golden pill بفهم من كلامك انو الخافضات الفموية للسكر ليست مضاد استطباب بالسكري (1)؟؟؟
                                                         

اقتباس

...
golden pill بفهم من كلامك انو الخافضات الفموية للسكر ليست مضاد استطباب بالسكري (1)؟؟؟

لحظة خليتيني عيد تفكير بنمطي الداء السكري....... كنت بداية عم فكر بالأنسولين بحد ذاته


المراحل المتقدمة من النمط الثاني وخاصة التي صار للانسجة فيها مقارمة للأنسولين، فينا نستخدم للمريض هون ميتفورمين + أنسولين (يزيد حساسية الخلايا للأنسولين فنحتاج جرعة أخف من الأنسولين)


ولا يستخدم التيازوليدينديونات مع الأنسولين (هي أصلاً هلأ شي انسحبت من الأسواق وشي عليها مشاكل عم تندرس)

وكمان لا يستخدم مركبات سلفونيل يوريا مع الأنسولين


أما بالسكري النمط الأول فهو فيه عوز تام للأنسولين والخيار العلاجي الوحيد للمريض هو الأنسولين (السلفونيل يوريا والتيازوليدينديون ممنوع كما قلنا مسبقاً) أما المتفورمين فلا أعلم مدى فائدته بزيادة حساسية الخلايا التي لم تعرف الأنسولين الطبيعي أبداً !!!!!

لكن لا أعتقد أن المتفورمين مضاد استطباب



هي الأمور يللي فكرت فيها لكن ليس لدي رد قاطع بخصوص النمط الأول من الداء السكري.....

شكرا ع المعلومات golden pill
هلأ فهمت!!!  

السلام عليكم

بالسكري من النمط الأول لا يوجد إفراز للإنسولين لذلك لا فائدة من استخدام الأدوية التي تزيد من إفراز الإنسولين مثل السلفونيل يوريا
وكذلك الحال في النمط الثاني بعد حدوث تخرب لمعظم خلايا بيتا


بالنسبة لاستخدام الميتفورين مع النمط الأول
فهو نظرياً يحسن من استجابة النسج للأنسولين ويوجد دراسات تؤكد ذلك

السلام عليكم

حأسألكم عن حالة اليوم شفتها بالصيدلية ...

طفل عمرو (14سنة) ظهرت عندو كتلة بمنطقة البطن ... ما بيحس بالألم إلا إذا ضغطها

صورو أيكو وطبقي محوري ... بالطبقي المحوري ما ظهر شي ... ومن هالـ 2 الدكاترة قالو أنو ما مبين معن شو هاد

بالتقرير مكتوب أنو هي كتلة عقدية "ناتجة عن الالتهاب" ... بس دكتور تاني قال أنو هاد ممكن يكون كتلة سرطانية

والأب ما عارف شو يعمل لأنو ما اتفقو الدكاترة على رأي أو حل

بس من الأشياء الملاحظة بالقيم اللي محللينها أنو كل شي طبيعي ... والبروتينات قيمها طبيعية ((عدا الغلوبولين)) ... قيمتو أعلى من القيم السوية

فمتل هيك حالة شو ممكن تكون ؟؟؟ يعني مجرد التهاب ولا شي خطير ؟؟؟

ـــــــــــــــــــــــــــــــــــــــــــــــــــــــــــــــــــــــــــ

ملحوظة: ليش الدكاترة هالأيام ما بعرف شو صايرلهم وما عد سمعنا منهم غير أنو ما متأكدين من الحالة اللي عندهم ؟؟؟ يعني هي مو أول مرة منسمع هالشغلة

مو المشكلة أنو ما يقدرو يحددو قد ما المشكلة بالمبالغ الكبيرة اللي عم ياخدوها

وبعد ما الأهل يعملو كل اللي عليهم ويدفعو مبالغ كبيرة بيجي الدكتور بيقلهم أنو ما بين معو !!!

وبعدين مع الناس اللي ما بتحس بغيرها ؟؟؟!!!

هاد غير أنو من الأشياء الغريبة ببعض الحالات أنو لما ما يستفاد المريض ويرجع يراجعهم بيقولو أنو أكيد الصيدلي صارفلك الوصفة غلط !!!

كأنهم آخدين حقهم وحق غيرهم وما تاركين للصيدلي شي  ... يفترض الطبيب شغلتو ((الأساسية)) هي التشخيص ... أما الدواء فهاد مهمة الصيدلي ...

(((يفترض الطبيب شغلتو ((الأساسية)) هي التشخيص ... أما الدواء فهاد مهمة الصيدلي ...)))

 

بالضبط .... إذا الدكتور بطل يعرف شغلتو ... نحنا منعرف حدودنا ..

وبحالة الطفل يلي ذكرتيها ... أكيييييد ما فينا ومو شغلتنا وماننا مختصين لنحكم شو ممكن يكون معو ...بعدين شو التفاصيل : وين مكان هالكتلة بالضبط .. طرية ولا قاسية ... أديش صرلها طالعة وأديش حجمها ... وإذا كان في سبب (رض أو ما إلى هنالك) أدى لظهورها .. إلخ

يعني في أسئلة كتير ما منقدر نبني حكم بدون جواب عليها

 

يعني كمثال كتير بسيط بحالة الفتق بيظهر كتلة بالبطن لينة ومو مؤلمة ..

 

وانشالله ما عليه شر

السلام عليكم

غريبة والله

يمكن مفروض يعمل تحليل نسيجي إذا ما بين عالصورة

والغلوبولين بيرتفع بكتير حالات

مافينا نحكم من خلالو

========================

شو بدنا نعمل

هيك طبيعة مهنتنا

مثلاً لو مريض توفى من دوا معين

بيقبضو عالصيدلي بالأول

بعدين ممكن يفكرو يتهمو الطبيب

هيك بعرف



وموضوع تبديل الأدوية بالوصفة
حتى لو نفس المادة ونفس العيار
هالشي ممنوع
مع أنو في احتمال تغير بتوافر الحيوي للدواء
بس المفروض كل الشركات محققة شروط التفتت والتحرر وغيرها من الفحوص الدستورية
وأساساً الطبيب ما بيعرف بهي الأمور



وذكرتيني بواحد إمو صار معها طفح جلدي
ما كانو يعرفو شو السبب
واحد من الأطباء قال هي ممكن كيسة عدارية (كيسة مي)
مخبر طلع معو إيجابي
ومخبر تاني طلع سلبي
واحتارو
فكرو بعدين أنو هالطفح بلّش مع بداية أخدها لدوا الضغط
حكو مع الدكتور الواصف للدوا
آم بدلو لدوا تاني نفس التركيب من غير شركة
قالولو ليش ما تعطي غير مادة فعالة
قال أنو السواغات هي يلي بتسبب الحساسية

بعدين شو صار بالقصة فما بعرف

السلام عليكم

اقتباس

يعني في أسئلة كتير ما منقدر نبني حكم بدون جواب عليها

الصيدلانية سألتو كل هالأسئلة ... وطبعاً ما شخصتلو الحالة ... وكلنا منعرف أنو حدود الصيدلي هي الدواء وعيارو و....الخ ... بس هو كان جاي بدو أي شي يطمنو

لأنو هو ووالدة الطفل صارو بحالة سيئة من بعد ما أحد الأطباء متل ما ذكرت قلهم أنو إحتمال يكون سرطان ... وبهالحالة بدهم يضطرو يزيلولو الأمعاء

وأكيد الوقت مو لصالح المريض ... بس السؤال أنو ليش الدكاترة ما حاسين بمسؤوليتهم

وهالشخص ما حيرجع مثلاً عالصيدلية ... بس كنت عم أسأل عالحالة بشكل عام ... يعني بيمرق حالات كتير ... ولو ما الصيدلية كانت موضع ثقة بالنسبة لهالشخص ما كان إجا

بس لما يتخبطو الدكاترة وما يعرفو فالمريض بيفقد ثقتو بالطبيب ... وهون المشكلة

يعني إذا ما هن اللي شخصو الأمراض مين بدو يشخص ؟؟؟ 

السلام عليكم:

اقتباس

ليش الدكاترة هالأيام ما بعرف شو صايرلهم وما عد سمعنا منهم غير أنو ما متأكدين من الحالة اللي عندهم ؟؟؟

لأنو هالأيام للأسف ماحدا بفكر بإتقان العمل، ومعظمهم ما آخدين عملهم

على محمل الجد.

ــــــــــــــــــــــــــــــــــــ

ذكرتيني من كم سنة صار مع أخي حرارة عالية وانتفخ خدو ولما أخدناه للدكتور قال شو  هذا كريب قوي وما في شي!!!!
بس ماما ما اقتنعت ونزلتو لعند دكتورة عنجد فهمانة (الله يطول بعمرها ويوفقها)
قالتها لماما هي سحايا بس  الحمد لله خفيفة لأنو آخذ اللقاح ....

والحمد لله مرت القصة على خير

 

السلام عليكم

[[بس من الأشياء الملاحظة بالقيم اللي محللينها أنو كل شي طبيعي ...
والبروتينات قيمها طبيعية ((عدا الغلوبولين)) ... قيمتو أعلى من القيم
السوية



فمتل هيك حالة شو ممكن تكون ؟؟؟ يعني مجرد التهاب ولا شي خطير ؟؟؟]]]


طيب بتعرفي شي أي نوع من أنواع الغلوبولين مرتفع, لأنو كل واحد الو دلالة وحتى شكل الارتفاع الو دلالة بالتحليل يعني مثلا إذا الغاما غلوبولين هو المرتفع وبشكل قمة حادة فهذا نوع من الالتهاب, أما إذا كان ارتفاعه بشكل قمة عريضة وطبعا مع بقاء باقي أنواع الغلوبولين طبيعية الألفا والبيتا فهذا بيكون سرطان....

ولفت نظري شغلة قلتيها إنها مؤلمة بالجس... نحنا أخدنا بالدمويات ببحث السرطانات إنو الغالبية العظمى من الخباثات بتكون غير مؤلمة بالجس... فهون بهالحالة عكس هالحكي... فبجوز ما يكون في شي خطير مثل ما عم يقول الدكتور الثاني.... بس على كل حال التحليل وأخذ خزعة أو عينة من الكتلة هو الحكم الفصل بهالقصة وما فينا من مجرد وصف الحالة نقرر....

إن شاء الله ما يكون في شي خطير يا رب والله يسلمو لأهلو.....

شكرا على مشاركتنا بهالحالة...