس والله هالمعلومات مو موجودة بكتبنا هالمعلومة من د.خليل وقتها حكاها كملاحظة جانبية لما شرح المحاضرة تبع السرطان.. لهيك ما بحب روح على حالي حضور محاضرة بحس إنو الكتب ايمتى ما كان فينا نرجعلها أما ملاحظات الدكتور فهي بتكون عملية وبضل محفورة بالبال أكثر.....
ابقي استفقدينا بهيك حالات دائما بما إنو في ناس مو صاححلها تلازم هالسنة






آية الرحمن

الحمد الله على سلامة أخوكي ولو متاخرة 

مرحبا ........شكرا color your life  على ذكرك هالحالة و شكرا لمداخلات الأعضاء  المفيدة

بالنسبة لحالات عدم تأكيد التشخيص صارت كتيرة نظرا لكثرة الحالات  السرطانية في الأونة الأخيرة  وهذه الحالات صعبة التشخيص وغالبا التشخيص لا يكون مطابق لحقيقة المرض وترقيه للأسف

كل مختص يخطىء ويرتكب تجاوزات في مهنته فكما هناك أطباء عم يتخبطوا  بالتشخيص هناك صيادلة عم يتخبطوا بالدوا أكتر لكن أنا بدي احكي هالكلام وكل أطباءنا بنحترمهن وهن غالين علينا لكن رح أحكيه  حرصا على مهنة الطب وما تشكله من مرتكز أساسي في المجتمع لا غنى عنه

زملاءنا الأطباء يمكن يشاطروني الرأي أن هناك قصور هائل في تشخيص الأمراض السرطانية والتفريق بينها وبين الأمراض السليمة  ومايزيد الطين بلة  التجاوزات والأخطاء التي يرتكبها بعض الأطباء وهذا ما يشكل عامل نفسي وجسدي سيء للمرضى 

كان عندي قريب مصاب بكتلة بالبنكرياس وكان يعاني من ألم حاد في البطن فقط دون أعراض أخرى والفحوصات الدموية كلها سليمة    لكن كانت هناك فحوصات بالتصوير  تشير الى وجود خباثة منتقلة وتم أخذ خزعة لكنها غير مؤكدة  لأنها لم تؤخذ من الكتلة نفسها ولكن من ارتشاحاتها  وكانت النتيجة سليمة
شخص الطبيب  له التهاب بنكرياس ومن ثم قللوا تعى بعد شهرين
بقي الألم متل ماهو وقرروا الأطباء يعملوا خزعة تانية مؤكدة بعد شق البطن وأخذها من الكتلة نفسها فكانت النتيجة وجود خباثة والمرض لمفوما لا هودجكن وهالمرض كونو لسا بأولو احتمال كبير يستفيد على العلاج الكيماوي لوجود عدة أدوية نوعية للمرض كما نعلم
أخذ كورس علاجي من ثلاث جرعات علاج كيماوي وما استفاد عليها ابدا بل ترقى المرض كثيرا وصار معو يرقان انسدادي نتيجة لانسداد القناة الصفراوية بفعل الكتلة
استغرب الأطباء اللي صار وطلب أحدهم من المشرح المرضي اعادة فحص الخزعة ثم قرر المشرح  أنه غير متأكد من انو الخزعة خبيثة أولا

بعدها قرر الأطباء انو لازم نعالج المرض بكورس علاجي  أخر  لأنو غالبا هناك خباثة متقدمة وبالفعل بدأ  كورس أخر لكن من أدوية أكثر فعالية ولكنها أيضا أكثر أثارا جانبية وكان من المفترض يأخذ ثلاث جرعات ولكنه  توفي بعد الجرعة الأولى بأيام

أتمنى من زملاءنا الأطباء  وضع أسس أكثر تقدما لتشخيص السرطان وتفريقه عن الحالات السليمة  ووضع حد أيضا للأخطاء الطبية بهذا الخصوص لما لها من تبعات خطيرة على المرضى   

السلام عليكم ..

عندي سؤال .. يمكن ما لو طعمة .. بس  بينسئل بالصيدليات..
ممكن حدا يخبرني شو الفرق بين انواع اللواصق الطبية ؟؟
يعني في لاصق قماشي
لاصق حرير
لاصق مرن
لاصق شفاف
لاصق ( أكسيد الزنك) القماشي !!!!
هل يوجد فرق بين هالأنواع و لا هالتعدد بس ترف ؟؟؟

السلام عليكم
                 
أنا مالي ملازم كتير
                                 
فهي الشغلات مو مارقة معي
                                                 
بس بجوز بيفرقو حسب مكان وضع الرباط
                               
أو حالة الجلد
                             
أو نوع الإصابة

شكرا black tulip  .......بالعكس تماما  دائما أسئلتك  مميزة ومفيدة وهيك أسئلة لازم نسألها لحالنا رغم انو ماخدنا شي عن هيك موضوع بالكلية بس لازم نعرف عنو لأنو عم نكون على تماس يومي  معو في الصيدلية

أنا بعرف انو اللاصق الحرير يفضل على القماشي لأنه أسهل نزعا وأكثر نعومة

أما اللاصق الورقي هو أسهل نزعا من النوعين السابقين لكنه أكثر عرضة للتمزق

لاصق أكسيد الزنك لايختلف عن القماشي الابوجود أكسيد الزنك ذو  التأثير الواقي من التحسس والمقبض للجروح

في أنواع تانية من اللواصق الطبية ومعلومات أكتر عن اللواصق اللي ذكرتها  اذا في حدا عندو  أي فكرة عنها نكون الو ممنونين

شكراً
Zaid
مراقب أدوية
على الرد ....

هناك أيضاً اللاصق الشفاف
و استعماله متعلق بالراحة النفسية للمريض..
( بقصد إذا عندو مشكلة يشوف الشاش تحت اللاصق او لاء ) 

السلام عليكم:

ممكن كم سؤال

ما هو الأفضل (من حيث الأمان والفعالية) في مثل هذه الحالات:

1- مريض سنو عم يجعو وحاسو ملتهب وما بدو يشوف دكتور.

2- مريض معو مغص شديد و إسهال.

3- ونفس الحالة السابقة لطفل.

4- مريض منتفخ جفن عينو وبدو قطرة معقمة! لبين ما يفتح الدكتور.

5- طفل معو حساسية وأذنه عم تجعو.

السلام عليكم

[[1- مريض سنو عم يجعو وحاسو ملتهب وما بدو يشوف دكتور.
]]

ممكن ياخد مسكنات بسيطة مثل الباراسيتامول أو البروفن

بس لازم يروح عالدكتور يكشف عليه لأنو ممكن يكون في خراج وبدو فتح
وبكون غالباً بحاجة لصاد حيوي للأخماج السنية (والمفروض) يكون في وصفة طبيب من بعد تأكيد التشخيص


[[2- مريض معو مغص شديد و إسهال.
]]

لازم نسألو عن طبيعة الإسهال هل إن كان مدمى أو غير ذلك
وقديش صرلها الحالة
لازم نأكد عليه بتعويض السوائل والشوارد (بنعطيه محاليل معاوضة إن كانت حالتو شديدة)

بنعطيه لوبيراميد وإذا استمرت الحالة لازم نتحرى عن السبب

وممكن إعطاء مضادات الكولين لكن فاعليتها أقل



[[3- ونفس الحالة السابقة لطفل.]]

لازم نتجنب اللوبيراميد
ونلجأ لمضادات الكولين مثل الهيوسين ميتيل بروميد


[[4- مريض منتفخ جفن عينو وبدو قطرة معقمة! لبين ما يفتح الدكتور.]]

عالأغلب التهاب أجفان أو الغدد الزهمية بالجفن
بنصحو يستخدم قطعة قماش مبللة دافئة
يمسح الجفن من أعلى لأسفل عدة مرات
بعدها يمكنه استشارة الطبيب


[[5- طفل معو حساسية وأذنه عم تجعو.]]

بعطيه باراسيتامول لتسكين الألم
بنسأل أهلو متى بدأت الأعراض
إن بدأت بعد السباحة فقد تكون التهاب قناة الأذن الخارجية ولها علاجاتها

ونتحرى الأعراض الأخرى مثل التهاب أنف تحسسي فيعني ذلك اصابة فيروسية
أو إذا ترافق مع حمى فيمكن إصابة جرثومية وتحتاج للتحويل للطبيب لوصف الصاد الحيوي المناسب

ممكن وضع بضع قطرات زيت زيتون في الاذن فتساعد في تخفيف الألم
لكن يخشى إن كان غشاء طبلة الاذن فيه انثقاب

اقتباس

2- مريض معو مغص شديد و إسهال.

ما بعتقد فينا نعطيه مضاد إسهال متل اللوبراميد فورا لأنو إذا كان السبب جرثومي فهالدوا رح يروح عرض الإسهال دون ما يعالج السبب الجرثومي....تقنيع السبب