الأسبوع الجاية أسبوع كبيس

عنا تسليم وظيفة الهيدرولوجيا (بس إن شاء الله مو كتير صعبة )

وعنا تسليم وظيفة الإنشاءات يلي أخدناها من العصر الجوراسي ولهلأ ما كنا نعرف نحل متل العالم
بالمناسبة أنا آسفة بالنسبة لحل المسألة الثالثة طلعت المسألة غير مقررة درجة تانية وعكل أنا اليوم ما فشلّي قلبي الطويل بكرا بسأل قسيس وبفهم عالمزبوط وبكتبلكن مشان ما تكرروا غلطتي بالحل
شغلة تانية الطويل نزل كمالة محاضراتو وقال إنو ما عاد ينزللنا بعد اليوم و المحاضرات نازلة بالركن والكشك
الأسبوع الجاية عنا كمان مذاكرة للطويل بكل شي أخذنا لهلأ

وعنا وظيفة الهيدروليك بس الدكتور مو مستعجل عليها ووقت سألنا عليها قلنا جيبوها وقت بتحلوها حاولت إعمللها برنامج على الفيجوال بيسك بس يزبط إن شاء الله بنزللكن يا

طلاب المهندسة جزماتي عندن مذاكرة تجهيزات الأسبوع الجاية

............................
يعني باختصار دع الحياة وابدأ القلق

اقتباس

شكرا كتير إلك

قدرت اعرف التابع يلي على الأغلب هو يلي بيفيدني بسؤالي وهو Analaysis toolpak ... جربتو رفيقتي بس ما ظبط معها ... مدري شو عم يطلب الإكسل منها ؟؟؟ وحاولت وجربت بس ما وصلت لشي ....


بس سؤال مشان اتأكد من فهمي لإلك ...

اختيار أفضل معادلة بتمر من النقاط قصدك تبع الأسي واللغاريتمي والخطي وووو ... مو هيك ؟؟؟


شكرا مرة تانية عذبتك

صراحة أنا شفت التعليق سابقا" , بس أنا عنجد آسف  لأني عم اتأخر بالرد بس في ظروف معينة مأثرة فيي هلأيام.

هلأأ بالنسبة لـ Analaysis toolpak  بعتقد إنو قصدك الأداة التالية الموجودة بالـ Add-ins



و يلي بعد تفعيلها و تشغيلها بتعطينا النافذة التالية الموجود فيها عدد كبير من الأدوات



هلأ للصراحة معك يا بحر أنا ما رح إدعي إني بعرف إتعامل معهم , بس دخلت على مواقع اجنبية و أخدت فكرة عن الأدوات , و توصلت لنتيجة إنو أنا فيني أوصل للشي يلي بدي ياه و يلي بيفيدني (حاليا") بدراستي بطرق أقل تعقيد من إستخدام هالأدوات (كحل المعادلات أو حسابات التراجع مثلا") و هالشي كمان بطرق مختلفة بالإكسل أو بمساعدة برامج بسيطة تانية , فنصيحتي حاليا" لإلك تنسيهم (مؤقتا") و تأجلي موضوعهم للمستقبل في حال عملتي دراسات و أبحاث هندسية (إنشاء الله) , لأني لاحظت حسب المقالات يلي شفتها إنهم بينفعو  جدا" بهالحالة , بس صراحة بما إنو من هواياتي متابعة هالشي أنا ما رح إنساهم و رح إرجع حاول فيما بعد إتعلمهم و إذا توصلت لشي مفيد ما رح إبخل على حدا بمعلوماتي.
و على كل بالمرفقات في ملف اكسل أجنبي بيوضح إستخدام Regression بالـ Data Analysis لإستخراج ثوابت المعادلة z = a + bx + cxy + dln(y)

اقتباس

بس سؤال مشان اتأكد من فهمي لإلك ...

اختيار أفضل معادلة بتمر من النقاط قصدك تبع الأسي واللغاريتمي والخطي وووو ... مو هيك ؟؟؟

تقريبا" هيك كان قصدي , بس أنا جاوبت هادا الجواب لأنو الدالة يلي حطيتها و يلي صيغتها FORECAST(x,known_y's,known_x's) بتعطي نتيجة قريبة جدا" فيما لو عملتي للنقاط المعطاة تراجع خطي و عوضتي قيمة x بالمعادلة الناتجة, و يلي شفتو أنا إنو البرامج الضخمة دائما" بتوفر أكتر من طريقة لعمل نفس الشغلة و يلي بيستخدم البرنامج بيختار الطريقة يلي بيرتاح فيها أكتر.

اقتباس

شكرا مرة تانية عذبتك

ولا يهمك أهلا و سهلا دائما"  و صراحة الشكر لازم يكون إلك و لرفقاتك يلي عم يسألو  لأني صراحة بستمتع بإعداد الأجوبة لهيك أسئلة و بستفيد أنا كمان لما جاوب على الأسئلة , و بتمنى إني كون قدرت ساعدك بأي شي مفيد بجوابي.

بالتوفيق,,,
   

اقتباس

أما المسألة الأولى فما عرفت حلها ياريت تساعدوني وتنزلو حلها

هلأ حليتها للمرة الخامسة وإن شاء الله تكون صح
هلأ رح اكتب الطريقة كيف
ui=ue
ui=sum((N^2)*L/2EA)+0.5*Nad*8*10^-3
UE=0.5*P*DELTA
DELTA=Nbd*Lbd/E*Abd
p=100
وبتحط معادلات التوازن تبع xi,yi
بتطلع المعادلة بمجهول وحيد هو Nad بتحلها عل الآلة الحاسبة

وطلعت معي الأجوبة
N1=N3=36.27
N2=33.04

أنا هيك فهمتها اليوم من أستاذ العملي بس ما لي متأكدة إن شاء الله كون فدتك فيها

اقتباس

وبالنسبة للمسألة الرابعة فنحنا لسا ما أخدنا طريقة العزوم الثلاث بالعملي
فكيف بدنا نحلها

طريقة العزوم التلاتة نحن ما رح ناخدها بالعملي مشان هيك الدكتور سمارة حللنا مثال كتير بيشبه تبع الوظيفة عل الدرس بالإضافة لمثال النوطة

اقتباس

أنا حليت المسألة التالتة بالانشاءات والأجوبة كانت
قريبة كتير من يلي نزلوهن الشباب بالمنتدى

صرلي أكتر من ساعتين عليها ل A  وما طلعوا معي نفس الأجوبة  وما عرفت وين غلطانة


بالتوفيق

سلام

اقتباس

و صراحة الشكر لازم يكون إلك و لرفقاتك يلي عم يسألو  لأني صراحة بستمتع بإعداد الأجوبة لهيك أسئلة و بستفيد أنا كمان لما جاوب على الأسئلة , و بتمنى إني كون قدرت ساعدك بأي شي مفيد بجوابي.

نحن اللازم نشكرك عنجد طريقة شرحك وتوضيحك كتير منيحة و بتخلي الواحد ما يعود ينسى الشغلة فشكرا إلك على كل شي قدمتلنا ياه

وبالتوفيق

ازا سمحتو بس عندي سؤال بالانشاءات هلأ وقت بدنا نطالع n ايمتى نفرضها شد ولا ضغط يعنى ايمتى نرسم السهم خارج او داخل للعقدة

وبليز اللي متزكر شوي عن قواعد القوى اللي نعرفها مباشرة انها صفر من الشكل دون الجل

اقتباس

صراحة أنا شفت التعليق سابقا" , بس أنا عنجد آسف  لأني عم اتأخر بالرد بس في ظروف معينة مأثرة فيي هلأيام.

لشو عم تعتذر ؟؟؟ما بيكفي عم نكتر عليك   وإن شالله بتروح هالظروف بأقرب وقت وترتاح ...

اقتباس

هلأأ بالنسبة لـ Analaysis toolpak  بعتقد إنو قصدك الأداة التالية الموجودة بالـ Add-ins

كيف بوصل لهون ؟؟؟؟

اقتباس

و يلي بعد تفعيلها و تشغيلها بتعطينا النافذة التالية الموجود فيها عدد كبير من الأدوات
هلأ للصراحة معك يا بحر أنا ما رح إدعي إني بعرف إتعامل معهم , بس دخلت على مواقع اجنبية و أخدت فكرة عن الأدوات , و توصلت لنتيجة إنو أنا فيني أوصل للشي يلي بدي ياه و يلي بيفيدني (حاليا") بدراستي بطرق أقل تعقيد من إستخدام هالأدوات (كحل المعادلات أو حسابات التراجع مثلا") و هالشي كمان بطرق مختلفة بالإكسل أو بمساعدة برامج بسيطة تانية , فنصيحتي حاليا" لإلك تنسيهم (مؤقتا") و تأجلي موضوعهم للمستقبل في حال عملتي دراسات و أبحاث هندسية (إنشاء الله) , لأني لاحظت حسب المقالات يلي شفتها إنهم بينفعو  جدا" بهالحالة , بس صراحة بما إنو من هواياتي متابعة هالشي أنا ما رح إنساهم و رح إرجع حاول فيما بعد إتعلمهم و إذا توصلت لشي مفيد ما رح إبخل على حدا بمعلوماتي.

حاسة حالي شغلت الدنيا بسؤالي   

على كل حال مبارح سلمت تجربة التربة وعملت متل ما قلتلي ( اختيار أفضل معادلة ) لأنو بصراحة ما في حدا ممكن يعطيني جواب أحسن من جوابك    مع إنها ما ظبطت بقيمة ... (المهم ما رح فوت بتفاصيل التجربة هلأ ... )
وانا لو بدي ارسم على ورق النص لوغاريتمي ... كنت رسمت من زمان وريحت راسي ... بس كان عندي إصرار إني أعرف هالشي على الإكسل ... والحمد لله وصلت لجزء من المعرفة وهو تابع FORECAST ... وانا بانتظارك في حال عرفت شي جديد ... ( خود وقتك ... مو مستعجلين على شي ... )

اقتباس

و على كل بالمرفقات في ملف اكسل أجنبي بيوضح إستخدام Regression بالـ Data Analysis لإستخراج ثوابت المعادلة z = a + bx + cxy + dln(y)

شكرا إلك ... حملتو ورح خليه عندي لوقت الحاجة ... باعتبار هلأ ما في وقت ...

اقتباس

ولا يهمك أهلا و سهلا دائما"  و صراحة الشكر لازم يكون إلك و لرفقاتك يلي عم يسألو  لأني صراحة بستمتع بإعداد الأجوبة لهيك أسئلة و بستفيد أنا كمان لما جاوب على الأسئلة , و بتمنى إني كون قدرت ساعدك بأي شي مفيد بجوابي.

طبعا عم تساعدني وكتير كمان    عنجد شكرا والله يوفقك ويهون عليك 


تحياتي ...

   

شكرا" كتير إلكم mimi    و بحر  على ردودكم الكتييير حلوة    و أنا جاهز لأي سؤال إذا كانت معلوماتي كافية للإجابة - تكرمو دائما"... 

اقتباس

وانا لو بدي ارسم على ورق النص لوغاريتمي ... كنت رسمت من زمان وريحت راسي ... بس كان عندي إصرار إني أعرف هالشي على الإكسل ...

صراحة يا بحر أنا تعلمت الإكسل بنفس الطريقة يلي هلأ عم تتبعيها إنتي  , كان عندي دائما" إصرار إنو إعمل أي شي على الإكسل حتى لو ما كان مطلوب منا و حتى في كتير من رفقاتي كانو يستغربو مني هالشي و دائما" يسألوني نفس السؤال (ليش ؟) , فبحب قلك عنجد  Bravo 

اقتباس

اقتباس

هلأأ بالنسبة لـ Analaysis toolpak بعتقد إنو قصدك الأداة التالية الموجودة بالـ Add-ins

كيف بوصل لهون ؟؟؟؟

أول شي بدك تفعليها متل الخطوات يلي بالصورة (وغالبا" رح يقلك الإكسل إنو الأداة غير مثبتة و لازملها تثبيت , فبتعملي Ok أو install أو الموافقة حسب نص الرسالة و بتنطري حتى يتم التثبيت لأول مرة)



و بعد التفعيل رح تلاقيها بالمحل الموضح بالصورة التالية

اقتباس

طبعا عم تساعدني وكتير كمان عنجد شكرا والله يوفقك ويهون عليك

شكرا" بحر  مرة تانية 

اقتباس

اقتباس

و صراحة الشكر لازم يكون إلك و لرفقاتك يلي عم يسألو لأني صراحة بستمتع بإعداد الأجوبة لهيك أسئلة و بستفيد أنا كمان لما جاوب على الأسئلة , و بتمنى إني كون قدرت ساعدك بأي شي مفيد بجوابي.

نحن اللازم نشكرك عنجد طريقة شرحك وتوضيحك كتير منيحة و بتخلي الواحد ما يعود ينسى الشغلة فشكرا إلك على كل شي قدمتلنا ياه

شكرا" mimi  مرة تانية 

بالتوفيق دائما" ,,,
   

اقتباس

ازا سمحتو بس عندي سؤال بالانشاءات هلأ وقت بدنا نطالع n ايمتى نفرضها شد ولا ضغط يعنى ايمتى نرسم السهم خارج او داخل للعقدة

وبليز اللي متزكر شوي عن قواعد القوى اللي نعرفها مباشرة انها صفر من الشكل دون الجل

بعتقد الملف الموجود بالمرفقات ممكن يساعدك , و موجود فيه كمان القواعد المفيدة يلي سألتي عنها.
بالتوفيق,,,
   

شكرا كتير h.r.u  على هالشرح الحلو والمفصل والواضح   

وبما إنك

اقتباس

و أنا جاهز لأي سؤال إذا كانت معلوماتي كافية للإجابة - تكرمو دائما"...

وهي انا ما رح قصر  لح اسألك دغري 

في طريقة نعرف فيها بعد رسم الخط البياني "القيمة العظمى"  فيه ؟؟؟

وشكرا     

اقتباس

اقتباس

و أنا جاهز لأي سؤال إذا كانت معلوماتي كافية للإجابة - تكرمو دائما"...

وهي انا ما رح قصر لح اسألك دغري

تكرمي و أنا كمان ما رح قصر و رح جاوبك   

في طريقة بإستخدام الـ Solver لإستخراج القيمة العظمى أو الصغرى للمعادلة الرياضية , فإذا الخط البياني توفر معو المعادلة الرياضية فهالشي ممكن بطريقة بسيطة

بالبداية رح إفترض الخط البياني التالي  يلي بتعبر عنو المعادلة y=4-x^2



لإستخراج القيمة العظمى للمعادلة بيتم إتباع الخطوات الموضحة بالصورة



بس ملاحظة صغيرة , بعد ما رفعت الصورة على الموقع لاحظت إنو في غلط بالترقيم لأني عملت الصورة بسرعة , بدل الخطوة 3 حاطط 4 و مكرر الخطوة 7 مرتين , الغلط فقط بالترقيم و ما في أي خطوة ناقصة

و إذا في شي غير واضح بالشرح أنا جاهز للتوضيح 

بس في سؤال تجنبت إسألك ياه من قبل بحر    هلأ برد سابق كتبتي إنك جربتي الشغل على Analaysis toolpak  و بعدين سألتيني بعد ما حطيت الصورة منين بدنا نطلعها , فهل كان سابقا" قصدك على أداة تانية , و شكرا" 
تحياتي ,,,