[[ما بعتقد فينا نعطيه مضاد إسهال متل اللوبراميد فورا لأنو إذا كان السبب جرثومي فهالدوا رح يروح عرض الإسهال دون ما يعالج السبب الجرثومي....تقنيع السبب]]
                                                                             
ممكن مثلاً نسأل المريض إذا كان أكل شي فاسد
                                                                             
بس كمان المريض بحاجة لحل سريع
                                                     

عفوا عالازعاج بس ممكن اسأل سؤال

هلأ اليوم مرت معي حالة بالصيدلية خلتني احتار هي:

اجا لعندي ولد عمره 15سنة قلي انو معو احتقان وقلي انو بدو حب قمت عطيتو

((ايفدرينول)) قام هووطالع رجع لعندي وقلي انو هو معو كهربا بالدماغ ومشكلة

بالأعصاب ((بصراحة مافهمت شو أصدو))قمت أنا خفت قلتلو هات الدوا وروح لعند دكتورك خلي يوصفلك الدوا

المهم سؤوالي هو: بيأثرشي ايفدرينول أو مضادات الاحتقان على الأشخاص يلي عندون مشاكل عصبية بالدماغ      

السلام عليكم
                                           
عالأغلب بيقصد أنو معو أحد أنواع الصرع
                                                         
ما بتذكر أنو كان في تداخل دوائي بين أدوية الصرع ومضادت الاحتقان
                                                                 
لكن فيكي تعملي بحث سريع بالموضوع

باختصار لأ ما بأثر عحسب ما  قريت ...

 

بس ما بضر إذا بتعملي بحث أكتر بهالخصوص وتفيدينا بالتفاصيل

 

مضادات الاحتقان الحاوية على ابسودوافدرين هيدروكلوريد تؤخذ على معدة فارغة على الأقل قبل ساعة من تناول الطعام أو بعد ساعتين لماذا؟ وأيهما المطبق نصحه عملياً في الصيدلية؟

اقتباس

مضادات الاحتقان الحاوية على ابسودوافدرين هيدروكلوريد تؤخذ على معدة فارغة على الأقل قبل ساعة من تناول الطعام أو بعد ساعتين لماذا؟ وأيهما المطبق نصحه عملياً في الصيدلية؟

سؤال حلو

ذكرت في موضوع سابق لي في المنتدى انو اذاكان المركب عبارة عن أساس ضعيف متل البسودوفيدرين هيدروكلورايد المفضل اعطاؤه قبل الأكل بساعة أو بعد الأكل بساعتين لأنو
الأساس الضعيف  يكون بشكل متشرد في الوسط الحمضي (المعدة ) ويكون بشكل غير متشرد  في الوسط الأساسي (الأمعاء )

ونحن نعلم أن الدواء لكي يمتص بشكل فعال أكتر لازم يكون بشكل غير متشردلأن طبيعة الأغشية الممتصة دسمة 

نستنتج أن الوسط المفضل لامتصاص البسودوفيدرين هيدروكلورايد هو الأمعاء

ان أخذ الطعام سوف يزيد مدة بقاء الدواء في المعدة  ويبطئ وصوله الى الأمعاء (المكان المفضل لامتصاص البسودوفيدرين ) لذلك يفضل أخذ البسودوفيدرين على معدة فارغة أي قبل الطعام بساعة أونصف ساعة أو بعد الأكل بساعتين (الزمن الوسطي لتفريغ المعدة من الطعام )

وبالنسبة لأيهما أفضل أن نأخذ البسودوفيدرين قبل الطعام بنصف ساعة أم بعد ساعتين من الأكل فالاجابة هي الخيار الأول (أي قبل الأكل بنصف ساعة ) لأن زمن تفريغ المعدة من الطعام قد يكون أكبر من ساعتين لأنه يختلف حسب نوع الوجبة

شكراً كتير عالرد السريع ..

هلأ أنا قرأت مشاركتك عن الأسس الضعيفة قبل هالمرة ولهيك عرفت انو لازم يتاخد على معدة فارغة يعني قبل بساعة تقريباً .. ولكن نسيت (كالعادة) ما يتعلق بالزمن اللازم للإفراغ المعدي ويلي بخلي الدوا يتأجل تناوله لبعد ساعتين .. ويلي خلاني اتخربط انو عادةً لما نقول دواء يؤخذ بعد الطعام (وبس) منعني انو بدنا نستفيد من وجود الطعام لامتصاص الدواء ولهيك لأول وهلة حسيت انو في تناقض بطريقة إعطاء الجرعة .. وطبعاً السبب اني ما دققت بتتمة العبارة

 

طيب بالنسبة للصادات الحيوية .. أنا طول عمري بتخربط من هالقصة .. وحتى بالامتحان الوطني كان في أسئلة كتير نسبياً عن الصادات الحيوية ... بس سؤالي هلأ عملياً انت كصيدليصيدلانية .. هل ممكن تصنفلنا الحالات - قدر الإمكان - مع الصاد الحيوي - الأشيع - الذي تصرفه ... وخاصة فيما يتعلق بنوع الإنتان والجراثيم سلبية أو إيجابية الغرام والجراثيم الهوائية واللاهوائية إلخ (مع العلم بأننا نعرف بأن وصف وصرف الصادات ليس من وظيفة الصيدلي ولكن السؤال ففقط للمعلومة العلمية لا أكثر)

السلام عليكم

بالمرجع الدوائي السوري في تلخيص للصادات الحيوية واستخداماتها الشائعة
                                               
والواحد فيو يستعين من خواص الصاد الحيوي في التأثير على الجراثيم الإيجابية أو سلبية الغرام
أو الهوائية واللاهوائية
                                                   
وخواص الحركية الدوائية

اليوم سمعت بالصيدلية شغلة غريبة ....
اجت وحدة عم يوجعها راسها و قالت انو بدها بندول أزرق ..
الازرق كان خالص من الصيدلية فعرضت عليها الدكتورة تاخد اكسترا..
فقالت المريضة انو البندول الأحمر بيعملها أرق ... و الأزرق ما بيعمللها شي!!!
فقالت لها الدكتورة انو الأحمر و الأزرق نفس المادة بس بيفرقوا بالتركيز و انو السيتامول أصلاً ما بيسبب أرق ..
بس المريضة أصرت على أقوالها ...
شو رأيكم بهالحكي .. يعني المريضة مثلاُ عم تتوهم أو عم تحسس من شي سواغ و لا هالكلام صحيح ؟؟

         

السلام عليكم
أديش الي زمان ما شاركت بهالموضوع

BlackTulip
بانادول الأزرق تركيبو فقط باراسيتامول

أما بانادول الأحمر (اكسترا) بيحتوي كافيين بالاضافة للباراسيتامول ليعزز تأثيره وبالتالي ممكن يكون أحد آثاروا الجانبية الأرق

السلام عليكم  ....

انا يلي بعرفوا انو البندول يحوي على كافئين فبسبب النشاط ...

بس بظن انو اذا اخدت البندول المسا ممكن يسبب ارق ...

بس السيتامول المفروض العكس لانو ما بيحوي كافئين يعني المفروض يسبب النعاس ...

( هي وجهة نظري وبعد تجربة عملية للبندول    )