السلام عليكم

نفس المبدأ ... صندوق البحث

اللي حتفرق أنو بعد ما تفوت عالمقال ... ما حتكبس زر عدل

بس بشكل عام إذا بدك أخبار عامة (مو معلومات ومقالات) فهي من معرفة الأخبار

بس هي نحنا ما استخدمنا فيها شي ... فما عندي فكرة كتير عنها

السلام عليكم

بالنسبة للمقال كنت بدي اكتب عن الكسور والخلع ... بس لقيت انو مكتوب عن الخلع
فكتبت بس عن الكسور وجهزت كم صورة..
وهلأ أنا جاهزة للخطوة الجاية..

سؤال مستعجل ؟؟؟؟؟؟؟؟؟؟


............اسيل ............

بعد ما عدل عل المقالة شو بدي اعمل حتى تصير معاينة

او حتى تصير تطلع بالموقع ؟؟؟؟؟

السلام عليكم

بتحط حفظ الصفحة بتجي تحت المربع يلي عم تكتب فيه, وإذا بدك قبل ما تحفظها بتكبس على

زر المعاينة جنب زر الحفظ  لتشوف كيف رح تطلع....

اذا بدي عاينها
وين زر المعاينة


في حفظ الصفحة - عرض التعديلات - اظهر فوق

السلام عليكم

هلا ...

تمام

وكنان محضر شي ... هلأ إن شاء الله بننتقل للخطوة الي بعدا

ــــــــــــــــــــــــــــــــــــــــ

بالنسبة للمعاينة بتختار زر:

عرض التعديلات

انا  كل ما بدي اكتب شي عم لاقي المقالة موجودة   

بس هلأ  عدّلت على صفحة الفيروس 


صرت حط عل الكلمة  يلي هي عنوان جانبي  == تصنيف الفيروسات ==

صارت تطلع عنوان وتطلع بالفهرس كمان

صح هيك

السلام عليكم

بس بدي اسأل كيف بدي ضيف صور للملف؟؟
بسرعة اذا بتريدو

السلام عليكم


انا جهزت مقالة  عن نبات لؤلؤة الوادي


باعتبار هدا النبات كان مطلوب  منا بالعملي وما لقيتو بموسوعة المعرفة

السلام عليكم

بعد ما وصلنا لصندوق التحرير

منجي هلأ للخطوة اللي بعدا ... التحرير

نحنا اتفقنا أنكن حضرتو المقال/ أو معلومات اضافية لمقال ... أول شي بتنسخو النص على صندوق التحرير

هلأ:

- إذا كان مقال جديد ... فاللي حتعملو هو أنو حتبلشو المقال بتعريف صغير عن المقال (هاد للي ما حابب يتوسع بالقراءة كتير وبس بدو ياخد فكرة عن الشي اللي عم يدور عليه)

- إذا كانت معلومات إضافية ... حتدرجو عنوان لإلها وتحطوها

في ملاحظة ... أنو الـ enter ما بتنحسب إنها enter غير لما تكبسوها مرتين ...

بالويكي منستخدم أكواد لمثلاً نساوي الخط: مائل - عريض - تحته خط

بس ما فينا نلون أو نغير بقياس الخط

كيف منعمل هالشي ؟؟

منحدد الكلمة اللي بدنا نعملها هالشي ... مثلاً نعملها بخط عريض ... ومنكبس على زر [ع] اللي موجود فوق صندوق التحرير ... في طريقة يدوية للي بتاخد إيدو ... هي أنو يحط ''' قبل وبعد الكلمة بتقوم بتصير خط عريض ... أو '' قبل وبعد  بتقوم بتصير مائل ... أو ''''' بتقوم بتصير عريض + مائل

(منحصل على الـ ' بأنو نكبس ط بس بالانكليزي

منستخدم الخط العريض دائماً عند التعريف الي قلتلكن عليه ... يعني منكتب عنوان المقال أول شي بصندوق التحرير ... منخليه عريض ... ومنقول هو .............. الخ

بنجي للأشياء الفرعية بالمقال الجديد/ إضافة معلومات على مقال:

العنوان التاني بعد العنوان الرئيسي ... حيكون عنوان رقم 1 مثلاً ... حنحط قبلو == وبعدو ==

عنوان رقم 2 نفس الشي

إذا عنا عنوان بس بقلب عنوان رقم 1 (يعني تعداد فرعي عنو) ... منقوم منحط قبلو === وبعدو ===

ومنزيد = على كل عنوان فرعي للعنوان الفرعي

أما العناوين الرئيسية فبس == قبل و== بعد

مثال:

'''البلاد العربية''' هي بلاد .............

==سوريا==

تقع ............

=== محافظاتها ===

==== دمشق ====
هي .........
==== حمص ====
هي.............

=== الصناعة فيها ===

==لبنان==

وهكذا...

هي بالنسبة للعناوين...

هلأ ما داخل الفقرات:

كل كلمة بتمرق معكن بالفقرة ... وبتحسو إنها ممكن تكون عنوان مقال ... بتحطو قبلها بين [[ ]]
هالشي حيخليها (بس تحفظو الصفحة) إما برابط أزرق إذا موجودة ... وهيك القارئ إذا مرقت معو كلمة ما فهمها بيقوم بيكبس عليها فبصير بمقالها ... أو برابط أحمر فما موجودة كمقال ... بس بجوز بوقت تاني حدا يكتب المقال فتصير بلون أزرق

مثال ... مقالكم عن الفلك:

الشمس تدور حول الأرض

حنتوقع أنو في للشمس والأرض مقال عنهم

فحيصير عنا : ال[[شمس]] تدور حول ال[[أرض]]

متل ما شايفين ... ما منحطهم مع الـ تعريف ... لأنهم عنوان مقال

طيب إذا مرق معنا كلمة مركبة بالكلمتين فيها الـ تعريف ... متل الوطن العربي  ... ما حنحط لـ وطن رابط ولـ عربي رابط ... اللي حنعملو هو أنو حنعمل هيك [[وطن عربي| الوطن العربي]] بحيث أنو حنحط الكلمة اللي ممكن تكون مقال | الكلمة اللي بدنا ياها تظهر

كمان مثال تاني : دمشق وريفها

هلأ ريفها = ريف دمشق ... أكيد إلو مقال ... بس ريفها ؟؟؟!!!

لهيك منعمل التالي: [[دمشق]] و[[ريف دمشق|ريفها]]

اللي بيكبس على ريفها بياخدو على مقال ريف دمشق

ــــــــــــــــــــــــــــــــــــــــــــ

الفكرة اللي بعدها لما يمرق معكن تعداد

في نظام تعداد بالويكي إذا خفتو تخربطو بالأرقام إذا كتبتوها بإيدكم

وهي أنو قبل كل جملة بالتعداد بس بتحطو *(بدون سبيس بعدها) ... أو#

* حتخلي تعداد على شكل نقط ... #حتخلي تعداد على شكل أرقام

بالتعداد لا تحطو 2 enter متل الفقرات

ـــــــــــــــــــــــــــــــــــــــــــــــــــــــــــ

- هلأ أهم شي هو أنو آخر المقال تحطو عنوان (مستوى) جديد أسمو:

==المصادر==

بتكتبو في مصدر اللي كتبتو ... المصارد أهــــــــــــــم شي

- في شغلة إذا كنتو عم تضيفو على مقال قديم إلو مصادر:

هون حالة تانية ... ارجعولها بالملف اللي حطيتو (user manual) لأنو الأكواد ما ظهرت عالمنتدى

ـــــــــــــــــــــــــــــــــــــــــــــــــــــــــــ

مبدئياً بس تعملو هدول ... بيبقالنا رفع الملفات (إذابدكم ترفقو صورة بالمقال)

والقوالب والتصانيف ... ونقاش الصفحة ... والتحويل

قولولنا شو عم يصير معكن ... وتقريباً اللي حكيتن هدول أهم شي ... واللي بقيو ما كتير بيأثرو حالياً