السلام عليكم

هلا ...

تمام متل ما قالت سلام

تاني خطوة بعد التسجيل وتحضير المقال ... هي البحث عن اسم المقال

بعدين منوصل لمرحلة التحرير

ححطلكن ملف عطونا يا بالورشة ... في تعليمات التحرير ... ممكن يساعد كتييير

بس ححاول أمن آخر نسخة منو ... لأنو عم يطورو المدربين

ــــــــــــــــــــــــــــــــــــــــــــ

سلام ...

والله هيك قالت نسرين ... أنو لازم نكمل

هلأ ما بس في سنة أولى

حتى في سنة تانية ...صارو يسمعو كلمة ويكي من رفقاتن فصار عندن فضول ... وإذا صار ورشة بيحضروها إن شاء الله

السلام عليكم

هي ملف التعليمات

https://www.jamaa.net/attach.php?id=6926

عملو اطلاع عليه

أكيد في أشياء ما حتبين معكم دغري ... لهيك أي شي ما زبط معكن ... اسألو عنو وإن شاء الله منجاوبكم ... :)

بعد التسجيل والبحث وفتح صندوق التحرير ... فيكن تعملو معاينة قبل الإرسال ... وهاد اللي بيساعدكم كتير

بالتوفيق إن شاء الله ...

ونصيحة ... لا تقضو العطلة نووووم

السلام  عليكم

والله يا ريت تعملوا ورشة عمل مشان نفهم المشروع منيح

بصراحة لهلأ ما عرفت كيف حرر مقال جديد أو عدّل على شي مقال

شو نعمل ؟؟؟؟؟؟؟؟؟


سامحونا اذا عم نكتر  اسئلة عليكم

بس يلا هلأ عطلة وما في عليكم شي !!!!!!!!!!!!!

السلام عليكم

اقتباس

والله يا ريت تعملوا ورشة عمل مشان نفهم المشروع منيح

يا ريت والله بس لازم يكون في عدد لحتى يصير في ورشة....

يعني إن شاء الله إذا كان عدد طلاب السنة الثانية يلي حكت عنهم أسيل منيح وإنتو نشرتو

هالقصة بين طلاب السنة الأولى ممكن نفتح ورشة على بداية الفصل الجاية بيكون ما في

ضغط كبير والأوقات بتكون أفضى للجميع....

وبس حدا يجمع كم واحد يحط كم واحد معو هون ... بعدين إذا صاروا محزين منحط إعلان عن

وقت الورشة على هالرابط:

https://www.jamaa.net/art261703-3.html

السلام عليكم

سلام ...

بتصدقي أنو في ورشة (تبع الآداب) كان فيها شخص واحد بس

بتوقع أنو ما كتير بيهم أنو يكون العدد كبير ... بس أكيد لازم يكون في حد أدني مقبول

ـــــــــــــــــــــــــــــــــــــــــــــــــــــ

هلأ أنا اتفقت معكن تقولولي لما تسجلو وتحضرو مقال ... مشان انتقل للخطوة اللي بعدا ... :(

هلا قالتلي برسالة شو عم تعمل

سلام شرحتلكن الخطوة الأولى ... وهي البحث

هلأ مثلاً أنتو محضرين مقال أسمو الأنسجة

بالموسوعة ما في هيك شي ... لأنو بدنا نبسط الأمور للي عم يبحث

أول شي : منقيم الـ التعريف => أنسجة ... تاني شي منخلي الكلمة مفرد => نسيج

فهاد أول شي بتعملو

وحتى مقالكم بتعنونو بنفس الطريقة

هلأ بعد ما بحثتو ... إما حتطلع نتائج إذا المقال موجود => فيكن تفوتو عليه وتطورو (حأشرحلكن كيف)

أو ... حيقلكن أنو ما في مقال بهالأسم => حيطلع كلمة البحث اللي أدخلتوها موجودة كرابط بلون أحمر ... مكانها واضح ... ساعتها بتكبسو عليه ... بيقوم بياخدكم مباشر لصندوق التحرير

- بالاحتمال الأول ... المقال موجود => لو كبستو عالرابط (وحيكون ساعتها أزرق) ... ما حياخدكم عصندوق تحريرو ... حياخدكم عالمقال نفسو

معناها بتفوتو عليه ... وحتلاقو عناوين فوق عنوان المقال: عدل - ناقش هذه الصفحة - إفراغ الكاش ......... الخ

بتوقومو بتكبسو على عدل ... وهيك بتصيرو بصندوق التحرير ... وبكل سهولة بتضيفو المعلومات اللي عندكم ياها لتطوير المقال

ــــــــــــــــــــــــــــــــــــــــــــ

إذا وصلتو لهالمرحلة قولولنا ... مشان نكمل إن شاء الله  ...

السلام عليكم..
بالنسبة الي انشالله اليوم بدي بلش كتابة المقال ..
وشو بصير معي بخبركم...
بس سؤال كيف بدي عدل معلوماتي الشخصية بالموسوعة؟؟

السلام عليكم

هلا ... بالنسبة للملف الشخصي ...

اللي بتشوفيهم بالملفات (صناديق) إسمن صناديق مستخدم ... أما كيف منقدر نحطهم:

الطريقة الشائعة بالورشة أنو نخلين يفوتو على ملف شي حدا ... (يعتبر الملف متل المقال فهو قابل للتعديل من قبل أي حدا ... وطبعاً إذا حدا عدلكم بشي ما بدكم يا فيكن بسهولة تعملو استرجاع) ...  فبيبقى في كلمة عدل مكان بالملف فوق ... بياخدكم عصندوق تحرير

ببساطة ... اللي بتعملو هو : نسخ ... لصق بملفكن ... وبتمسحو الشي اللي ما بدكم يا

- الطريقة التانية : اليدوية ... وهي أنو تكتبو أكواد الصناديق بنفسكن

الصندوق بيسمو قالب ... القالب إلو كود هو : {{ }}

بينحط بقلبو اللي بدنا يا ... بيقوم بيظهر على شكل صندوق

بالمقالات كتير بينحط قوالب ... مثلاً : قالب مقالات الصيدلة : {{صيدلة}} ... بتنحط بآخر كل مقال إلو علاقة بالصيدلة

أما بالملف ... فهو قالب مستخدم ... فبيصر {{مستخدم ****}}

بحيث أنو حتحطو بدل **** كلمات بتدل عنكن

مثلاً {{مستخدم سوري}} {{مستخدم مسلم}} {{مستخدم طالب صيدلة}} ....... الخ

هلأ أهم شي تحطو {{مستخدم ويكيسيريا}} ... حتى تنضافو للقائمة أوتوماتيكياً

مشان تنظيم القوالب بشكل مرتب ورا بعض ... منحط أول كود : {{بدء تجميع}} وآخر كود: {{نهاية تجميع}}

طبعاً بين كل كود وكود ... بتحطو enter

متل ما قلتلكن قبل ... فيكن قبل ما تحفظو الصفحة تعملولها معاينة .... بعدها بتعملو حفظ الصفحة

بمجرد أنو تحفظوها ... حيطلع عندكم جدول مرتب بصناديق ... بس فوق حتلاقو كلمة صناديق مستخدم ... رابط بتقدرو تكبسو عليه

بيقوم بياخدكم على كل شي صناديق موجودة بالمعرفة ... بتختارو منها اللي بدكم يا ... بيبقا صورة للصندوق وجنبها كود الصندوق ... نسخ - لصق ؛)

ــــــــــــــــــــــــــــــــــــــــــــــــــــــــــ

لا تواخذونا يا جماعة الأولى ... عم تكون مشاركاتي طويلة ... :$

السلام عليكم

لحنا وين لازم نفتح ؟؟؟؟

اخر التغيرات  - المواضيع - معرفة اخبار

يعني وين المواضيع يلي بدنا نضيفها او نعدلها

السلام عليكم

لأ ... أنتو كل شغلكم على صندوق البحث ... بتحطو في الكلمة اللي هي عنوان المقال

ببساطة:

- النتيجة برابط أحمر => مو موجود هيك مقال => بتكبسو عليها (للكلمة باللون الأحمر) => بتصيرو بصندوق التحرير

- النتيجة برابط أزرق => موجود المقال => بدكن تكبسو عليه فبياخدكم عالمقال => بتختارو زر تعديل اللي فوق لتضيفو معلوماتكم عالمقال الموجود

بالتوفيق ...

لا  اسيل

انا مو هيك قصدي .........

انا قصدي اذا بدي اقرا المقالات وبعدين بدي عدّل عليهم

يعني اذا ما كنت بدي ضيف  مقالة او ما في عنديشي معين
يعني بدي اقرا الاخبار العامة