السلام عليكم ... وصلنا لآخر شي
1- نقاش الصفحة أو نقاس المشتخدم:
هي طريقة مستخدمة مشان إذا شفتو شي معلومة بمقال ... حسيتو أنها غلط ... فببساطة ... حتلاقو (ناقش هذه الصفحة) جنب كلمة (عدل) فوق ... بتكبسو عليها
- إذا كان ما في مناقشات قبل : بياخدكن مباشر على صندوق تحرير المناقشة
- إذا كان في قبل : بياخدكم عالمناقشات الموجودة ... فلحتى تضيفو نقاش ... بتكبسو على + اللي فوق كمان ... فبياخدم عصندوق تحرير النقاش
ملاحظة: بعد كا تكتبو النقاش لازم تحطو توقيع ... مشان اللي عم تناقشو يعرف مين أنتو ... التوقيع هو بأنكم تحطو ~~~~
2- التصانيف:
من الأشياء المهمة بالمعرفة ... مشان تتصنف كل مقالة بالفرع الرئيسي لإلها (تعتبر هي جزء فرعي) ... مثلاً الأرض منصنفها : كواكب - فلك - ........ الخ
لما تحطو تصنيف ... بتصير أوتوماتيكياً مدروجة بتصنيفها ... وممكن اللي عم يبحث عن شي يفوت عالتصنيف الرئيسي ويدور على مقالتكن بالتصانيف الفرعية
التصنيف بينحط بهالشكل : [[تصنيف: اسم التصنيف]] ... وفيكن تردو تعيدو إذا عندك مأكتر من تصنيف
2- القوالب:
هي كمان بتبقى متل الشي اللي بتندج تحتو مقالتكن ... لما تحطو قالب ... بيظهر شي متل جدول ... بيحط كل شي إلو علاقة مقالتكن ...
مثلاً إذا المقال عن المضغوطات ... منحط قالب صيدلة : {{صيدلة}} كمان ممكن نحط {{أشكال صيدلانية جرعية}} ... بيقوم بيظهر بالقالب كل شي مشابه لمقالكم
القوالب بدها وقت لتتعلموها (لتتعلمو شو أسماء القوالب الموجودة بالمعرفة) ... بس بشكل عام بصفحة مشروع الصيدلة اللي حطيتلكن يا .. كل القوالب موجودة ... ومن عنوان القالب بتعرفو إسمو ... بس بتحطو بين {{ }} ... وبيظهر
3- التحويل:
من أهم الأشياء كمان ... منحول شي مو موجود لشي موجود ... مثلاً عنا الكلمتين : مورثة وجين ... هلأ الـ 2 إلن نفس المعنى ... بس إسم المقال عالمعرفة هو مورثة ... لهيك منبحث عن كلمة جين => حتطلع بلون أحمر => منكبس عليها فبياخدنا عصفحة تحريرها => منكتب التالي مشان التحويل :
#تحويل [[مرثة (اسم الصفحة اللي بدنا نحول الها)]]
فبيصير لما نبحث عن جين .. بياخدنا على مقال مورثة
4- تاريخ ومراقبة الصفحة:
هالخيارين موجودين فوق ... جنب عدل ... تاريخ: بيظهرلكن كل شي صار بالصفحة ... مين أنشأها ... مين عدل عليها ... مع الوقت ... ومع إمكانية إسترجاع أي خطوة ... وهالشي بيمنع التخريب
مراقبة الصفحة: بمجرد أنكن تكبسو عليه ... بيصير أي تعديل بيصير على الصفحة بيوصلكن على إيميليكم
ـــــــــــــــــــــــــــــــــــــــــــــــــ
وهيك منكون خلصنا كل الخطوات ... إذا عندكم سؤال ... فتفضلو ... وأي شي بتعملو حطو بمركز المتابعة ... تقلنا كتير عهالساحة
بالتوفيق إن شاء الله ...
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
ساحة السنة الأولى..................صيدلة 
