أولاً - بالنسبة إلي أهم شغلتين :

الفطور


النوم

ثانياً - بالنسبة للدفاتر والتسجيل والحضور وما إلى ذلك فيقول بعد خبرة 5 سنين أن الواحد يسأل عن المادة أول الشي ....


يا ما مواد حضرت كل محاضراتها وكتبتها ...إلخ

بعدين ما بيجي كلمة برا المحاضرات المكتوبة وبأسلوب غبي جداً .......وهالشغلة نص مصيبة

المصيبة أنو الواحد يدرس ويتعب وبالأخير ما يجي كلمة برا الدورات ...

وطبعاً بنفس الوقت في مواد بيتعب عليها ....

يعني باختصار أسلوب الدراسة يختلف حسب دكتور المادة

أما بالنسبة لتتالي المحاضرات فبعد خبرتي المتواضعة (وأنا من الناس اللي كانوا أول 3 سنين ما يتركوا أي محاضرة)

بنصح أنو الواحد يحاول يحذف إحدى المحاضرات غير الهامة ....

مثلاً عنها مادتين :::

أدوية - المادة x

بحذف المادة x في حال كان ممكن القراءة بالمحاضرة لصالح الأدوية ...

وأخيراً ......بيضل الحضور جيد حتى لو كان الدكتور عبيحكي بس السلايدات وما عبيطلع منها لن الواحد بتتثبت الأفكار برأسه وبعد ما يقرا المحاضرة بيحفظها ربما أكثر

بس بشرط ما يضيع الواحد وقت ممكن يستفيد منه أكثر ....

السلام عليكم

لين عنجد شكرا كتير لأنو شاركتينا تجربتك    ... وشكرا عالادعية اللي حطيتيا 

ان شاء الله بتتوفقي هالسنة وتقدري تنفذي اللي عم تفكري فيه 

انا حأحكي تجربتي ... بس مستحيل حدا يكون عمل متلي    ... فما بعرف اذا حفيد حدا

أول شي انا فايتة عالجامعة ما بعرف عنها شي    ... لا في اخوات ولا قرايبين اكبر مني ليقولولي عن تجربتن (مع انو ما لازم اتعطل عهالشغلة ...  بس !!!!)

هاد غير أسوء شي بالموضوع واللي هو أنو كان في براسي  فكرة هي أنو أنا ما قد هالفرع ... وكل ما اسمع حدا عميحكي عن اللي فايتين ما بعلامة  متل غيرن بيرجع هالشعور 

يمكن أزمتي مع دكتورة الرياضيات بلشت من هالشي ... وصرت مقدمة رياضيات 3 مرات

كنت دائما خاف فوت أحضر لأنها إذا طلعت حدا لازم تسألو أديه جمع ... لو واحد فايت بعلامتو بس مو عالية ما بيعبي عينها ... فكيف لو موازي أو ........ الخ ... لك حتى الطلاب ما بيعجبن فأكيد شعور ما لطيف 

فبدال ما أثبتلن انو لأ فيني كون هون صرت بدي أثبت لأهلي انو ما لازم كون هون وهي كانت بداية الفشل 

كنت احضر كل شي واكتب ... بس كان حضوري متل قلتو 

وطبعا كانت النتيجة حمل 3 مواد ... أول وحدة فين حملتا بسبب خربطة بيومها (من كتر ما كنت مهتمة) 

وطريقة دراستي بابا نبهني أنو غلط (ما كنت أكتب شي أنا وعم أدرس أبدا) بس مع هيك التنبل تنبل 

بالعطة الانتصافية سجلت هون وصرت شوف كيف الطلاب مهتمين وعميساعدو بعض (وأهم شي كيف مهتمين بالمعدل)

فبلشت غير رأيي وصرت بدي بلش من جديد ... صرت اسأل كتير  وفي ناس زعجتن كتير بأسئلتي ... ولهلأ بضل اسأل 

السؤال حتى لو دل عجهل بس بيضل أحسن ما يضل الواحد عجهلو 

بقلب السنة استفدت من كل شي انطرح بالمنتدى ... بالعملي واخر شي اسئلة النظري

كمان غيرت شي عن الفصل الأول وهو الحضور ... لقيت انو لازم اول شي نحضر كل شي ... ومع الايام نصير نعرف شو نحضر وشو لأ لأنو أحياناً ممكن يضيع الوقت اذا المحاضرة عم تنقال متل ما هي بالكتاب مثلاً ... بس أكيد لازم نضل نسأل إذا في إضافات أو الدكتور حكا شي أو ......

وكمان بالفصل التاني صرت من رواد المكتبة بأوقات المحاضرات اللي ما بحضرا

وما بنسا اللي تعرفت عليهن بالمشاريع من السنين التانية (نسرين - نور الهداية - نهى - سلام - رؤى ونيرمين ورنا وخلود (2) وريم وحنان وغيرن ) فادوني كتييير بنصائحهن ولهلأ ما بيقصروا لو سألتن 

واخر شي وقت الفحص فادتني الدراسة مع ايلانو    ... نبهتني عكتير أشياء ولهلأ كمان بتضل تقلي وين غلطي لما شوف انو لازم كنت جيب اكتر (بالنبات اللي قدمتا هلأ مثلاً ) 

أما خططي القادمة ... فعم فكر أنو لازم صير سجل المحاضرات أو أي شي ممكن يتسجل بالعملي

بس إذا لقيت أنو ممكن تروح وقت كتير متل ما قلتي فممكن الغي الفكرة ... لشوف حأستفاد أو لأ 

ومتل ما قلتو الوقت صار ضيق ... صار بدا دراسة من أول السنة (وان شاء الله اذا بلشنا بهمة نكمل بنفس الهمة) 

وحصير فكر بالمعدل اللي ما كنت بعرف انو موجود أصلاً بالفصل الأول    ... لازم حط رقم وحاول ما انزل عنو ان شاء الله

وححاول إذا قدرت (الفكرة ضعيفة بس واردة) أنو إذا سجلت الحكي اكتبو عالكمبيوتر ... ووقتا ممكن ضيف أشياء عالمعرفة (والفكرة مطروحة من طلاب المعلوماتية ومسمينها أكاديمية المعرفة)

والمراجع اللي صارت عنا لازم بلش استفاد منها بشكل أو بآخر ان شاء الله

وآسفة لأنو طولت عليكن     

اقتباس

يلا وجدي ... حدد موعد مشان نروح مشوار على السوق

بكرا إن شاء الله

بتصل فيك وأنت لازم تكون جاهز
مفهوم؟؟؟




شكرا كتير فتاة المستقبل وآيرون مان وأسيل ع النصائح الحلوة 
عنجد كتير استفدت

مسا الخير
اسيل وانت عم تحكي حسيتك عم تحكي عني لان نفس معاناتي (وكمان حاملة 3 مواد ومشان المجموع)
بس انا ما قدرت عدل دراستي بالفصل التاني بس هلا بس خلصت السنة عرفت انو كنت عم ادرس بطريقة كتير غلط وان شاء الله السنة الجاي بقدر استفبد من اخطائي وحسن معدلي لانو كتيير     
وان شاء الله اقدر بس اكيد رح تساعدوني ما
سلام

 



يا قوم .... نزل البرنامج

عملو  زوووووووووووووووم بيمشي الحال

.........................

روحو على صفحة الدليل مشان تعرفو آخر الأخبار ................

سلامات

وشكرا يا جماعة أنو عمتخبرونا تجاربكم

شكراً كتير للكل عكل شي عم يكتبوا ويفيدونا فيه     
وشكر خاص لحسان عالبرنامج 
لأني كنت كتير محتارة كيف بدي جيبوا 
والله يعطيكن العافية   

السلام عليكم

اقتباس

وان شاء الله اقدر بس اكيد رح تساعدوني ما

ان شاء الله بتقدري ولا يهمك 

اهم شي مساعدة رفقاتك ... 

وبما انو عندك نفس المعاناة فإن شاء الله بنتحسن خطوة خطوة 

أنا عدلت يمكن ... بس ما وصلت للحد المطلوب ... لسا بدي شغل كتير 

ـــــــــــــــــــــــــــ

سؤال لو سمحتو

البرنامج قابل للتغيير شي 

السلام عليكم ورحمة الله وبركاته


كل عام وأنتو بخير ...هي خلص الصيف وخلصت العطلة ...


شكراً حسان على البرنامج..

بس كأنو يومي الاثنين والثلاثاء تقال شوي للشعبة الأولى..

الله يعينا..


===========

سؤال بالنسبة لمقالة المدخل:

نحنا عم نكتب عن بعض الأمور الخاصة بالقوانين المستعملة في سوريا فقط...
يعني مو لازم نحكي بشكل عام...؟!

يعني متل فقرة الأدوية والأدوات الواجب توافرها في الصيدلية حسب قراروزارة الصحة...هي الفقرة أكتبها أو لا .؟


موفقين

سلام

السلام عليكم ورحمة الله وبركاته

شكرا حسان على تنزيل البرنامج

بس شو هالبرنامج  شغغغلة         

وخاصة على فئتي  الفئة الأولى  يعني  كل يوم الدوام للساعة  خمسة 

والفراغات كبيرة كتير بين الجلسات     

مو متل الفئة التالتة  الله يتم عليييهنننن
           


مو حسد بس ديقة عين

السلام عليكم


شكرااا كتير عالبرنامج  ....... وفرتو علينا المشوار   


عنجد كأنو الدوام أطول للكل  ...............

بس الفئة تبعنا من أول السنة ولهلأ دوامنا متل طلاب المدارس الشطورين   .............. من الساعة تمانة

ما بيخلو الواحدة يتهنى بالنوم ولا يوم   

اقتباس

هي خلص الصيف وخلصت العطلة

   

يلا ماشي الحال ........... الله يجعلها خاتمة الأحزان