السلام عليكم :

اقتباس

شكرا كتير BLACK TULIP عل الجواب

ولو يا ميمي تكرم عينك

اقتباس

بس في عندي كم سؤال حاكم ما فيني ما نء
كيف عرفتي أنو شداد بس لأنو جنبوا I
أنا ما كتير فهمانة الشدادات بس إذا بدنا نحسب القوى المحورية فيهن فينا نقيم المسند
وسؤال أخير إذا حلينا عل العمل الوهمي ليش غير مقرر درجة تالتة أنا طلع معي تانية لأنو اعبرتون 4 قطع

على فكرة صرلي ساعة عم إكتب الجواب بس انمحى بكبسة زر وبما إنو ما عاد معي وقت كتير بس حقلك إنو الشداد هو العنصر التمفصل من الطرفين وغير المحمل
إذا طبقتي هالتعريف عالشكل بيمشي حالك وأما درجة عدم التقرير للجائز الشكبي فقط (العقدة والشدادات ) فدرجة عدم تقريرن فيكي تسنتجيها بسهولة من القانون يلي أخذنا وهو عدد العناصر + عدد ردود الأفعال -2*عدد العقد وبتقارنيها مع عدد المعادلات بالمستوي (3)

على فكرة بذكر لكل يلي ما عم يحضروا بيتون يوم الأحد يصيروا يحضروا لأنو بلوط حيصير يعطينا (اليوم أخذ تفقد وقرأ الأسماء) عواض دكتور النظري بالإضافة للعملي وحيعملنا مذاكرة الأحد مو الجاية يلي بعدو


سلام وبالتوفيق للجميع
   

اقتباس

على فكرة صرلي ساعة عم إكتب الجواب بس انمحى بكبسة زر

صار معي نفس الشي مبارح وهلأ كمان

اقتباس

إذا طبقتي هالتعريف عالشكل بيمشي حالك وأما درجة عدم التقرير للجائز الشكبي فقط (العقدة والشدادات ) فدرجة عدم تقريرن فيكي تسنتجيها بسهولة من القانون يلي أخذنا وهو عدد العناصر + عدد ردود الأفعال -2*عدد العقد وبتقارنيها مع عدد المعادلات بالمستوي (3)

رح قلك شو فهمت يعني نحن عنا شدادين يعني عدد العناصر2 وعنا عقدتين وعنا 8 ردود أفعال من المساند و3 معادلات توازن يعني صارت المعادلة
2+8-2*2-3=3=درجة عدم التقرير

صح هيك مو 


وشكرا كتير سلام

اقتباس

للأسف ما عندي معلومات بهالموضوع لأني دائما" بتبع طريقة إستخراج أفضل معادلة بتمر بين النقاط و التعويض فيها مباشرة , بس بعتقد إنو في طريقة بس للأسف ما بعرفها
بالتوفيق,,,

شكرا كتير إلك 

قدرت اعرف التابع يلي على الأغلب هو يلي بيفيدني بسؤالي وهو Analaysis toolpak ... جربتو رفيقتي بس ما ظبط معها ... مدري شو عم يطلب الإكسل منها ؟؟؟ وحاولت وجربت بس ما وصلت لشي ....


بس سؤال مشان اتأكد من فهمي لإلك ...

اختيار أفضل معادلة بتمر من النقاط قصدك تبع الأسي واللغاريتمي والخطي وووو ... مو هيك ؟؟؟


شكرا مرة تانية  عذبتك 


*****


بالنسبة لوظيفة الإنشاءات في طور الحل ... وكترلونا كمان من هالأسئلة لانها بتفيد

اقتباس

اقتباس

على فكرة صرلي ساعة عم إكتب الجواب بس انمحى بكبسة زر

صار معي نفس الشي مبارح وهلأ كمان

تعيشوا وتاكلوا غيرها   

بلا دوام بلا بطيخ
بلا وظيفة انشاءات
وبلا هيدرولك
في احلى من النوم
مالي خلق البس و روح ع الكلية ليش مابعرف

مرحبا

حدا من طلاب الأستاذ طويل بيعرف إذا تسليم الوظيفة بوكرا لما لاء ما بتذكر شو حكى المرة الماضية

و أنا آسفة أنو كتير كترت أسئلتي بس المشكلة ما حدا من رفقاتي حسن يجاوبني وما عرفت مين بدي أسأل
مشان المسألة الأولى طلعت أنا أم عجئة وأريت نص السؤال غلط ما اتنبهت أنو الاستطالة بس على AD مشان هيك كتير بعتذر لأنو حسيتكم كتير أدياءتوا 
وشكرا إلكم كتييييير 

سلام

السلام عليكم

بدي احكي خبر أكيد عن الهيدروليك
اليوم تأكدت من الدكتور شخصيا انه المذاكرة تأجلت إلى إشعار آخر ،، طبعا هالشي حسب إذا دكتور أمجد زينو عطانا محاضرة من وقته وسمحلنا نعمل هالمذاكرة ،،،، وقال انه إذا ما لقينا وقت للمذاكرة فرح تنلغى وبالتالي بيبقى الفصل الرابع للفحص العملي النهائي

و مشان وظيف الهيدروليك سألت الدكتور وقال : الوظيفة بتسلموها إيمت ما بدكن ،،، أهم شي تعرفو تحلو
يعني يللي فهمته منه انه الوظيفة مو الزامية وانه اللي بدو بيروح يسلم الوظيفة لحتى يصلح حله ويتأكد .


بالنسبة لوظيفة الانشاءات ،،، اليوم سألنا قسيس إيمت بدو ياها قال للأسبوع الجاي

والصراحة أنا لهلأ ما اعتمدت حل ،،، لإنه يللي شفته انه في خلاف كبير بين الطلاب على المسائل وطرق حلها ،،،، بيني وبينكن لدرجة حسيت حالي ما بفهم بالميكانيك   .

اقتباس

مشان المسألة الأولى طلعت أنا أم عجئة وأريت نص السؤال غلط ما اتنبهت أنو الاستطالة بس على AD

أها وعم قول لحالي كيف انحذفت معك ال8 من الطرفين   ،،،، على كل بسيطة بتصير كتير لا تاكلي هم

اقتباس

مشان هيك كتير بعتذر لأنو حسيتكم كتير أدياءتوا

له بالعكس احنا هون مشان نطرح أسئلة ونتناقش وممكن نغلط ونستفيد من أخطاءنا
وأنا ما عدت حكيت بالوظيفة لاني لهلأ مو متأكد من طرق حلي ومابدي لخبط حدا معي

اليوم نزلت وظيفة الهيدرولوجيا الثالثة

ونص الوظيفة بالمرفقات


موفقين 
                           
                                   
                                         

اقتباس

له بالعكس احنا هون مشان نطرح أسئلة ونتناقش وممكن نغلط ونستفيد من أخطاءنا
وأنا ما عدت حكيت بالوظيفة لاني لهلأ مو متأكد من طرق حلي ومابدي لخبط حدا معي

شكرا كتير طمنتني لكن رح ضل عم أسأل

اقتباس

بدي احكي خبر أكيد عن الهيدروليك
اليوم تأكدت من الدكتور شخصيا انه المذاكرة تأجلت إلى إشعار آخر ،، طبعا هالشي حسب إذا دكتور أمجد زينو عطانا محاضرة من وقته وسمحلنا نعمل هالمذاكرة ،،،، وقال انه إذا ما لقينا وقت للمذاكرة فرح تنلغى وبالتالي بيبقى الفصل الرابع للفحص العملي النهائي

هي أحلى خبرية

وشكرا للكل

اقتباس

بدي احكي خبر أكيد عن الهيدروليك
اليوم تأكدت من الدكتور شخصيا انه المذاكرة تأجلت إلى إشعار آخر ،، طبعا هالشي حسب إذا دكتور أمجد زينو عطانا محاضرة من وقته وسمحلنا نعمل هالمذاكرة ،،،، وقال انه إذا ما لقينا وقت للمذاكرة فرح تنلغى وبالتالي بيبقى الفصل الرابع للفحص العملي النهائي

و مشان وظيف الهيدروليك سألت الدكتور وقال : الوظيفة بتسلموها إيمت ما بدكن ،،، أهم شي تعرفو تحلو
يعني يللي فهمته منه انه الوظيفة مو الزامية وانه اللي بدو بيروح يسلم الوظيفة لحتى يصلح حله ويتأكد .

على قولة ميمي ... هي احلى خبرية ...

شكرا كتير إلك  

اقتباس

اليوم نزلت وظيفة الهيدرولوجيا الثالثة

وينها ميمي لتبلش نق فيها   



بالتوفيق للجميع


   

أنا حليت المسألة التالتة بالانشاءات والأجوبة كانت
قريبة كتير من يلي نزلوهن الشباب بالمنتدى

أما المسألة الأولى فما عرفت حلها ياريت تساعدوني وتنزلو حلها

وبالنسبة للمسألة الرابعة فنحنا لسا ما أخدنا طريقة العزوم الثلاث بالعملي
فكيف بدنا نحلها

وشكرا